1 Corintios 4:17 - Mixteco del suroeste de Tlaxiaco Oaxaca

¹⁷ Jee jie̱ꞌe̱ꞌ rá tu̱ꞌun ya̱ káchíꞌ ni̱ꞌ yaꞌá kúvi ya̱ nchu̱ichí ni̱ꞌ Timoteo kua̱jiaaꞌ re̱ꞌ nu̱u̱nꞌ rán. Jee Timoteo kúvi kuéntáꞌ se̱ꞌya ni̱ꞌ ya̱ ñúnúunꞌ ni̱ꞌ, jee káníjiá re̱ꞌ síkúnkuvi va̱ꞌa re̱ꞌ nu̱u̱nꞌ I̱toꞌoꞌ‑ó. Jee maáréꞌ ví ya̱ xinákúꞌun re̱ꞌ iniꞌ rán jie̱ꞌe̱ꞌ na̱sa jiáꞌnu ni̱ꞌ ichi Cristo Jesús, jín ya̱ jiáꞌnu ni̱ꞌ sánikua̱ꞌ xínéꞌénꞌ ni̱ꞌ tu̱ꞌun váꞌa Cristo nu̱u̱nꞌ ntáká ichi nu̱u̱nꞌ jíka ni̱ꞌ xínéꞌénꞌ ni̱ꞌ nu̱u̱nꞌ ntáká grupo rá ñɨvɨ ya̱ jínúꞌ iniꞌ ráa Cristo.

1 Corintios 4:17 Referans Kwoze

1 Timoteo 1:2

Tée ni̱ꞌ tutuꞌ yaꞌá nu̱u̱nꞌ nú, Timoteo. Suvinú ví nijia kuéntáꞌ se̱ꞌya ni̱ꞌ, chi nsi̱kújia ni̱ꞌ iniꞌ nú kuneí iniꞌ nú Cristo. Na̱ ka̱ꞌ koo ma̱ni̱ꞌ iniꞌ Tátáꞌ‑ó Ndiosíꞌ jín I̱toꞌoꞌ‑ó Cristo Jesús kune̱ꞌyá ráa noꞌó, jín ya̱ kunáꞌví iniꞌ ráa kune̱ꞌyá ráa noꞌó, jín ya̱ kuneeꞌ va̱ꞌa nú saꞌá ráa.

1 Corintios 16:10

Jee retú kenta Timoteo nu̱u̱nꞌ nééꞌ rán, naniꞌvɨꞌ iniꞌ rán ya̱ koto na̱ yúꞌví re̱ꞌ jie̱ꞌe̱ꞌ ni ɨɨn nantíñú ni nééꞌ re̱ꞌ jín rán, chi sáꞌá re̱ꞌ tiñu I̱toꞌoꞌ‑ó kuéntáꞌ kua̱ꞌ nuꞌuꞌ.

1 Corintios 7:17

Saájee ta ɨɨn ɨɨn rán íyó kueꞌnu rán sánikua̱ꞌ ntaji I̱toꞌoꞌ‑ó sáá koo rán, jín sánikua̱ꞌ ya̱ íyó rán sáá nkana Ndiosíꞌ ránoꞌó kɨꞌɨ rán nu̱u̱nꞌ re̱ꞌ, jee ni̱nu̱ꞌ iniꞌ rán nka̱níjiá rán. Jee suꞌva tátúníꞌ ni̱ꞌ nu̱u̱nꞌ ntáká rá grupo rá ñɨvɨ jínúꞌ iniꞌ ráa káníjiá ráa Jesús.

2 Timoteo 1:2

Tée ni̱ꞌ tutuꞌ yaꞌá nu̱u̱nꞌ nú, Timoteo. Suvinú ví kuéntáꞌ se̱ꞌya‑ni̱ꞌ, ya̱ ñúnúunꞌ ni̱ꞌ. Jíkánꞌ táꞌvíꞌ‑ni̱ꞌ nu̱u̱nꞌ Tátáꞌ‑ó Ndiosíꞌ jín nu̱u̱nꞌ I̱toꞌoꞌ‑ó Cristo Jesús, ya̱ koo ma̱ni̱ꞌ iniꞌ ráa kune̱ꞌyá ráa noꞌó, jín ya̱ kunáꞌví iniꞌ ráa kune̱ꞌyá ráa noꞌó, jín ya̱ kuneeꞌ va̱ꞌa nú saꞌá ráa.

