1 Corintios 16:22 - Mixteco del suroeste de Tlaxiaco Oaxaca

²² Retú néni ɨɨn ñɨvɨ ntu ñúnúunꞌ‑u I̱toꞌoꞌ‑ó, ¡kosoni̱nu ñɨvɨ vá! ¡I̱toꞌoꞌ‑ó neꞌenꞌ!

1 Corintios 16:22 Referans Kwoze

Efesios 6:24

Na̱ ka̱ꞌ íyó mániꞌ iniꞌ Ndiosíꞌ kune̱ꞌyá re̱ꞌ ntáká ránoꞌó ya̱ ñúnúunꞌ rán I̱toꞌoꞌ‑ó Jesús ya̱ kúvi Cristo, ya̱ ni nsáꞌ nuyakuꞌ ya̱ ñúnúunꞌ rán maa.

Juan 14:21

Chi néni ɨɨn ñɨvɨ ya̱ ñúꞌún iniꞌ‑i tu̱ꞌun ya̱ nta̱túníꞌ ni̱ꞌ jee sikúnkuvi‑i vá, jee ñɨvɨ yukuán ví ya̱ ñúnúunꞌ‑u nuꞌuꞌ, jee kunu̱u̱nꞌ Tátáꞌ ni̱ꞌ maa, jee nuꞌuꞌ kunu̱u̱nꞌ ni̱ꞌ maa, jee stúvi ni̱ꞌ na̱sa iniꞌ ni̱ꞌ nu̱u̱nꞌ ñɨvɨ vá ―nkachiꞌ Jesús.

1 Juan 5:1

Nta̱ká ñɨvɨ ya̱ jínúꞌ iniꞌ ya̱ Jesús ví Cristo, ya̱ ñani Ndiosíꞌ sáva tatúníꞌ‑i nu̱u̱nꞌ ñɨ̱vɨ́, jee suviráa sáꞌá Ndiosíꞌ ya̱ nna̱kaku ráa kúvi nijia ráa se̱ꞌya re̱ꞌ. Jee nta̱ká ñɨvɨ ya̱ ñúnúunꞌ ráa maáréꞌ ya̱ kúvi Tátáꞌ ráa, jee suni ñúnúunꞌ ráa rá inka ñɨvɨ ya̱ nsa̱ꞌá re̱ꞌ ya̱ nna̱kaku ráa kúvi ráa se̱ꞌya re̱ꞌ.

1 Juan 4:19

Jee maáó chi ñúnúunꞌ‑ó Ndiosíꞌ jín ñɨvɨ chi xíꞌna maáréꞌ ka̱ꞌ vá nñunu̱u̱nꞌ re̱ꞌ yó.

Juan 8:42

Saájee nkachiꞌ Jesús nu̱u̱nꞌ ráa: ―Jee retánꞌ Ndiosíꞌ kúvi re̱ꞌ Tátáꞌ rán, jee kunu̱u̱nꞌ rán nuꞌuꞌ nékúvi. Chi nuꞌuꞌ, jee ne̱ nu̱u̱nꞌ Ndiosíꞌ nkene ni̱ꞌ va̱ji ni̱ꞌ. Jee nsú jie̱ꞌe̱ꞌ nkuini maáníꞌ jee va̱ji ni, chisaꞌ maáréꞌ nta̱jí re̱ꞌ nuꞌuꞌ va̱ji ni̱ꞌ.

Mateo 10:37

Jee néni ɨɨn ñɨvɨ ya̱ ñúnúunꞌ‑u ka̱ꞌ tátáꞌ‑a áxí nánáꞌ‑a, nsú káꞌ nuꞌuꞌ, jee nsú ñɨvɨ ya̱ íyó ni̱ꞌi̱nꞌ‑i ya̱ kɨꞌɨ‑ɨ xi̱ntíín ni̱ꞌ, jee néni ɨɨn ñɨvɨ ya̱ ñúnúunꞌ‑u ka̱ꞌ se̱ꞌya yɨ́ɨ́‑ɨ áxí se̱ꞌya sɨ́ꞌɨ́‑ɨ, nsú káꞌ ya̱ ñúnúunꞌ nuꞌuꞌ, jee nsú ñɨvɨ ya̱ íyó ni̱ꞌi̱nꞌ‑i ya̱ kɨꞌɨ‑ɨ xi̱ntíín ni̱ꞌ.

