1 Corintios 3:22 - Mixteco del suroeste de Tlaxiaco Oaxaca

²² va̱ kúvi nuꞌuꞌ Pablo, áxí Apolos, áxí Pedro ya̱ xínéꞌénꞌ ránoꞌó Tu̱ꞌun Ndiosíꞌ. Áxí nɨꞌɨ ya̱ íyó ñɨ̱vɨ́ yaꞌá, jee vasúꞌ kutekuꞌ rán áxí vasúꞌ kuviꞌ rán iniꞌ ñɨ̱vɨ́ yaꞌá, vá ya̱ íyó tiempúꞌ vitan áxí vá kiji koo tiempúꞌ ichinúúnꞌ, jee nɨꞌɨ ya̱ íyó kúvi nantíñú rán.

1 Corintios 3:22 Referans Kwoze

Filipenses 1:21

Chi nu̱u̱nꞌ nuꞌuꞌ, retú tékúꞌ ni̱ꞌ jee kúvi ya̱ jiátíñú Cristo nuꞌuꞌ, jee retú kuviꞌ ni̱ꞌ jee kúvi ya̱ si̱kɨ̱ꞌ ka̱ꞌ ni̱ꞌi̱nꞌ ni̱ꞌ.

2 Corintios 4:5

Jee nsú jie̱ꞌe̱ꞌ maáráníꞌ ví ya̱ stékútu̱ꞌún ránꞌ, chisaꞌ káchítu̱ꞌún ránꞌ ya̱ I̱toꞌoꞌ nu̱u̱nꞌ kua̱íyó ví Jesús ya̱ kúvi Cristo. Jee ránuꞌuꞌ chi kúvi ránꞌ kua̱chi musúꞌ ni ya̱ sátíñú ránꞌ nu̱u̱nꞌ Jesús nu̱u̱nꞌ ya̱ váꞌa ránoꞌó.

1 Corintios 1:12

Káchíꞌ ni̱ꞌ yaꞌá chi ta ɨɨn ránoꞌó káchíꞌ rán: “Nuꞌuꞌ chi íñɨ́ ni̱ꞌ jín Pablo”, áxí: “Nuꞌuꞌ chi íñɨ́ ni̱ꞌ jín Apolos”, áxí: “Nuꞌuꞌ íñɨ́ ni̱ꞌ jín Cefas”, áxí: “Nuꞌuꞌ chi íñɨ́ ni̱ꞌ jín Cristo”, káchíꞌ rán.

Juan 1:42

Saájee kua̱ꞌa̱nꞌ Andrés jín ñaniꞌ re̱ꞌ nu̱u̱nꞌ Jesús. Jee sáá niniꞌ Jesús Simón, jee nkachiꞌ re̱ꞌ: ―Noꞌó kúvi Simón, se̱ꞌya Jonás. Jee kuna̱ní nú Cefas ―nkachiꞌ Jesús. (Cefas kuíni káchíꞌ Pedro tu̱ꞌun griego.)