1 Corintios 16:16 - Mixteco del suroeste de Tlaxiaco Oaxaca

¹⁶ chiꞌi rán maárán xi̱ntíín ñɨvɨ ya̱ íyó suꞌva, jín xi̱ntíín ntáká rá ñɨvɨ chíneí táꞌán jín‑ó nu̱u̱nꞌ tiñu Ndiosíꞌ ya̱ sáꞌá yɨ́ɨ́ maa.

1 Corintios 16:16 Referans Kwoze

Hebreos 13:17

Jee kaníjiá rán rá te̱e yósóꞌ ichinúúnꞌ rán jee chiꞌi rán maárán xi̱ntíín ráa, chi maáráa ví ya̱ néen kuéntáꞌ ráa ránoꞌó sáva kúvi‑i ya̱ váꞌa nu̱u̱nꞌ rán. Chi naku̱ꞌva ráa kuéntáꞌ jie̱ꞌe̱ꞌ‑e nu̱u̱nꞌ Ndiosíꞌ. Kaníjiá rán ráa sáva kusɨ̱ɨ̱ꞌ iniꞌ ráa sikúnkuvi ráa tiñu sáꞌá ráa, jee sáva nkéꞌen ráa kue̱ka̱ꞌ saꞌá ráa maa chi retú sukuán jee nsáꞌ váꞌa kúvi nu̱u̱nꞌ rán.

1 Tesalonicenses 5:12

Ránoꞌó ñaniꞌ jín ku̱ꞌva, ntañúꞌún jíkánꞌ táꞌvíꞌ ni̱ꞌ nu̱u̱nꞌ ránoꞌó, ya̱ kɨya̱ꞌvi nu̱u̱nꞌ rán kune̱ꞌyá rán rá te̱e ya̱ sáꞌá ráa tiñu I̱toꞌoꞌ‑ó nteñu ránoꞌó, ya̱ kúvi ráa rá te̱e kúñáꞌnú yósóꞌ nu̱u̱nꞌ ránoꞌó, jín ya̱ náchuꞌun ráa ránoꞌó ichi I̱toꞌoꞌ‑ó.

3 Juan 1:8

Saáva suvió íyó chineí‑ó koto‑ó rá ñɨvɨ sáꞌá suꞌva, sáva kenta‑ó kuvi‑ó ñɨvɨ táꞌán sátíñú‑ó jín ráa ya̱ síkúténuun ráa tu̱ꞌun na̱a̱ꞌ Jesús.

Apoclipsis 2:3

Jee káꞌnú íyó iniꞌ rán kúníꞌin kutú rán íñɨ́ rán jín nuꞌuꞌ jín ya̱ jiéꞌnéꞌ iniꞌ rán nóꞌo rán tu̱nóꞌó sáꞌá kini rá ñɨvɨ ránoꞌó jie̱ꞌe̱ꞌ ínúꞌ iniꞌ rán nuꞌuꞌ, jee ni ntu núun iniꞌ rán saꞌá rán tiñu ni̱ꞌ.

1 Pedro 5:5

Jee sunisaá ni ránoꞌó te̱súchí, chiꞌi rán maárán xi̱ntíín rá te̱e kúñáꞌnú nu̱u̱nꞌ rán. Jee ntáká rán kuꞌun tu̱ꞌun ñúꞌún láꞌví iniꞌ rán jín ɨɨn inka táꞌán rán chi: Ndiosíꞌ jee íñɨ́ re̱ꞌ si̱kɨ̱ꞌ rá ñɨvɨ ñútéyɨ́ɨ́ iniꞌ, soo va̱ꞌa iniꞌ re̱ꞌ chíneí re̱ꞌ rá ñɨvɨ ya̱ ñúꞌún tu̱ꞌun láꞌví iniꞌ ráa.

Hebreos 6:10

Chi na̱a̱ꞌ kúvi Ndiosíꞌ, jee ntu náánꞌ iniꞌ re̱ꞌ rá tiñu sáꞌá rán nu̱u̱nꞌ re̱ꞌ, jín ya̱ ñúnúunꞌ rán re̱ꞌ. Jee sukuán nstúvi rán ya̱ ñúnúunꞌ rán re̱ꞌ jie̱ꞌe̱ꞌ nchi̱neí rán rá ñɨvɨ re̱ꞌ, ya̱ nsásɨ́ɨ́n re̱ꞌ sáva kɨꞌɨ ráa nu̱u̱nꞌ re̱ꞌ. Jee sukuán sáꞌá i̱i̱ꞌ rán ne̱ ntañúꞌún.