Apoclipsis 22:20

Jee maá Jesús jiáꞌa ya̱ naáꞌ jie̱ꞌe̱ꞌ ntáká rá tu̱ꞌun yaꞌá, jee káchíꞌ re̱ꞌ: ―Máá naáꞌ nijia kúvi ya̱ ñamani niji ni̱ꞌ ―kachiꞌ re̱ꞌ. Jee nkachiꞌ ni̱ꞌ nu̱u̱nꞌ re̱ꞌ: ―¡Amén! ¡Sukuán koo! ¡Neꞌenꞌ I̱toꞌoꞌ ni̱ꞌ Jesús! ―nkachiꞌ ni̱ꞌ.

1 Pedro 2:7

Jee nu̱u̱nꞌ ránoꞌó, ya̱ kúneí iniꞌ rán ínúꞌ iniꞌ rán re̱ꞌ, jee yɨ́yáꞌvi víꞌí‑i. Soo nu̱u̱nꞌ rá ñɨvɨ ya̱ ntu jínúꞌ iniꞌ ráa re̱ꞌ, jee káchíꞌ Ndiosíꞌ: Yu̱u̱ꞌ ya̱ nku̱ichi iniꞌ rá ñɨvɨ sáꞌá veꞌi, jee yu̱u̱ꞌ vá nkenta kúvi‑i máá yu̱u̱ꞌ máá ñáꞌnú ka̱ꞌ ya̱ jiáꞌa ku̱ꞌva.

1 Pedro 1:8

Maáréꞌ ví ya̱ ñúnúunꞌ rán re̱ꞌ súnika̱ꞌ ntu jíníꞌ jínúunꞌ rán re̱ꞌ, jee jínúꞌ iniꞌ rán re̱ꞌ sú ntu néꞌyá rán re̱ꞌ vitan jee ne̱ sɨ̱ɨ̱ꞌ kúvi iniꞌ rán kúsɨ́ɨꞌ iniꞌ rán ya̱ ntántúníꞌ nasɨ́kuitɨꞌ viiꞌ ya̱ ni ntu kúvi ni̱ꞌi̱nꞌ rán ka̱ꞌ tu̱ꞌun na̱ja vá kachiꞌ rán maa.

Hebreos 6:10

Chi na̱a̱ꞌ kúvi Ndiosíꞌ, jee ntu náánꞌ iniꞌ re̱ꞌ rá tiñu sáꞌá rán nu̱u̱nꞌ re̱ꞌ, jín ya̱ ñúnúunꞌ rán re̱ꞌ. Jee sukuán nstúvi rán ya̱ ñúnúunꞌ rán re̱ꞌ jie̱ꞌe̱ꞌ nchi̱neí rán rá ñɨvɨ re̱ꞌ, ya̱ nsásɨ́ɨ́n re̱ꞌ sáva kɨꞌɨ ráa nu̱u̱nꞌ re̱ꞌ. Jee sukuán sáꞌá i̱i̱ꞌ rán ne̱ ntañúꞌún.

Romanos 9:3

jie̱ꞌe̱ꞌ rá ñanitáꞌán ni̱ꞌ, ya̱ kúvi ñɨvɨ táꞌán tataꞌ ni̱ꞌ, ya̱ kúvi rá ñɨvɨ tataꞌ Israel. Chi kuvi niyo iniꞌ ni̱ꞌ ya̱ xinóꞌo Ndiosíꞌ nuꞌuꞌ jín ya̱ kusɨ́ɨ́n ni̱ꞌ nu̱u̱nꞌ Cristo nékúvi, sáva chunáán ni̱ꞌ maáníꞌ nu̱u̱nꞌ Ndiosíꞌ nu̱u̱nꞌ kua̱chi ráa nékúvi, retú sukuán kúvi natavaꞌ ni̱ꞌ ráa nu̱u̱nꞌ kua̱chi ráa sikáku ni̱ꞌ ráa nékúvi. Chi nna̱keꞌen Ndiosíꞌ ráa sáva kuvi ráa se̱ꞌya re̱ꞌ. Jee nteñu vi̱ko̱ꞌ ñanu̱te̱ꞌ re̱ꞌ nneeꞌ re̱ꞌ jín ráa. Jee nsa̱ꞌá re̱ꞌ tratúꞌ jín ráa. Jee nni̱ꞌi̱nꞌ ráa tu̱ꞌun nta̱túníꞌ re̱ꞌ ya̱ njia̱ꞌa re̱ꞌ nu̱u̱nꞌ Moisés. Jee nxi̱néꞌénꞌ re̱ꞌ ráa na̱sa kuneñu̱ꞌun ráa re̱ꞌ. Jee kue̱ꞌe̱ꞌ jie̱ꞌe̱ꞌ nchi̱sóyuꞌú re̱ꞌ nu̱u̱nꞌ ráa ya̱ saꞌá re̱ꞌ ya̱ váꞌa nu̱u̱nꞌ ráa.

