1 Corintios 16:15 - Mixteco del suroeste de Tlaxiaco Oaxaca

¹⁵ Ránoꞌó ñanitáꞌán, ya jíníꞌ rán ya̱ xíꞌnañúꞌún rá táꞌán veꞌi Estéfanas ví ya̱ ntɨɨn ráa Tu̱ꞌun Ndiosíꞌ nu̱u̱nꞌ ñuunꞌ Acaya, jee yɨ́tíñú ráa nu̱u̱nꞌ chíneí ráa rá ñanitáꞌán ya̱ yɨ́ꞌɨ́ rává xi̱ntíín Ndiosíꞌ. Jíkánꞌ táꞌvíꞌ ni̱ꞌ nu̱u̱nꞌ rán ya̱

1 Corintios 16:15 Referans Kwoze

1 Corintios 1:16

(Jee suni nsi̱kuánuté ni̱ꞌ ñɨvɨ táꞌán veꞌi Estéfanas, soo ntu̱ví náꞌán ni̱ꞌ retú nsi̱kuánuté ni̱ꞌ néni ɨɨn ka̱ꞌ ñɨvɨ.)

Romanos 16:5

Jee ku̱ꞌva rán xá tu̱ꞌun jíkátu̱ꞌún ni̱ꞌ jie̱ꞌe̱ꞌ rá ñanitáꞌán‑ó ya̱ kútútú nu̱u̱nꞌ veꞌi Priscila jín Aquila. Jee ku̱ꞌva rán xá nu̱u̱nꞌ Epeneto tu̱ꞌun jíkátu̱ꞌún ni̱ꞌ jie̱ꞌe̱ꞌ re̱ꞌ. Suvire̱ꞌ ví ya̱ ñúnúunꞌ ni̱ꞌ jee kúvi te̱e xíꞌnañúꞌún ña̱ko̱so̱ꞌ re̱ꞌ nu̱u̱nꞌ ni̱nu̱ꞌ iniꞌ re̱ꞌ ntɨɨn re̱ꞌ tu̱ꞌun Cristo nu̱u̱nꞌ ñɨvɨ ñuunꞌ Asia.

1 Pedro 4:10

Jee nu̱u̱nꞌ ta ɨɨn ɨɨn rán nsi̱kútaꞌviꞌ Ndiosíꞌ ɨɨn ta̱ꞌvi̱ꞌ nu̱u̱nꞌ ránoꞌó ya̱ kuvi saꞌá rán ɨɨn tiñu, jee sánikua̱ꞌ íyó ta̱ꞌvi̱ꞌ rán jee íyó saꞌá rán tiñu vá sáva chineí rán ɨɨn inka ka̱ꞌ rá táꞌán rán, jee suꞌva sikúnkuvi na̱a̱ꞌ va̱ꞌa rán maa sánikua̱ꞌ sɨ́ɨ́n sɨ́ɨ́n nu̱u̱nꞌ ta̱ꞌvi̱ꞌ ví‑i nsi̱kútaꞌviꞌ Ndiosíꞌ maa nu̱u̱nꞌ rán.

2 Corintios 9:1

Jee vitan jee ntu̱ví jíniñúꞌún ni̱ꞌ ya̱ tee ni̱ꞌ nu̱u̱nꞌ rán jie̱ꞌe̱ꞌ tiñu ya̱ chineí rán rá ñɨvɨ láꞌví ya̱ yɨ́ꞌɨ́ nu̱u̱nꞌ Cristo.

2 Corintios 8:4

Chi nkakua̱chi nasɨ́kuitɨꞌ ráa nu̱u̱nꞌ ráníꞌ ya̱ koo maniꞌ iniꞌ ránꞌ ya̱ ku̱ꞌva ránꞌ ya̱ jíꞌín ráa tetáꞌán ráa ya̱ chineí ráa rá ñɨvɨ láꞌví ya̱ yɨ́ꞌɨ́ nu̱u̱nꞌ Cristo.

