1 Corintios 2:15 - Mixteco del suroeste de Tlaxiaco Oaxaca

¹⁵ Soo ñɨvɨ yɨ́ꞌɨ́ xi̱ntíín Ta̱chi̱ꞌ Ííꞌ Ndiosíꞌ jee nánukútúꞌun ñɨvɨ vá kunuún iniꞌ‑i jín nɨꞌɨ tu̱ꞌun váꞌa va̱ji nu̱u̱nꞌ re̱ꞌ. Soo ni ɨɨn ñɨvɨ ya̱ ntu yɨ́ꞌɨ́ xi̱ntíín Ta̱chi̱ꞌ Ííꞌ re̱ꞌ ntu kúvi ki̱ku̱ꞌun iniꞌ‑i jie̱ꞌe̱ꞌ ñɨvɨ ya̱ yɨ́ꞌɨ́ xi̱ntíín Ta̱chi̱ꞌ Ííꞌ re̱ꞌ sáva sijíta‑a ráa.

1 Corintios 2:15 Referans Kwoze

1 Tesalonicenses 5:21

Chisaꞌ kototúníꞌ rán nɨꞌɨ jee tɨɨn rán ya̱ váꞌa.

Hebreos 5:14

Chisaꞌ rá ñɨvɨ jíjia iniꞌ ráa nu̱u̱nꞌ Tu̱ꞌun Ndiosíꞌ jee kuéntáꞌ yájíꞌ ráa neyu, chi súkuáꞌa ráa kueꞌnu na̱a̱ꞌ ráa, sáva koo tu̱ꞌva ráa ka̱ji ánímaꞌ ráa jie̱ꞌe̱ꞌ ya̱ váꞌa jín ya̱ niváꞌa.

1 Juan 4:1

Ránoꞌó ya̱ ñúnúunꞌ ni̱ꞌ, koto jínúꞌ iniꞌ rán nta̱ká rá ñɨvɨ ya̱ káchíꞌ ráa ya̱ káꞌánꞌ ráa tu̱ꞌun ya̱ njia̱ꞌa Ta̱chi̱ꞌ Ííꞌ sákachiꞌ ráa. Chisaꞌ kototúníꞌ rán ráa sáva nanukútúꞌun rán retú ta̱chi̱ꞌ njia̱ꞌa rá tu̱ꞌun káꞌánꞌ ráa kúvi Ta̱chi̱ꞌ Ííꞌ ya̱ va̱ji ne̱ nu̱u̱nꞌ Ndiosíꞌ áxí ntu̱ví. Chi kue̱ꞌe̱ꞌ víꞌí ñɨvɨ jíkanuun ñɨ̱vɨ́ yaꞌá káꞌánꞌ ráa tuntúꞌún, ya̱ kátúꞌún ráa nika̱ꞌ ya̱ kúvi ráa ñɨvɨ ya̱ nákani ráa tu̱ꞌun kéne yuꞌú Ndiosíꞌ.

1 Corintios 14:37

Retú ɨɨn ñɨvɨ jiáni iniꞌ re̱ꞌ ya̱ kúvi re̱ꞌ ɨɨn te̱e nákani tu̱ꞌun kéne yuꞌú Ndiosíꞌ, áxí jiáni iniꞌ re̱ꞌ ya̱ nníꞌinꞌ re̱ꞌ ɨɨn ta̱ꞌvi̱ꞌ ya̱ njia̱ꞌa Ta̱chi̱ꞌ Ííꞌ sáá sáꞌá re̱ꞌ, soo íyó tɨɨn kuéntáꞌ re̱ꞌ ya̱ rá tu̱ꞌun tée ni̱ꞌ yaꞌá nu̱u̱nꞌ rán, kúvi rá tu̱ꞌun ya̱ nta̱túníꞌ maá I̱toꞌoꞌ‑ó nu̱u̱nꞌ‑ó.

Gálatas 6:1

Ránoꞌó ñaniꞌ, ré ɨɨn táꞌán rán nkininkava nu̱u̱nꞌ kua̱chi, suvirán ya̱ sáꞌá sáni kuíni Ta̱chi̱ꞌ Ííꞌ Ndiosíꞌ, jee nachuꞌun tuku rán máá ichi váꞌa. Kaꞌanꞌ másúꞌ iniꞌ rán jín‑i. Jee nito koo rán maárán, sáva nsíkúvi iniꞌ rán nu̱u̱nꞌ kua̱chi vá.

Filipenses 1:10

Sáva kototúníꞌ rán rá ichi íyó sɨ́ɨ́n jee ka̱ji rán ya̱ va̱ꞌa ka̱ꞌ kunikɨnꞌ rán, sáva saɨn koo iniꞌ rán nu̱u̱nꞌ Ndiosíꞌ, jee ni ɨɨn nkúvi chikua̱chi‑i ránoꞌó ki̱vɨ̱ꞌ niji Cristo.

