1 Corintios 6:10 - Mixteco del suroeste de Tlaxiaco Oaxaca

¹⁰ ni rá ñɨvɨ kuíꞌná, ni rá ñɨvɨ uꞌvi iniꞌ, ni rá ñɨvɨ ka̱ꞌva, ni rá ñɨvɨ kákuíyuꞌú, ni rá ñɨvɨ sáꞌá máñáꞌ, chi nsáꞌ ni̱ꞌi̱nꞌ ráa ta̱ꞌvi̱ꞌ ya̱ ki̱vɨ ráa xi̱ntíín Ndiosíꞌ tátúníꞌ re̱ꞌ nu̱u̱nꞌ ráa.

1 Corintios 6:10 Referans Kwoze

1 Corintios 5:11

Soo ntañúꞌún tée ni̱ꞌ tu̱ꞌun nu̱u̱nꞌ tutuꞌ yaꞌá jee nkachiꞌ ni̱ꞌ ya̱ koto kútáꞌán rán jín ni ɨɨn ñɨvɨ ya̱ káchíꞌ‑i kúvi‑i ñanitáꞌán‑ó ya̱ jínúꞌ iniꞌ‑i Cristo, ya̱ sáꞌá téní‑i, áxí u̱ꞌvi̱ꞌ iniꞌ‑i, áxí néñu̱ꞌun‑u rá nantíñú ya̱ nsú Ndiosíꞌ tékúꞌ ví‑i, áxí kákuíyuꞌú‑u, áxí ka̱ꞌva‑a, áxí sákuíꞌná‑a. Jee koto kútáꞌán rán jín ñɨvɨ ya̱ sáꞌá sukuán, ne̱ koto yájíꞌ kuitɨꞌ rán xi̱ta̱ꞌ jín‑i.

Gálatas 5:21

sáꞌá úꞌvi iniꞌ ráa néꞌyá ráa rá nantíñú inka ñɨvɨ, jiáꞌníꞌ ráa ñɨvɨ, nákúni ráa, sáꞌá ráa viko néꞌén, jee sáꞌá víꞌí ráa sukuán. Jee káchíꞌ ni̱ꞌ sáni ya̱ nkachiꞌ ni̱ꞌ nu̱u̱nꞌ rán ya̱: rá ñɨvɨ sáꞌá rá tiñu suꞌva, jee nsáꞌ nni̱ꞌi̱nꞌ ráa ta̱ꞌvi̱ꞌ ya̱ ki̱vɨ ráa naꞌá Ndiosíꞌ nu̱u̱nꞌ tátúníꞌ re̱ꞌ.

Efesios 4:28

Jee ñɨvɨ ya̱ sákuíꞌná, jee koto sákuíꞌná‑a ka̱ꞌ, chisaꞌ íyó satíñú‑u jín naꞌá‑a tiñu kúvi ya̱ váꞌa, sáva ni̱ꞌi̱nꞌ‑i ya̱ ku̱ꞌva‑a nu̱u̱nꞌ inka ñɨvɨ ya̱ jíniñúꞌún.

1 Pedro 4:15

Jee saáva koto sáꞌá rán tiñu jiáꞌníꞌ ta̱ꞌán, áxí ya̱ sákuíꞌná, áxí rá tiñu níváꞌa, áxí rá tiñu ya̱ kíní‑i maáa nu̱u̱nꞌ ñujiínꞌ rá inka ñɨvɨ, jee saáva retú kunoꞌo‑ó soo ntu íyó kunoꞌo rán jie̱ꞌe̱ꞌ rá tiñu vá jie̱ꞌe̱ꞌ ya̱ ntu nsa̱ꞌá rán maa.

Mateo 23:33

’¡Ko̱o̱ꞌ ránoꞌó! ¡Se̱ꞌya ko̱o̱ꞌ xe̱e̱nꞌ ví ránoꞌó! ¿Na̱ja kuvi ka̱ku rán nu̱u̱nꞌ sikɨ́naanꞌ Ndiosíꞌ ránoꞌó kɨ̱ꞌɨ̱nꞌ rán nu̱u̱nꞌ ñuꞌúnꞌ xéénꞌ?

1 Tesalonicenses 4:6

Jee koto jiáꞌa sáꞌá ni ɨɨn ránú nu̱u̱nꞌ ɨɨn ñaniꞌ nú jie̱ꞌe̱ꞌ vá. Jee koto xínáꞌví nú re̱ꞌ jie̱ꞌe̱ꞌ vá. Chi náchunáán I̱toꞌoꞌ‑ó xínóꞌo re̱ꞌ ñɨvɨ jie̱ꞌe̱ꞌ nta̱ká kua̱chi yaꞌá, sánikua̱ꞌ ya nstúꞌva ránꞌ nu̱u̱nꞌ ránoꞌó. Ya nstúvi na̱a̱ꞌ ránꞌ maa nu̱u̱nꞌ ránoꞌó.