1 Corintios 16:1

Soo vitan jee káchíꞌ ni̱ꞌ nu̱u̱nꞌ rán jie̱ꞌe̱ꞌ xu̱ꞌún ya̱ kútútú ya̱ kɨ̱ꞌɨ̱nꞌ nu̱u̱nꞌ rá ñanitáꞌán nééꞌ Jerusalén ya̱ yɨ́ꞌɨ́ ráa nu̱u̱nꞌ Cristo sáva chineí rán ráa. Saꞌá rán maa sánikua̱ꞌ nta̱túníꞌ ni̱ꞌ nu̱u̱nꞌ rá grupo rá ñanitáꞌán nééꞌ ñuꞌun tɨ́ɨn Galacia.

1 Corintios 14:33

Chi Ndiosíꞌ chi ntu kúvi re̱ꞌ Ndiosíꞌ ya̱ sísákánuun re̱ꞌ xi̱ni̱ꞌ‑ó, chisaꞌ sáꞌá re̱ꞌ ya̱ nééꞌ ñunkúún‑ó jín ɨɨn inka‑ó. Kuéntáꞌ sáꞌá‑ó iniꞌ ntáká rá grupo ñɨvɨ kúneí iniꞌ ráa Cristo ya̱ nsa̱ꞌá sɨ́ɨ́n re̱ꞌ yɨ́ꞌɨ́ ráa nu̱u̱nꞌ Ndiosíꞌ,

Apoclipsis 2:10

Soo koto yúꞌví rán jie̱ꞌe̱ꞌ rá tu̱nóꞌó kunoꞌo rán. Chi kui̱ꞌna̱ꞌ kúñáꞌnú, jee saꞌá‑a ya̱ chiꞌi ñɨvɨ sava ránoꞌó veka̱a sáva kototúníꞌ‑i ránoꞌó retú kunikɨnꞌ nijia rán nuꞌuꞌ áxí ntu̱ví, jee kunoꞌo rán tu̱nóꞌó u̱ji̱ꞌ ki̱vɨ̱ꞌ. Soo kuiñɨ ni̱ꞌin rán sikúnkuvi na̱a̱ꞌ rán súka̱ꞌ ne̱ kuviꞌ rán, saájee taji ni̱ꞌ ta̱ꞌvi̱ꞌ nu̱u̱nꞌ rán, ya̱ suvi kuvi ya̱ ni̱ꞌi̱nꞌ rán ya̱ saꞌá Ndiosíꞌ ya̱ kutekuꞌ rán jín ni̱ꞌ nɨ́ɨ́nkání.

1 Corintios 11:2

Nákuetúꞌún ni̱ꞌ ránoꞌó [rá ñaniꞌ jín ku̱ꞌva], chi níní sukuáni nákúꞌun iniꞌ rán nuꞌuꞌ, jee kuiñɨ kutú rán jín Tu̱ꞌun Ndiosíꞌ sánikua̱ꞌ nxi̱néꞌénꞌ ni̱ꞌ ránoꞌó.

1 Corintios 7:25

Jee ntañúꞌún náxiníkó ni̱ꞌ nu̱u̱nꞌ ránoꞌó jie̱ꞌe̱ꞌ rá ñaꞌan ya̱ ntiáꞌan tana̱ꞌá. Jee ntu̱ví íyó tu̱ꞌun ya̱ tátúníꞌ I̱toꞌoꞌ‑ó nu̱u̱nꞌ‑ó jie̱ꞌe̱ꞌ vá, soo íyó tu̱ꞌun nu̱u̱nꞌ ni̱ꞌ ya̱ jiáni iniꞌ ni̱ꞌ ya̱ taji ni̱ꞌ nu̱u̱nꞌ rán, kuéntáꞌ ɨɨn ñɨvɨ ya̱ nku̱náꞌví iniꞌ Ndiosíꞌ nne̱ꞌyá re̱ꞌ nuꞌuꞌ jee nsa̱ꞌá re̱ꞌ ya̱ kúvi ni̱ꞌ ɨɨn ñɨvɨ ya̱ kuvi kuneí iniꞌ rán ya̱ káchíꞌ ni̱ꞌ.