Gálatas 5:6

Chi ntáká‑ó ya̱ yɨ́ꞌɨ́‑ó nu̱u̱nꞌ Cristo Jesús, ntu̱náꞌ íyótiñu koo circuncidado maáó, áxí ntu̱ví. Soo ya̱ yɨ́yáꞌvi ka̱ꞌ vá kúneí iniꞌ‑ó Jesús, jee ya̱ kúneí iniꞌ‑ó maa sáꞌá ya̱ kunu̱u̱nꞌ‑ó táꞌán‑ó.

1 Corintios 12:3

Jee saáva síkúkáꞌnú ni̱ꞌ iniꞌ rán ya̱ ni ɨɨn ñɨvɨ ya̱ retú káchíꞌ‑i: “Yósóni̱nu Jesús”, jee nsú tu̱ꞌun ya̱ jiáꞌa Ta̱chi̱ꞌ Ííꞌ Ndiosíꞌ ví rá tu̱ꞌun káꞌánꞌ‑a vá. Jee suni ni ɨɨn ñɨvɨ nkúvi kachiꞌ‑i ya̱: “Jesús ví I̱toꞌoꞌ nu̱u̱nꞌ kua̱íyó”, retú nsú Ta̱chi̱ꞌ Ííꞌ ví ya̱ jiáꞌa tu̱ꞌun nu̱u̱nꞌ ya̱ káchíꞌ‑i.

Hechos 23:14

Ña̱ꞌa̱nꞌ ráa nu̱u̱nꞌ rá su̱tu̱ꞌ kúñáꞌnú jín nu̱u̱nꞌ rá te̱e kúñáꞌnú, jee nkachiꞌ ráa: ―Nchi̱sóyuꞌú ránꞌ nu̱u̱nꞌ Ndiosíꞌ ya̱ nka̱jíꞌ ránꞌ ne̱ kaꞌniꞌ ránꞌ Pablo.

Juan 16:14

Jee maáréꞌ vá stúvi ya̱ kúñáꞌnú nasɨ́kuitɨꞌ ni̱ꞌ, chi rá tu̱ꞌun ya̱ nkachiꞌ ni̱ꞌ jee nakachiꞌ va̱ꞌa re̱ꞌ maa nu̱u̱nꞌ rán jee kukáꞌnú iniꞌ rán maa.

Juan 15:24

Chi retánꞌ ni ntu̱ví nsáꞌá ni̱ꞌ rá tiñu a̱nasɨ́ váꞌa nteñu ráa, ya̱ ntu̱ví sáꞌá ni ɨɨn inka ñɨvɨ maa, jee nsáꞌ koo kua̱chi si̱kɨ̱ꞌ ráa nékúvi. Soo vitan jee ya̱ niniꞌ ráa rá tiñu ya̱ nsa̱ꞌá ni̱ꞌ jee táꞌvi iniꞌ ráa néꞌyá ráa nuꞌuꞌ jín Tátáꞌ ni̱ꞌ.

Juan 14:23

Jee nna̱xiníkó Jesús, jee nkachiꞌ re̱ꞌ nu̱u̱nꞌ‑u: ―Ɨɨn ñɨvɨ ya̱ ñúnúunꞌ‑u nuꞌuꞌ, jee sikúnkuvi‑i tu̱ꞌun ni̱ꞌ, jee kunu̱u̱nꞌ Tátáꞌ ni̱ꞌ maa, jee ni núvíꞌ ni̱ꞌ jín Tátáꞌ ni̱ꞌ kiji ránꞌ nu̱u̱nꞌ ñɨvɨ vá, jee koo ránꞌ jín‑i.

Juan 14:15

’Retú ñúnúunꞌ rán nuꞌuꞌ, jee kaníjiá rán sikúnkuvi rán rá tu̱ꞌun ya̱ nta̱túníꞌ ni̱ꞌ nu̱u̱nꞌ rán.

Filipenses 4:5

Koo másúꞌ iniꞌ rán jín nta̱ká ñɨvɨ, sáva kuniꞌ nɨꞌɨ ráa ya̱ íyó rán suꞌva. I̱toꞌoꞌ‑ó íyó yatin.