Juan 12:6

Sú nkachiꞌ re̱ꞌ sukuán, soo nsú jie̱ꞌe̱ꞌ ya̱ kúnáꞌví nijia iniꞌ re̱ꞌ rá láꞌví, chisaꞌ jie̱ꞌe̱ꞌ ni ka̱ꞌ ya̱ maáréꞌ kúvi ɨɨn te̱e kuíꞌná. Chi maáréꞌ kúvi te̱e ya̱ nééꞌ si̱kɨ̱ꞌ re̱ꞌ kúmí re̱ꞌ ñunu xu̱ꞌún nu̱u̱nꞌ rá táꞌán te̱e súkuáꞌa Jesús ráa, jee tɨ́ɨn kuíꞌná re̱ꞌ yakuꞌ xu̱ꞌún nu̱u̱nꞌ chúꞌun ráa ya̱ kúmí re̱ꞌ.

Mateo 23:13

’¡Na̱ ka̱ꞌ xe̱e̱nꞌ kunoꞌo rán ka̱ꞌ ránoꞌó, te̱e xínéꞌénꞌ jie̱ꞌe̱ꞌ tu̱ꞌun nta̱túníꞌ Ndiosíꞌ, jín ránoꞌó te̱e kúvi fariseo!, ¡te̱e sansuꞌva kúvi rán! Chi jiásɨ́ꞌ rán ya̱ ki̱vɨ rá ñɨvɨ xi̱ntíín Ndiosíꞌ ya̱ nééꞌ antivɨ́ súkún tatúníꞌ re̱ꞌ nu̱u̱nꞌ ráa, chi ránoꞌó jee ni ntu kívɨ rán xi̱ntíín re̱ꞌ, jee ni ntu jiáꞌa rán ya̱ ki̱vɨ rá inka ka̱ꞌ ñɨvɨ.

Mateo 21:19

Jee niniꞌ re̱ꞌ ɨɨn yutun higo íñɨ́ yuíchí, jee ña̱kuyatin re̱ꞌ jie̱ꞌe̱ꞌ‑e, soo ni ntu̱náꞌ higo níꞌínꞌ re̱ꞌ, chi ntu̱náꞌ nínta, chi kua̱chi nayúkuꞌ‑u nééꞌ. Saájee nkachiꞌ re̱ꞌ nu̱u̱nꞌ yutun higo vá: ―Ni nsáꞌ kuun ka̱ꞌ ya̱ vixíꞌ nu̱u̱nꞌ nú nɨ́ɨ́nkání ―nkachiꞌ re̱ꞌ. Jee kuísá nnachi yutun higo vá.

Hechos 20:32

’Vitan jee xínóo ni̱ꞌ ránoꞌó naꞌá Ndiosíꞌ sáva nachituvi re̱ꞌ ránoꞌó, jín xi̱ntíín tu̱ꞌun re̱ꞌ jie̱ꞌe̱ꞌ íyó mániꞌ iniꞌ re̱ꞌ, ya̱ kúvi sikújia tu̱ꞌun vá ránoꞌó kúneí iniꞌ rán Jesús, jín ya̱ kuvi saꞌá‑a ya̱ ni̱ꞌi̱nꞌ rán ta̱ꞌvi̱ꞌ, ya̱ ku̱ꞌva re̱ꞌ nu̱u̱nꞌ nɨꞌɨ rá ñɨvɨ ya̱ nsásɨ́ɨ́n re̱ꞌ ráa sáva kɨꞌɨ ráa nu̱u̱nꞌ re̱ꞌ.

1 Corintios 15:50

Jee ránoꞌó ñaniꞌ jín ku̱ꞌva, káchíꞌ ni̱ꞌ rá tu̱ꞌun yaꞌá nu̱u̱nꞌ rán, ya̱ yɨkɨkúñu‑ó ya̱ kúmí‑ó iniꞌ ñɨ̱vɨ́ yaꞌá, jee nsáꞌ ni̱ꞌi̱nꞌ‑i ki̱vɨ‑ɨ nu̱u̱nꞌ tátúníꞌ Ndiosíꞌ. Jee suni yɨkɨkúñu‑ó ya̱ ti̱vɨ́‑ɨ, jee ntu̱ví ni̱ꞌi̱nꞌ‑i ki̱vɨ‑ɨ nu̱u̱nꞌ nsáꞌ ti̱vɨ́‑ɨ ka̱ꞌ.

Efesios 5:5

Chi ya̱ jíníꞌ rán ya̱ ɨɨn ñɨvɨ sáꞌá téní‑i, áxí sáꞌá‑a tiñu ya̱ ntu̱ví íyó ninuꞌun, áxí sáꞌá uꞌvi iniꞌ‑i (jee ñɨvɨ vá nuún kúvi‑i jín ɨɨn ñɨvɨ ya̱ néñu̱ꞌun‑u ɨɨn nantíñú ya̱ ntu kúvi Ndiosíꞌ), jee ya jíníꞌ rán ya̱ ni ɨɨn ráa ni nsáꞌ ni̱ꞌi̱nꞌ‑i ya̱ ki̱vɨ‑ɨ naꞌá Cristo jín Ndiosíꞌ nu̱u̱nꞌ tátúníꞌ ráa.