Apoclipsis 2:13

[Jee jíníꞌ ni̱ꞌ ntáká tiñu váꞌa sáꞌá rán.] Jee jíníꞌ ni̱ꞌ ya̱ nééꞌ rán nu̱u̱nꞌ tátúníꞌ kui̱ꞌna̱ꞌ kúñáꞌnú naní Satanás. Soo súka̱ꞌ sukuán soo íñɨ́ ni̱ꞌin rán níkɨ́nꞌ na̱a̱ꞌ rán nuꞌuꞌ. Jee ni ntu nníkó iniꞌ rán ya̱ jínúꞌ iniꞌ rán nuꞌuꞌ, ni súnika̱ꞌ sáá nkuvi rá ki̱vɨ̱ꞌ nneeꞌ Antipas nteñu rán, ɨɨn te̱e ya̱ nsi̱kúnkuvi na̱a̱ꞌ re̱ꞌ nna̱kani na̱a̱ꞌ re̱ꞌ tu̱ꞌun ni̱ꞌ, jee ñaꞌniꞌ ráa maa nteñu rán yukuán ñuunꞌ nu̱u̱nꞌ nééꞌ Satanás.

2 Timoteo 3:10

Soo noꞌó, nnikɨnꞌ nú nku̱mí va̱ꞌa nú tu̱ꞌun xínéꞌénꞌ ni̱ꞌ, na̱sa jiáꞌnu ni̱ꞌ ichi na̱a̱ꞌ, ná kúvi ya̱ ñúꞌún iniꞌ ni̱ꞌ saꞌá ni̱ꞌ, na̱sa kúneí iniꞌ ni̱ꞌ I̱toꞌoꞌ‑ó, na̱sa íyó káꞌnú iniꞌ ni̱ꞌ, na̱sa ñúnúunꞌ ni̱ꞌ ñɨvɨ jín Ndiosíꞌ, jín na̱sa kúníꞌin ni̱ꞌ íñɨ́ ni̱ꞌ jín Cristo.

2 Timoteo 2:2

Jee nta̱ká tu̱ꞌun, ya̱ nteso̱ꞌo nú ya̱ nkachiꞌ ni̱ꞌ nu̱u̱nꞌ nú ichinúúnꞌ kue̱ꞌe̱ꞌ ñɨvɨ ya̱ kúvi stúvi ráa maa, jee natetíñú nú tu̱ꞌun vá nu̱u̱nꞌ inka rá te̱e na̱a̱ꞌ, ya̱ síkúnkuvi va̱ꞌa ráa, ya̱ kuvi naxinéꞌénꞌ ráa maa nu̱u̱nꞌ rá inka ñɨvɨ.

Colosenses 4:9

Jee kua̱jiaaꞌ re̱ꞌ jín Onésimo. Onésimo kúvi ñaniꞌ‑ó ya̱ ñúnúunꞌ ránꞌ, jín ya̱ jiáꞌnu na̱a̱ꞌ va̱ꞌa re̱ꞌ ya̱ kúneí iniꞌ ránꞌ re̱ꞌ. Jee ɨɨn táꞌán ñuunꞌ rán kúvi re̱ꞌ. Jee ni núvíꞌ ráa nakani nɨꞌɨ ya̱ nkuvi yaꞌá, sáva kukáꞌnú iniꞌ rán.

Colosenses 1:7

Suꞌva nku̱tu̱ꞌva rán maa sáni nxi̱néꞌénꞌ Epafras ránoꞌó. Suvire̱ꞌ ñúnúunꞌ‑ó re̱ꞌ, jee kúvi re̱ꞌ musúꞌ nu̱u̱nꞌ Cristo, ya̱ táꞌán sátíñú nkáá re̱ꞌ jín ránuꞌuꞌ nu̱u̱nꞌ tiñu Cristo. Chi síkúnkuvi na̱a̱ꞌ nijia re̱ꞌ nu̱u̱nꞌ tiñu Cristo, ya̱ kúvi ya̱ váꞌa ránoꞌó.

Filipenses 2:19

Retú I̱toꞌoꞌ‑ó Jesús kuíni, íyó tu̱ꞌun neí iniꞌ ni̱ꞌ ya̱ tají ya̱chi̱ꞌ ni̱ꞌ Timoteo nu̱u̱nꞌ rán, sáva nusɨ̱ɨ̱ꞌ iniꞌ ni̱ꞌ ya̱ ni̱ꞌi̱nꞌ ni̱ꞌ tu̱ꞌun jie̱ꞌe̱ꞌ ránoꞌó.

