1 Corintios 4:21 - Mixteco del suroeste de Tlaxiaco Oaxaca

²¹ Áxí, ¿ná kúvi ya̱ kuíni rán ya̱ va̱ꞌa ka̱ꞌ rúja? ¿Á kuíni rán ya̱ kua̱jiaaꞌ néꞌyá ni̱ꞌ ránoꞌó jee kuxeenꞌ ni̱ꞌ nu̱u̱nꞌ rán, áxí ya̱ kaꞌanꞌ ñunkúún ni̱ꞌ jín rán jín tu̱ꞌun káꞌánꞌ másúꞌ iniꞌ rúja?

1 Corintios 4:21 Referans Kwoze

2 Corintios 13:2

Sáni ya̱ nkachiꞌ ni̱ꞌ sáá nneeꞌ ni̱ꞌ jín rán ya̱ uvíꞌ íchí, jee vitan sáá íyó íká ni̱ꞌ nu̱u̱nꞌ rán, jee suni sukuán stúꞌva ya̱chi̱ꞌ ni̱ꞌ nu̱u̱nꞌ rá ñɨvɨ rán ya̱ nsa̱ꞌá ráa kua̱chi, jín nu̱u̱nꞌ nta̱ká rá inka rán ka̱ꞌ, ya̱ sáá kenta tuku ni̱ꞌ i̱ña̱ꞌ, jee nkɨ́netu ni̱ꞌ jín rá nsa̱ꞌá kua̱chi.

1 Tesalonicenses 2:7

sosaꞌ ñunkúún iniꞌ ránꞌ kuéntáꞌ ɨɨn nánáꞌ jíto ñunkúún ña rá se̱ꞌya ña, ya̱ síkáxínꞌ ña ráa.

2 Corintios 13:10

Saáva tée ni̱ꞌ rá tu̱ꞌun yaꞌá ni íyó íká ni̱ꞌ nu̱u̱nꞌ rán, sáva nkóo xichiꞌ ni̱ꞌ ránoꞌó sánikua̱ꞌ tiñu níso ni̱ꞌ, sáá kuneeꞌ ni̱ꞌ jín rán. Ntaji I̱toꞌoꞌ‑ó tiñu vá nu̱u̱nꞌ ni̱ꞌ, sáva sikújia ni̱ꞌ iniꞌ ránoꞌó, jee nsú sáva xináánꞌ ni̱ꞌ ránoꞌó.

2 Corintios 2:3

Jee saáva sánikua̱ꞌ ntee ni̱ꞌ nu̱u̱nꞌ tutuꞌ yukuán nu̱u̱nꞌ rán, sáva ré kenta ni̱ꞌ yukuán, jee ntu̱ví násaꞌá kuéká rán iniꞌ nuꞌuꞌ, chisaꞌ maárán ví ya̱ íyó nasaꞌá sɨ́ɨ́ꞌ rán iniꞌ ni̱ꞌ. Jee ne̱ yuchí íñɨ́ ni̱ꞌ nu̱u̱nꞌ ntáká ránoꞌó ya̱ sánikua̱ꞌ kusɨ̱ɨ̱ꞌ iniꞌ ánímaꞌ ni̱ꞌ, jee ne̱ jíꞌín ránoꞌó kusɨ̱ɨ̱ꞌ iniꞌ ánímaꞌ rán.

2 Corintios 1:23

Soo jíníꞌ va̱ꞌa Ndiosíꞌ ánímaꞌ ni̱ꞌ jee kána ni̱ꞌ re̱ꞌ ya̱ ku̱ꞌva re̱ꞌ ya̱ naáꞌ jie̱ꞌe̱ꞌ nuꞌuꞌ. Chi jíníꞌ re̱ꞌ ya̱ káchíꞌ na̱a̱ꞌ ni̱ꞌ, ya̱ ntiáꞌan kua̱jiaaꞌ ni̱ꞌ nu̱u̱nꞌ nééꞌ rán nu̱u̱nꞌ ñuunꞌ Corinto, sáva chusává ni̱ꞌ saꞌá ni̱ꞌ ya̱ koo tu̱nkuíꞌyáꞌ iniꞌ ránoꞌó.