1 Timoteo 5:17

Rá te̱e kúñáꞌnú, ya̱ yósóꞌ va̱ꞌa nu̱u̱nꞌ rá ñanitáꞌán, ya̱ níkɨ́nꞌ ichi Cristo, jee íyó ni̱ꞌi̱nꞌ ráa si̱kɨ̱ꞌ ka̱ꞌ ya̱ sáñáꞌnú rá ñanitáꞌán nu̱u̱nꞌ ráa, jín ya̱ ku̱ꞌva rán ya̱ꞌvi ráa. Víꞌí ka̱ꞌ ya̱ maáráa stékútu̱ꞌún Tu̱ꞌun Ndiosíꞌ jee xínéꞌénꞌ ráa maa, íyó ni̱ꞌi̱nꞌ ráa ya̱ꞌvi ráa.

1 Tesalonicenses 2:9

Chi, ránoꞌó ñanitáꞌán, náꞌán rán ya̱ nsa̱tíñú ni̱ꞌin ráníꞌ jee nnu̱nasɨ́ yɨ́ɨ́ ránꞌ. Nuví niñuꞌ nsa̱tíñú ránꞌ sáva ni̱ꞌi̱nꞌ ránꞌ ya̱ jíniñúꞌún ránꞌ, sáva ntu nkúvi ránꞌ ɨɨn tiñu véi nu̱u̱nꞌ ni ɨɨn ránoꞌó, sáá káchítu̱ꞌún ránꞌ tu̱ꞌun váꞌa Ndiosíꞌ nu̱u̱nꞌ ránoꞌó.

1 Tesalonicenses 1:3

Chi yɨ́táꞌán xínákúꞌun ráníꞌ iniꞌ Tátáꞌ‑ó Ndiosíꞌ jie̱ꞌe̱ꞌ tiñu váꞌa sáꞌá ránoꞌó, chi kúneí iniꞌ rán Cristo, jín jie̱ꞌe̱ꞌ ya̱ níkó néí rán sáꞌá rán ya̱ váꞌa, chi ñúnúunꞌ rán re̱ꞌ, jín jie̱ꞌe̱ꞌ ya̱ kúníꞌin íñɨ́ ni̱ꞌin rán jín re̱ꞌ, chi íyó tu̱neí iniꞌ rán ya̱ váꞌa sáꞌá I̱toꞌoꞌ‑ó Jesús ya̱ kúvi Cristo jín rán.

Filipenses 4:3

Suni sukuán, maánú, ya̱ táꞌán te̱e nsa̱tíñú nkáꞌnú na̱a̱ꞌ nijia jín ni̱ꞌ, suni jíkánꞌ ni̱ꞌ nu̱u̱nꞌ nú, ya̱ chineí nú ya̱ nakama̱ni̱ꞌ ráña. Chi nnu̱nasɨ́ ráña nsa̱tíñú nkáꞌnú ráña jín ni̱ꞌ, jee suni sukuán jín Clemente jín rá inka ñɨvɨ táꞌán sátíñú nkáꞌnú jín ni̱ꞌ, sáva kueꞌnu tu̱ꞌun va̱ꞌa Jesús. Jee rá súví ráa níso nu̱u̱nꞌ tutuꞌ níso rá súví rá ñɨvɨ kutekuꞌ jín Ndiosíꞌ nɨ́ɨ́nkání.

Efesios 5:21

Chiꞌi rán maárán xi̱ntíín ɨɨn inka táꞌánꞌ rán, jie̱ꞌe̱ꞌ ya̱ ñúyúꞌví iniꞌ rán yɨ́ñúꞌún rán nu̱u̱nꞌ Cristo.

