1 Corintios 4:19 - Mixteco del suroeste de Tlaxiaco Oaxaca

¹⁹ Soo ya̱chi̱ꞌ ni kua̱jiaaꞌ néꞌyá ni̱ꞌ ránoꞌó, retú maá I̱toꞌoꞌ‑ó kuíni ya̱ sukuán kuvi, jee kukáꞌnú iniꞌ ni̱ꞌ nsú tu̱ꞌun káꞌánꞌ rá ñɨvɨ téyɨ́ɨ́ vá, chisaꞌ kukáꞌnú iniꞌ ni̱ꞌ retánꞌ sátíñú fuersáꞌ ííꞌ Ndiosíꞌ iniꞌ ráa jee ná kúvi ya̱ kuvi saꞌá ráa.

1 Corintios 4:19 Referans Kwoze

Hechos 18:21

I̱ña̱jée nkaꞌanꞌ re̱ꞌ ka̱ꞌ jín ráa, jee nkachiꞌ re̱ꞌ: ―Tukuni nikó ni̱ꞌ nu̱u̱nꞌ nééꞌ rán, ré Ndiosíꞌ kuíni ―nkachiꞌ‑i. Jee ntɨɨn‑ɨ barkúꞌ ñuunꞌ Éfeso jee kua̱ꞌa̱nꞌ‑a.

Hechos 19:21

Sáá nkuvi yaꞌá, ñani iniꞌ Pablo ya̱ xíꞌna kɨ̱ꞌɨ̱nꞌ‑ɨ rá ñuunꞌ tɨ́ɨn Macedonia jín Acaya, ni kua̱ꞌa̱nꞌ‑a ñuunꞌ Jerusalén. Jee káchíꞌ‑i: ―Sáá ya̱ njia̱ꞌa ni̱ꞌ yukuán, suni íyó kɨ̱ꞌɨ̱nꞌ ni̱ꞌ nu̱u̱nꞌ ñuunꞌ káꞌnú Roma.

Hebreos 6:3

Jee sukuán nakeꞌen‑ó kɨ̱ꞌɨ̱nꞌ‑ó ichinúúnꞌ‑ó, retú taji Ndiosíꞌ.

2 Corintios 1:23

Soo jíníꞌ va̱ꞌa Ndiosíꞌ ánímaꞌ ni̱ꞌ jee kána ni̱ꞌ re̱ꞌ ya̱ ku̱ꞌva re̱ꞌ ya̱ naáꞌ jie̱ꞌe̱ꞌ nuꞌuꞌ. Chi jíníꞌ re̱ꞌ ya̱ káchíꞌ na̱a̱ꞌ ni̱ꞌ, ya̱ ntiáꞌan kua̱jiaaꞌ ni̱ꞌ nu̱u̱nꞌ nééꞌ rán nu̱u̱nꞌ ñuunꞌ Corinto, sáva chusává ni̱ꞌ saꞌá ni̱ꞌ ya̱ koo tu̱nkuíꞌyáꞌ iniꞌ ránoꞌó.

1 Corintios 11:34

Jee retú ɨɨn ñɨvɨ ví‑i jee jíso̱ko‑o, jee íyó kajiꞌ‑i xi̱ta̱ꞌ ne̱ veꞌi maáa, sáva ntu sijíta Ndiosíꞌ maáó sáá nútútú‑ó. Jee íyó ka̱ꞌ rá na̱ jie̱ꞌe̱ꞌ tiñu kaꞌanꞌ ni̱ꞌ jín rán, soo koo kí chi retú ki̱vɨ̱ꞌ kanta ni̱ꞌ nu̱u̱nꞌ nééꞌ rán, jee nasaꞌá na̱a̱ꞌ ni̱ꞌ maa.

1 Corintios 4:18

Soo ñúꞌún víꞌí tu̱ꞌun téyɨ́ɨ́ iniꞌ sava rán, chi jiáni iniꞌ ráa ya̱ nsáꞌ kua̱jiaaꞌ néꞌyá ni̱ꞌ ránoꞌó.

1 Corintios 2:6

Soo tu̱ꞌun níchí nijia káꞌánꞌ ráníꞌ jín rá ñɨvɨ nijia iniꞌ jín tu̱ꞌun kúneí iniꞌ ráa Cristo. Soo ntu káꞌánꞌ ránꞌ tu̱ꞌun níchí ya̱ ñúꞌún iniꞌ ñɨvɨ ñɨ̱vɨ́ yaꞌá tiempúꞌ vitan, jee ni ntu káꞌánꞌ ránꞌ tu̱ꞌun níchí ya̱ káꞌánꞌ rá te̱e nísotíñú ñɨ̱vɨ́ yaꞌá chi jínu tiñu ráa.

