1 Corintios 3:21 - Mixteco del suroeste de Tlaxiaco Oaxaca

²¹ Saáva koto káꞌánꞌ téyɨ́ɨ́ iniꞌ ni ɨɨn ñɨvɨ jie̱ꞌe̱ꞌ ya̱ íñɨ́‑ɨ jín rá ñɨvɨ, chi nɨꞌɨ ya̱ íyó kúvi nantíñú ránú,

1 Corintios 3:21 Referans Kwoze

Romanos 8:32

Chi Ndiosíꞌ ntu nkúsáꞌán re̱ꞌ Se̱ꞌya re̱ꞌ, chisaꞌ nna̱ku̱ꞌva re̱ꞌ Se̱ꞌya re̱ꞌ sáva kuviꞌ‑i jie̱ꞌe̱ꞌ ntáká‑ó ya̱ kúvi ya̱ váꞌa nu̱u̱nꞌ‑ó. Jee nu̱u̱nꞌ ntaji re̱ꞌ Se̱ꞌya re̱ꞌ sukuán jee suni íyó nijia ya̱ sikútaꞌviꞌ re̱ꞌ nu̱u̱nꞌ‑ó ntáká ka̱ꞌ ya̱ kiji jie̱ꞌe̱ꞌ ya̱ njia̱ꞌa re̱ꞌ Se̱ꞌya re̱ꞌ.

1 Corintios 4:6

Jee saáva ránoꞌó, ñaniꞌ jín ku̱ꞌva, káchíꞌ ni̱ꞌ rá tu̱ꞌun yaꞌá jie̱ꞌe̱ꞌ nuꞌuꞌ jín jie̱ꞌe̱ꞌ Apolos sáva kúvi ɨɨn ichi váꞌa nu̱u̱nꞌ rán, sáva sáá tésóꞌo ránú jie̱ꞌe̱ꞌ ránuꞌuꞌ jee kutu̱ꞌva rán ya̱ koto jiáꞌa rán ka̱ꞌ nu̱u̱nꞌ tu̱ꞌun níso nu̱u̱nꞌ Tutuꞌ níso Tu̱ꞌun Ndiosíꞌ sáva ntu kani téyíí iniꞌ rán jie̱ꞌe̱ꞌ ɨɨn ñɨvɨ jee kuniichiꞌ rán rá inka ka̱ꞌ.

Romanos 8:28

Jee jíníꞌ‑ó ya̱ ntáká tiñu ya̱ kúvi jín rá ñɨvɨ ya̱ ñúnúunꞌ ráa Ndiosíꞌ jee jiátíñú Ndiosíꞌ rá tiñu vá sáva saꞌá re̱ꞌ ya̱ kúvi ya̱ váꞌa nu̱u̱nꞌ ráa ya̱ nkana re̱ꞌ ráa ya̱ kɨꞌɨ ráa nu̱u̱nꞌ re̱ꞌ sáni nkuna̱a̱ꞌ iniꞌ re̱ꞌ.

Apoclipsis 21:7

Jee ɨɨn ñɨvɨ ya̱ kuneí‑i si̱kɨ̱ꞌ ntáká tiñu níváꞌa, jee ni̱ꞌi̱nꞌ ñɨvɨ vá ntáká rá yaꞌá kuvi ta̱ꞌvi̱ꞌ‑i. Chi nuꞌuꞌ kuvi ni̱ꞌ Ndiosíꞌ ñɨvɨ vá, jee kuvi‑i se̱ꞌya ni̱ꞌ.

Romanos 4:13

Chi nchi̱sóyuꞌú Ndiosíꞌ ta̱ꞌvi̱ꞌ nu̱u̱nꞌ Abraham jín nu̱u̱nꞌ rá se̱ꞌya ichiyúkúnꞌ váji ne̱ nu̱u̱nꞌ re̱ꞌ ya̱ ni̱ꞌi̱nꞌ ráa nɨꞌɨ ñuꞌun ñɨ̱vɨ́ yaꞌá. Jee nchi̱sóyuꞌú Ndiosíꞌ maa nsú jie̱ꞌe̱ꞌ nsi̱kúnkuvi Abraham tu̱ꞌun ley ya̱ nta̱túníꞌ Ndiosíꞌ ya̱ njia̱ꞌa‑a nu̱u̱nꞌ Moisés, chisaꞌ jie̱ꞌe̱ꞌ kínóo na̱a̱ꞌ re̱ꞌ ya̱ váji ne̱ nu̱u̱nꞌ kúneí iniꞌ re̱ꞌ Ndiosíꞌ.

2 Corintios 4:5

Jee nsú jie̱ꞌe̱ꞌ maáráníꞌ ví ya̱ stékútu̱ꞌún ránꞌ, chisaꞌ káchítu̱ꞌún ránꞌ ya̱ I̱toꞌoꞌ nu̱u̱nꞌ kua̱íyó ví Jesús ya̱ kúvi Cristo. Jee ránuꞌuꞌ chi kúvi ránꞌ kua̱chi musúꞌ ni ya̱ sátíñú ránꞌ nu̱u̱nꞌ Jesús nu̱u̱nꞌ ya̱ váꞌa ránoꞌó.

2 Corintios 4:15

Saáva nɨꞌɨ yaꞌá kúvi ya̱ váꞌa nu̱u̱nꞌ ránoꞌó. Jín sáva kukueꞌeꞌ ka̱ꞌ ñɨvɨ ni̱ꞌi̱nꞌ ya̱ ma̱ni̱ꞌ iniꞌ Ndiosíꞌ jín ráa. Saájee sáva kukueꞌeꞌ nasɨ́kuitɨꞌ ka̱ꞌ rá ñɨvɨ ku̱ꞌva ráa ya̱ kútaꞌviꞌ ráa nu̱u̱nꞌ Ndiosíꞌ, sáva stúvi‑ó ya̱ viiꞌ nasɨ́kuitɨꞌ kúñáꞌnú Ndiosíꞌ.

2 Corintios 6:10

jín sáá kúkuéká iniꞌ ránꞌ, soo sukuáni íyó tu̱ꞌun kúsɨ́ɨꞌ iniꞌ ánímaꞌ ránꞌ, jín te̱e láꞌví kúvi ránꞌ, soo jiáꞌa ránꞌ nu̱u̱nꞌ kue̱ꞌe̱ꞌ ñɨvɨ ya̱ yɨ́yáꞌvi ka̱ꞌ ya̱ jiáꞌa Ndiosíꞌ, jín sáá ni ntu̱náꞌ kúmí ránꞌ, soo kúmí ránꞌ nɨꞌɨ ya̱ yɨ́yáꞌvi ka̱ꞌ ya̱ níꞌínꞌ ránꞌ nu̱u̱nꞌ Ndiosíꞌ.