Santiago 3:17

Soo ya̱ níchí ya̱ va̱ji ne̱ nu̱u̱nꞌ Ndiosíꞌ ví ya̱: xíꞌna ka̱ꞌ jiáꞌnu ninuꞌun ñɨvɨ, jee kuíre nééꞌ ñunkúún ráa, jee másúꞌ iniꞌ ráa, jee jiáku̱ꞌun iniꞌ ráa íyó maniꞌ ráa ya̱ káchíꞌ inka ñɨvɨ, jee kúkánáa ráa ya̱ náꞌví iniꞌ ráa, jee sáꞌá ráa ya̱ váꞌa ya̱ va̱ji ne̱ ánímaꞌ ráa kuéntáꞌ kúun rá vixíꞌ nu̱u̱nꞌ yutun, jee saɨn íyó iniꞌ ráa, jee nsú sansuꞌva íyó ráa.

2 Corintios 10:6

Jee sáá nɨꞌɨ noo kuitɨꞌ kaníjiá va̱ꞌa ránú jee ɨɨn ni íyó iniꞌ ráníꞌ xinóꞌo ránꞌ rá ñɨvɨ grupo rán ya̱ ntu káníjiá ráa.

2 Corintios 2:1

Saáva nuꞌuꞌ nkuna̱a̱ꞌ iniꞌ ni̱ꞌ ya̱ nsáꞌ kua̱jiaaꞌ tuku ni̱ꞌ nu̱u̱nꞌ ránoꞌó ya̱ taji‑i ya̱ kukuéká iniꞌ ránú.

2 Corintios 10:8

Chi nkóo tu̱ꞌun kánuun ni̱ꞌ, retú kaꞌanꞌ téyɨ́ɨ́ ni̱ꞌ ka̱ꞌ jie̱ꞌe̱ꞌ tiñu níso ráníꞌ ya̱ ntaji I̱toꞌoꞌ‑ó nu̱u̱nꞌ ránꞌ sáva sikújia ránꞌ iniꞌ ránoꞌó kuneí iniꞌ rán Cristo, jee nsú sáva xináánꞌ ránꞌ ránoꞌó.

2 Corintios 3:10

Chi sú ley vá nku̱ñáꞌnú víꞌí‑i ne̱ tiempúꞌ yukuán, jee ntu̱ví kúñáꞌnú‑u, nsú káꞌ kua̱ꞌ viiꞌ kúñáꞌnú nasɨ́kuitɨꞌ ka̱ꞌ tratúꞌ jiáá ñakɨnꞌ Ndiosíꞌ.

1 Corintios 5:5

tavaꞌ rán nteñu rán te̱e vá ya̱ sáꞌá sukuán jee suꞌva naku̱ꞌva rán maa xi̱ntíín kui̱ꞌna̱ꞌ kúñáꞌnú Satanás, sáva kɨ̱naanꞌ ñujiínꞌ ya̱ níyo néꞌén iniꞌ re̱ꞌ, jee nakani iniꞌ re̱ꞌ, sáva natavaꞌ Jesús re̱ꞌ nu̱u̱nꞌ kua̱chi re̱ꞌ nanitáꞌvíꞌ re̱ꞌ ki̱vɨ̱ꞌ niji tuku I̱toꞌoꞌ‑ó Jesús.

1 Corintios 4:18

Soo ñúꞌún víꞌí tu̱ꞌun téyɨ́ɨ́ iniꞌ sava rán, chi jiáni iniꞌ ráa ya̱ nsáꞌ kua̱jiaaꞌ néꞌyá ni̱ꞌ ránoꞌó.

2 Corintios 12:18

Nkakua̱chi ni̱ꞌ nu̱u̱nꞌ Tito ya̱ kua̱jiaaꞌ re̱ꞌ nu̱u̱nꞌ ránoꞌó jee nta̱jí ni̱ꞌ ñaniꞌ‑ó jín re̱ꞌ. ¿Á nichi Tito ránoꞌó rúja? ¿Á ntu̱ví nuún ñúꞌún iniꞌ ánímaꞌ ni̱ꞌ jín Tito na̱ja jiáꞌnu ráníꞌ rúja? ¿Á nsáꞌ ɨɨn ni ichi jiáꞌnu ránꞌ rúja?

Gálatas 6:1

Ránoꞌó ñaniꞌ, ré ɨɨn táꞌán rán nkininkava nu̱u̱nꞌ kua̱chi, suvirán ya̱ sáꞌá sáni kuíni Ta̱chi̱ꞌ Ííꞌ Ndiosíꞌ, jee nachuꞌun tuku rán máá ichi váꞌa. Kaꞌanꞌ másúꞌ iniꞌ rán jín‑i. Jee nito koo rán maárán, sáva nsíkúvi iniꞌ rán nu̱u̱nꞌ kua̱chi vá.