Romanos 15:32

Ka̱ka̱nꞌ táꞌvíꞌ rán sukuán sáva kusɨ̱ɨ̱ꞌ víꞌí iniꞌ ánímaꞌ ni̱ꞌ kua̱jiaaꞌ ni̱ꞌ nu̱u̱nꞌ nééꞌ rán, retú kuíni Ndiosíꞌ. Jee ne̱kuva̱ꞌa iniꞌ ni̱ꞌ jín rán.

Santiago 4:15

Nsú káꞌ kachiꞌ rán sukuán, íyó kachiꞌ rán suꞌva: “Retú I̱toꞌoꞌ‑ó Ndiosíꞌ kuíni, jee kutekuꞌ ráníꞌ jee saꞌá ránꞌ tiñu yaꞌá áxí tiñu yukuán.”

1 Corintios 16:5

Jee kua̱jiane̱ꞌyá ni̱ꞌ ránoꞌó, ré ña̱ꞌa̱nꞌ ni̱ꞌ ñuunꞌ Macedonia, chi jiáni iniꞌ ni̱ꞌ jia̱ꞌa ni̱ꞌ ñuunꞌ Macedonia.

1 Corintios 14:5

Jee saáva na̱ ka̱ꞌ kúvi iniꞌ ni̱ꞌ ya̱ retánꞌ sukuán ntáká kuitɨꞌ rán kúvi káꞌánꞌ rán rá inka nu̱u̱nꞌ tu̱ꞌun ntu jiáku̱ꞌun iniꞌ rán nékúvi, soo ya̱ na̱ ka̱ꞌ kúvi víꞌí ka̱ꞌ iniꞌ ni̱ꞌ ví ya̱ retánꞌ sukuán jee ntáká rán nakani tu̱ꞌun nkene yuꞌú Ndiosíꞌ. Chi ya̱ ñáꞌnú ka̱ꞌ ví ya̱ nákani ñɨvɨ tu̱ꞌun kéne yuꞌú Ndiosíꞌ, nsú ka̱ꞌ ɨɨn ñɨvɨ ya̱ káꞌánꞌ rá inka nu̱u̱nꞌ tu̱ꞌun ya̱ ntu jiáku̱ꞌun iniꞌ‑i, áxí nika̱ꞌ retú íyó ñɨvɨ ya̱ kúvi nákachiꞌ‑i rá tu̱ꞌun káꞌánꞌ ñɨvɨ vá sú ntu jiáku̱ꞌun iniꞌ tu̱ꞌun vá, sáva kuvi kootiñu tu̱ꞌun káꞌánꞌ ñɨvɨ vá, sáva sikújia‑a iniꞌ rá ñɨvɨ ya̱ yɨ́ꞌɨ́ nu̱u̱nꞌ Cristo.

Hechos 20:2

Jee yukuán jiáꞌa re̱ꞌ nu̱u̱nꞌ rá ñuunꞌ, jee násáneí re̱ꞌ iniꞌ rá ñɨvɨ níkɨ́nꞌ ichi Jesús jín kue̱ꞌe̱ꞌ tu̱ꞌun. Jee nkenta re̱ꞌ Grecia.

1 Corintios 4:6

Jee saáva ránoꞌó, ñaniꞌ jín ku̱ꞌva, káchíꞌ ni̱ꞌ rá tu̱ꞌun yaꞌá jie̱ꞌe̱ꞌ nuꞌuꞌ jín jie̱ꞌe̱ꞌ Apolos sáva kúvi ɨɨn ichi váꞌa nu̱u̱nꞌ rán, sáva sáá tésóꞌo ránú jie̱ꞌe̱ꞌ ránuꞌuꞌ jee kutu̱ꞌva rán ya̱ koto jiáꞌa rán ka̱ꞌ nu̱u̱nꞌ tu̱ꞌun níso nu̱u̱nꞌ Tutuꞌ níso Tu̱ꞌun Ndiosíꞌ sáva ntu kani téyíí iniꞌ rán jie̱ꞌe̱ꞌ ɨɨn ñɨvɨ jee kuniichiꞌ rán rá inka ka̱ꞌ.

1 Corintios 16:7

Chi ntu kuíni ni̱ꞌ kua̱chi kua̱jiaaꞌ jínu ni̱ꞌ nu̱u̱nꞌ nééꞌ rán, chi ñúꞌún iniꞌ ni̱ꞌ ya kunee ni̱ꞌ yakuꞌ tiempúꞌ jín ránoꞌó retú maá Ndiosíꞌ kuíni.

2 Corintios 10:9

Soo ntu kuíni ni̱ꞌ ya̱ kani iniꞌ rán ya̱ núkú ni̱ꞌ siúꞌví ni̱ꞌ ránoꞌó jie̱ꞌe̱ꞌ tutuꞌ tée ni̱ꞌ nu̱u̱nꞌ ránoꞌó.