1 Corintios 3:15 - Mixteco del suroeste de Tlaxiaco Oaxaca

¹⁵ Jee retú tiñu nsa̱ꞌá ñɨvɨ vá nɨꞌɨ ka̱yu̱ꞌ, nsáꞌ kino̱o‑o ka̱ꞌ, jee sukuíta‑a ta̱ꞌvi̱ꞌ nachunáán Ndiosíꞌ nu̱u̱nꞌ‑u nékúvi, soo sikáku‑u ánímaꞌ‑a ya̱ nkɨ̱ꞌɨ́nꞌ‑ɨ nu̱u̱nꞌ ñúꞌúnꞌ, kuéntáꞌ nkaku‑u nu̱u̱nꞌ ñúꞌúnꞌ.

1 Corintios 3:15 Referans Kwoze

2 Juan 1:8

Kumí rán maárán sáva nsúkuíta rán rá ta̱ꞌvi̱ꞌ jie̱ꞌe̱ꞌ nsa̱ꞌá rán tiñu váꞌa, chisaꞌ sáva ni̱ꞌi̱nꞌ nɨ́ɨ́n rán ta̱ꞌvi̱ꞌ rán ya̱ taji Ndiosíꞌ.

Judas 1:23

Jee suni íyó nukú rán na̱ja saꞌá rán sáva sikáku rán sava ka̱ꞌ rá ñɨvɨ sáva nkíninkava ráa nu̱u̱nꞌ kua̱chi, yukuán kúvi ya̱ kuéntáꞌ náxitá rán ráa nu̱u̱nꞌ ñuꞌúnꞌ xéénꞌ. Jee íyó kunáꞌví iniꞌ rán sava ka̱ꞌ rá ñɨvɨ, soo kuyúꞌví iniꞌ rán jie̱ꞌe̱ꞌ maárán jee kumí rán maárán jee koto ne̱ jíꞌín rán kininkava rán nu̱u̱nꞌ kua̱chi, chisaꞌ ne̱ kukini rán kune̱ꞌyá rán saꞌma ya̱ nku̱téꞌén jín tiñu néꞌén ya̱ nsa̱ꞌá rá ñɨvɨ vá.

Apoclipsis 3:18

Saáva nákutíñú ni̱ꞌ nu̱u̱nꞌ rán ya̱ kunenu̱u̱nꞌ rán ya̱ yɨ́yáꞌvi ka̱ꞌ ya̱ va̱ji nu̱u̱nꞌ ni̱ꞌ kuéntáꞌ keꞌen rán ka̱a oro ya̱ ya nna̱ka̱yu̱ꞌ nu̱u̱nꞌ ñúꞌúnꞌ sáva saꞌá ninuꞌun maa, sáva kukúká nijia rán nu̱u̱nꞌ nuꞌuꞌ. Jee nunasɨ́ rán koo ninuꞌun rán nu̱u̱nꞌ ni̱ꞌ kuéntáꞌ keꞌen rán nu̱u̱nꞌ ni̱ꞌ saꞌma kuíjín sáva ntu koo tu̱nkánuun rán jie̱ꞌe̱ꞌ íyó ñɨɨn rán nu̱u̱nꞌ nuꞌuꞌ. Jee tɨɨn rán tu̱ꞌun ni̱ꞌ kuéntáꞌ keꞌen rán nu̱u̱nꞌ ni̱ꞌ ta̱ta̱nꞌ chuꞌun rán nchinúún rán sáva nu̱nijínꞌ nu̱u̱nꞌ rán.

1 Pedro 4:18

Retú kunoꞌo ñɨvɨ na̱a̱ꞌ tu̱nóꞌó ne̱ nanitáꞌvíꞌ ráa, ¿jee na̱ja ka̱ꞌ vá kuvi jee ka̱ku rá ñɨvɨ ntu níkɨ́nꞌ ráa Ndiosíꞌ jín ñɨvɨ yɨ́ꞌɨ́ nu̱u̱nꞌ kua̱chi rúja?

Hechos 27:21

Kue̱ꞌe̱ꞌ tiempúꞌ nééꞌ niteꞌ ránꞌ. Jee nna̱kuiñɨꞌ Pablo nteñu ráa jee nkachiꞌ‑i: ―Ránoꞌó te̱e. Va̱ꞌa ka̱ꞌ retáꞌ nka̱níjiá rán nuꞌuꞌ, jee nkéne‑órán ñuunꞌ Creta nékúvi, sáva nkúnoꞌo‑órán nékúvi jee nsu̱kuíta‑órán nékúvi.

Hechos 27:44

Jee sava rá inka te̱e kosoꞌ nu̱u̱nꞌ tukúnú, jee rá inka kosoꞌ nu̱u̱nꞌ rá pedazúꞌ yutun barkúꞌ. Jee suꞌva nka̱ku nɨꞌɨ ráa, jee nkenta ráa ne̱ yúnteñúꞌún.