1 Corintios 12:28

Jee saáva nteñu rá ñɨvɨ yɨ́ꞌɨ́ xi̱ntíín Cristo jee xíꞌna ka̱ꞌ ñani Ndiosíꞌ sava rá te̱e kuniso ráa tiñu apóstol chúichí Cristo ráa stúvi ráa ya̱ nááꞌ jie̱ꞌe̱ꞌ Cristo. Jee ya̱ uvíꞌ, jee ñani re̱ꞌ sava rá ñɨvɨ kuniso ráa tiñu ya̱ nakani ráa rá tu̱ꞌun kéne yuꞌú maáréꞌ. Jee ya̱ uníꞌ, jee ñani re̱ꞌ sava rá ñɨvɨ ya̱ xínéꞌénꞌ ráa tu̱ꞌun váꞌa re̱ꞌ nu̱u̱nꞌ rá ñɨvɨ. Jee kuíre ñani re̱ꞌ sava ñɨvɨ ya̱ sáꞌá rá tiñu a̱nasɨ́ jín fuersáꞌ ííꞌ Ndiosíꞌ. Jee kuíre njia̱ꞌa re̱ꞌ ta̱ꞌvi̱ꞌ nu̱u̱nꞌ sava rá ñɨvɨ sáva xínúvi ráa rá ñɨvɨ kúꞌvíꞌ, jee njia̱ꞌa re̱ꞌ ta̱ꞌvi̱ꞌ nu̱u̱nꞌ sava rá ñɨvɨ sáva chíneí ráa rá ñanitáꞌán ráa, jee njia̱ꞌa re̱ꞌ ta̱ꞌvi̱ꞌ nu̱u̱nꞌ sava rá ñɨvɨ sáva kuneen kuéntáꞌ rá ñɨvɨ ya̱ jínúꞌ iniꞌ ráa Cristo, jee njia̱ꞌa re̱ꞌ ta̱ꞌvi̱ꞌ nu̱u̱nꞌ sava rá ñɨvɨ sáva kúvi káꞌánꞌ ráa inka ka̱ꞌ nu̱u̱nꞌ rá tu̱ꞌun káꞌánꞌ ya̱ ntu jiáku̱ꞌun iniꞌ ráa.

1 Corintios 3:9

Chi kúvi ránuꞌuꞌ ñɨvɨ ya̱ táꞌán sátíñú ránꞌ tiñu nu̱u̱nꞌ maá Ndiosíꞌ. Jee ránoꞌó kúvi ránú kuéntáꞌ ñuꞌun Ndiosíꞌ nu̱u̱nꞌ káá tataꞌ sáꞌá re̱ꞌ. Jee suni kúvi ránú kuéntáꞌ veꞌi re̱ꞌ.

Romanos 16:12

Jee ku̱ꞌva rán xá nu̱u̱nꞌ Trifena jín nu̱u̱nꞌ Trifosa tu̱ꞌun jíkátu̱ꞌún ni̱ꞌ jie̱ꞌe̱ꞌ ráa, ya̱ sátíñú ni̱ꞌin ráa nu̱u̱nꞌ I̱toꞌoꞌ‑ó. Jee ku̱ꞌva rán xá nu̱u̱nꞌ Pérsida tu̱ꞌun jíkátu̱ꞌún ni̱ꞌ ña, ya̱ ñúnúunꞌ‑ó ña, ya̱ sátíñú ni̱ꞌin kue̱ꞌe̱ꞌ víꞌí ña nu̱u̱nꞌ I̱toꞌoꞌ‑ó.

Romanos 16:9

Jee ku̱ꞌva rán xá nu̱u̱nꞌ Urbano tu̱ꞌun jíkátu̱ꞌún ni̱ꞌ jie̱ꞌe̱ꞌ re̱ꞌ, ya̱ táꞌán sátíñú jín ráníꞌ ví re̱ꞌ nu̱u̱nꞌ tiñu Cristo. Jee suni ku̱ꞌva rán xá nu̱u̱nꞌ Estaquis tu̱ꞌun jíkátu̱ꞌún ni̱ꞌ jie̱ꞌe̱ꞌ re̱ꞌ, ya̱ ñúnúunꞌ ni̱ꞌ re̱ꞌ.

Romanos 16:6

Jee ku̱ꞌva rán xá nu̱u̱nꞌ María tu̱ꞌun jíkátu̱ꞌún ni̱ꞌ jie̱ꞌe̱ꞌ ña, ya̱ nsa̱tíñú ni̱ꞌin víꞌí ña ya̱ kúvi ya̱ váꞌa nu̱u̱nꞌ ránoꞌó.

Romanos 16:3

Ku̱ꞌva rán xá nu̱u̱nꞌ Priscila jín Aquila tu̱ꞌun jíkátu̱ꞌún ni̱ꞌ jie̱ꞌe̱ꞌ ráa, chi nchi̱neí táꞌán ráa jín nuꞌuꞌ jín tiñu Cristo Jesús sáꞌá ránꞌ.

Hebreos 13:24

Ku̱ꞌva rán tu̱ꞌun káva̱ꞌa nu̱u̱nꞌ ntáká rá te̱e yósóꞌ nu̱u̱nꞌ rán, jín nu̱u̱nꞌ ntáká rá ñɨvɨ yɨ́ꞌɨ́ nu̱u̱nꞌ Ndiosíꞌ. Jee rá ñanitáꞌán Italia suni chúichí ráa tu̱ꞌun káva̱ꞌa nu̱u̱nꞌ ránoꞌó.