1 Corintios 3:1

Jee ñaniꞌ jín ku̱ꞌva, káchíꞌ ni̱ꞌ nu̱u̱nꞌ ránoꞌó ya̱ ntu̱ví nkúvi kaꞌanꞌ ni̱ꞌ jín rán kuéntáꞌ káꞌánꞌ ni̱ꞌ jín rá ñɨvɨ ya̱ yɨ́ꞌɨ́ xi̱ntíín Ta̱chi̱ꞌ Ííꞌ Ndiosíꞌ, chisaꞌ íyó kaꞌanꞌ ni̱ꞌ jín rán kuéntáꞌ ñɨvɨ ya̱ jiáni iniꞌ kuéntáꞌ rá ñɨvɨ ñɨ̱vɨ́. Íyó kaꞌanꞌ ni̱ꞌ jín rán kuéntáꞌ jín rá súchí lúlí ya̱ ntiáꞌan kujia iniꞌ rán jín tu̱ꞌun Cristo.

Colosenses 1:9

Saájee, ne̱ ki̱vɨ̱ꞌ ya̱ nteso̱ꞌo ráníꞌ tu̱ꞌun vá jie̱ꞌe̱ꞌ ránoꞌó, jee ntu̱ví síkɨ́kui̱ñɨ̱ꞌ ránꞌ maáránꞌ ya̱ káꞌánꞌ ránꞌ jín Ndiosíꞌ jie̱ꞌe̱ꞌ ránú. Jee jíkánꞌ táꞌvíꞌ ránꞌ nu̱u̱nꞌ re̱ꞌ ya̱ chitú noo rán kukáꞌnú iniꞌ rán ya̱ kuíni re̱ꞌ, jie̱ꞌe̱ꞌ ya̱ sáꞌá Ta̱chi̱ꞌ Ííꞌ re̱ꞌ ya̱ nta̱ká nu̱u̱nꞌ kuníchí xíniꞌ rán jie̱ꞌe̱ꞌ tu̱ꞌun re̱ꞌ, jín ya̱ ki̱ku̱ꞌun iniꞌ rán tu̱ꞌun re̱ꞌ.

1 Corintios 4:5

Saáva, koto sáꞌá náaꞌ rán si̱kɨ̱ꞌ táꞌán rán nekuaꞌ niji maá I̱toꞌoꞌ‑ó. Maáréꞌ nastúvi nijinꞌ re̱ꞌ rá tiñu nsa̱ꞌá yuꞌuꞌ‑ó nu̱u̱nꞌ neenꞌ, jee nastúvi re̱ꞌ ya̱ ñúꞌún iniꞌ ánímaꞌ‑ó. Saájee nakuetúꞌún Ndiosíꞌ ta ɨɨn ɨɨn ñɨvɨ sánikua̱ꞌ íyó ni̱ꞌi̱nꞌ maa.

Hechos 16:3

Nkuini Pablo kutáꞌán Timoteo jín‑i, saáva nsa̱ꞌá circuncidar Pablo maa, ya̱ keꞌneꞌ‑e ntíꞌ ñɨɨn Timoteo sáva stúvi ya̱ kúvi re̱ꞌ te̱e Israel. Nsa̱ꞌá Pablo suꞌva jín re̱ꞌ sáva nsíkítɨ́ꞌ ráa iniꞌ rá ñɨvɨ Israel nééꞌ rá ñuunꞌ yukuán, chi nɨꞌɨ ráa jíníꞌ ya̱ tááꞌ re̱ꞌ kúvi te̱e Grecia.

Juan 7:17

Jee retú na̱ni ñɨvɨ kuíni‑i saꞌá‑a tiñu ya̱ kuíni máá Ndiosíꞌ, jee kuniꞌ ñɨvɨ vá jie̱ꞌe̱ꞌ tu̱ꞌun káchíꞌ ni̱ꞌ, chi kuniꞌ‑i retú va̱ji ne̱ nu̱u̱nꞌ Ndiosíꞌ tu̱ꞌun káchíꞌ ni̱ꞌ, áxí retú va̱ji ne̱ nu̱u̱nꞌ nuꞌuꞌ.

1 Juan 2:20

Soo ránoꞌó chi nni̱ꞌi̱nꞌ rán Ta̱chi̱ꞌ Ííꞌ Ndiosíꞌ yɨ́ꞌɨ́‑ɨ iniꞌ rán, ya̱ táji Cristo ya̱ ííꞌ kúvi re̱ꞌ, jee saáva jíníꞌ nta̱ká rán ya̱ naáꞌ.