Efesios 6:21

Jee nakani Tíquico nɨꞌɨ tu̱ꞌun na̱sa íyó jie̱ꞌe̱ꞌ nuꞌuꞌ jín ná kúvi ya̱ sáꞌá ni̱ꞌ. Suvire̱ꞌ kúvi ñaniꞌ‑ó ya̱ ñúnúunꞌ‑órán. Jee yɨ́tíñú re̱ꞌ síkúnkuvi na̱a̱ꞌ nijia re̱ꞌ nu̱u̱nꞌ tiñu maá I̱toꞌoꞌ‑ó.

1 Corintios 11:16

Jee retú íyó ñɨvɨ ya̱ ntu̱ví nánu iniꞌ‑i jie̱ꞌe̱ꞌ rá tu̱ꞌun ya̱ nkachiꞌ ni̱ꞌ ya̱ kuíni‑i kantátúꞌun‑u jie̱ꞌe̱ꞌ tu̱ꞌun yaꞌá, soo ránuꞌuꞌ, jín ni rá inka ka̱ꞌ grupo ñɨvɨ ya̱ jínúꞌ iniꞌ ráa Ndiosíꞌ, ni ntu̱ví íyó na̱ inka ka̱ꞌ ñujiínꞌ ya̱ na̱sa koo.

1 Corintios 4:15

Chi súnika̱ꞌ koo ne̱ u̱ji̱ꞌ mil (10,000) te̱e ya̱ xínéꞌénꞌ tu̱ꞌun váꞌa Cristo nu̱u̱nꞌ ránoꞌó, soo nsáꞌ kue̱ꞌe̱ꞌ tátáꞌ rán íyó, chi kúvi ni̱ꞌ tátáꞌ rán ya̱ yɨ́ꞌɨ́ rán nu̱u̱nꞌ Cristo chi nuꞌuꞌ ví ya̱ nna̱kani ni̱ꞌ tu̱ꞌun váꞌa Jesús nu̱u̱nꞌ ránoꞌó jee nka̱níjiá rán ni̱nu̱ꞌ iniꞌ rán tu̱ꞌun vá jee sukuán nna̱kaku jiáá rán nsa̱ꞌá ni̱ꞌ.

Mateo 25:23

Jee nkachiꞌ i̱toꞌoꞌ re̱ꞌ nu̱u̱nꞌ re̱ꞌ: “Va̱ꞌa nsa̱ꞌá nú, chi musúꞌ va̱ꞌa síkúnkuvi na̱a̱ꞌ kúvi nú. Chi síkúnkuvi na̱a̱ꞌ nú jín yakuꞌ tiñu lúlí, saájee kani ni̱ꞌ noꞌó nu̱u̱nꞌ kue̱ꞌe̱ꞌ tiñu ñáꞌnú ka̱ꞌ. Ki̱vɨ nu̱u̱nꞌ nasaꞌá sɨ́ɨꞌ ni̱ꞌ iniꞌ nú jín nuꞌuꞌ, ya̱ kúvi I̱toꞌoꞌ nú”, nkachiꞌ i̱toꞌoꞌ musúꞌ vá.

Mateo 25:21

Jee nkachiꞌ i̱toꞌoꞌ re̱ꞌ nu̱u̱nꞌ re̱ꞌ: “Va̱ꞌa nsa̱ꞌá nú, chi musúꞌ va̱ꞌa síkínkuvi na̱a̱ꞌ kúvi nú. Chi síkúnkuvi na̱a̱ꞌ nú jín yakuꞌ tiñu lúlí, saájee kani ni̱ꞌ noꞌó nu̱u̱nꞌ kue̱ꞌe̱ꞌ tiñu ñáꞌnú ka̱ꞌ. Ki̱vɨ nu̱u̱nꞌ nasaꞌá sɨ́ɨꞌ ni̱ꞌ iniꞌ nú jín nuꞌuꞌ, ya̱ kúvi I̱toꞌoꞌ nú”, nkachiꞌ i̱toꞌoꞌ musúꞌ vá.

Mateo 24:45

’¿Né ɨɨn kuvi musúꞌ ya̱ ñúꞌún kájí xi̱ni̱ꞌ‑i síkúnkuvi na̱a̱ꞌ va̱ꞌa‑a, ya̱ ñani i̱toꞌoꞌ xí tiñu‑u maa sáva kuneen kuéntáꞌ‑a rá inka ka̱ꞌ táꞌán musúꞌ‑u veꞌi re̱ꞌ sáva ku̱ꞌva‑a kajiꞌ ráa máá hora íyó ku̱ꞌva maa rúja?

1 Corintios 4:2

Chi rá ñɨvɨ ya̱ néen kuéntáꞌ tiñu i̱toꞌoꞌ ráa íyó sikúnkuvi va̱ꞌa ráa maa.

Hechos 16:1

Jee suni ña̱ꞌa̱nꞌ Pablo ñuunꞌ Derbe jín Listra. Jee yukuán nneeꞌ ɨɨn te̱e ya̱ níkɨ́nꞌ‑ɨ ñujiínꞌ Jesús, naní Timoteo. Kúvi re̱ꞌ se̱ꞌya yɨ́ɨ́ ɨɨn ñaꞌan ñuunꞌ Israel ya̱ kúneí iniꞌ ña Jesús. Soo tááꞌ re̱ꞌ kúvi te̱e Grecia.

1 Corintios 4:14

Jee nsáꞌ tée ni̱ꞌ tu̱ꞌun yaꞌá nu̱u̱nꞌ ránú sáva sikánuun ni̱ꞌ ránoꞌó, chisaꞌ tée ni̱ꞌ maa nu̱u̱nꞌ rán sáva nakutíñú ni̱ꞌ nu̱u̱nꞌ rán kuéntáꞌ nu̱u̱nꞌ se̱ꞌya ni̱ꞌ ya̱ ñúnúunꞌ ni̱ꞌ.

1 Corintios 11:34

Jee retú ɨɨn ñɨvɨ ví‑i jee jíso̱ko‑o, jee íyó kajiꞌ‑i xi̱ta̱ꞌ ne̱ veꞌi maáa, sáva ntu sijíta Ndiosíꞌ maáó sáá nútútú‑ó. Jee íyó ka̱ꞌ rá na̱ jie̱ꞌe̱ꞌ tiñu kaꞌanꞌ ni̱ꞌ jín rán, soo koo kí chi retú ki̱vɨ̱ꞌ kanta ni̱ꞌ nu̱u̱nꞌ nééꞌ rán, jee nasaꞌá na̱a̱ꞌ ni̱ꞌ maa.

2 Corintios 8:18

Jee chúichí ráníꞌ ɨɨn ñanitáꞌán‑ó jín Tito. Jee jie̱ꞌe̱ꞌ ñaniꞌ vá, nta̱ká rá grupo ñɨvɨ kútútú ráa ya̱ kúneí iniꞌ ráa Cristo nákuetúꞌún ráa maa jie̱ꞌe̱ꞌ sátíñú va̱ꞌa‑a nu̱u̱nꞌ tu̱ꞌun váꞌa jie̱ꞌe̱ꞌ Cristo.

Filipenses 2:22

Soo jíníꞌ rán, sáá jiáꞌnu va̱ꞌa Timoteo, chi nsa̱tíñú re̱ꞌ jín ni̱ꞌ, sáva kueꞌnu tu̱ꞌun váꞌa Jesús, kuéntáꞌ ɨɨn se̱ꞌya sátíñú jín tátáꞌ re̱ꞌ.

1 Timoteo 1:18

Noꞌó, Timoteo, ya̱ kúvi kuéntáꞌ se̱ꞌya ni̱ꞌ. Tiñu yaꞌá tétíñú ni̱ꞌ noꞌó, sánikua̱ꞌ tu̱ꞌun nna̱kani sava rá ñanitáꞌán‑ó ya̱ nkene yuꞌú Ndiosíꞌ. Tétíñú ni̱ꞌ noꞌó, sáva nunasɨ́ nú sikúnkuvi va̱ꞌa nú tiñu vá, kuéntáꞌ kántáꞌán va̱ꞌa ɨɨn soldado.

Tito 1:5

Nxi̱nóo ni̱ꞌ noꞌó ñuunꞌ Creta, sáva nasaꞌá nú rá tiñu nkumaniꞌ saꞌá‑ó, jín sáva kani nú rá te̱e kúñáꞌnú kosoꞌ ráa nu̱u̱nꞌ rá ñɨvɨ kúneí iniꞌ ráa Cristo, ya̱ nééꞌ ráa ta ñuunꞌ tɨ́ɨn Creta, sáni nte̱tíñú ni̱ꞌ noꞌó.