Romanos 16:2

Jee sáá kenta ña i̱ña̱ꞌ jee nákutíñú ni̱ꞌ jie̱ꞌe̱ꞌ ña nu̱u̱nꞌ rán sáva nakuatáꞌví rán ña jie̱ꞌe̱ꞌ yɨ́ꞌɨ́ ña nu̱u̱nꞌ Cristo, sánikua̱ꞌ íyó nakuatáꞌví‑ó ñɨvɨ ya̱ nsa̱ꞌá sɨ́ɨ́n Ndiosíꞌ nkene‑e nu̱u̱nꞌ ya̱ niváꞌa sáva kɨtíñú ráa nu̱u̱nꞌ re̱ꞌ. Jee chineí rán ña rénákúvi ya̱ jíniñúꞌún ña ránoꞌó. Chi nchi̱neí nijia ña kue̱ꞌe̱ꞌ víꞌí rá ñɨvɨ, ne̱ suni nuꞌuꞌ ranika̱ꞌ.

Romanos 15:25

Soo ntañúꞌún jee xíꞌna ka̱ꞌ kɨ̱ꞌɨ̱nꞌ ni̱ꞌ nu̱u̱nꞌ ñuunꞌ Jerusalén sáva kɨ̱na̱ka ni̱ꞌ xu̱ꞌún yukuán sáva chineí ránꞌ rá ñanitáꞌán‑ó ya̱ yɨ́ꞌɨ́ ráa nu̱u̱nꞌ Cristo ya̱ nééꞌ ráa yukuán.

Romanos 12:13

Jee chineí rán ya̱ jíniñúꞌún rá ñɨvɨ nsa̱ꞌá sɨ́ɨ́n Ndiosíꞌ ráa sáva kɨꞌɨ ráa nu̱u̱nꞌ Cristo. Jee koo ma̱ni̱ꞌ iniꞌ rán ku̱ꞌva rán ntíꞌ veꞌi rán kino̱o rá ñɨvɨ yɨ́ꞌɨ́ ráa nu̱u̱nꞌ Cristo ya̱ jíka ráa ichi.

Apoclipsis 14:4

Jee suviráa kúvi ñɨvɨ ya̱ ntu nkúkuáchi ráa jín ñaꞌan, chi íyó noo ninuꞌun ánímaꞌ ráa. Jee suviráa ví ya̱ níkɨ́nꞌ ráa maáréꞌ ya̱ kúvi re̱ꞌ Lanchi Lúlí Ndiosíꞌ né ni ví nkuvi nu̱u̱nꞌ kuáꞌánꞌ re̱ꞌ. Jee suviráa kúvi ñɨvɨ ya̱ nna̱chuya̱ꞌvi Lanchi Lúlí vá ráa ne̱ nu̱u̱nꞌ rá ñɨvɨ ñɨ̱vɨ́ sáva nuvi ráa ñɨvɨ re̱ꞌ. Jee nso̱ko̱ꞌ ráa maáráa nu̱u̱nꞌ Ndiosíꞌ, jín nu̱u̱nꞌ maáréꞌ ya̱ kúvi Lanchi Lúlí vá kuéntáꞌ kúvi ráa parte xíꞌnañúꞌún tataꞌ sáꞌá jee va̱ji kue̱ꞌe̱ꞌ ka̱ꞌ.

Hebreos 6:10

Chi na̱a̱ꞌ kúvi Ndiosíꞌ, jee ntu náánꞌ iniꞌ re̱ꞌ rá tiñu sáꞌá rán nu̱u̱nꞌ re̱ꞌ, jín ya̱ ñúnúunꞌ rán re̱ꞌ. Jee sukuán nstúvi rán ya̱ ñúnúunꞌ rán re̱ꞌ jie̱ꞌe̱ꞌ nchi̱neí rán rá ñɨvɨ re̱ꞌ, ya̱ nsásɨ́ɨ́n re̱ꞌ sáva kɨꞌɨ ráa nu̱u̱nꞌ re̱ꞌ. Jee sukuán sáꞌá i̱i̱ꞌ rán ne̱ ntañúꞌún.

Filemón 1:7

Chi kúsɨ́ɨꞌ nasɨ́kuitɨꞌ iniꞌ ánímaꞌ ni̱ꞌ, ñaniꞌ, jee núneí iniꞌ ni̱ꞌ jie̱ꞌe̱ꞌ ñúnúunꞌ nú rá ñanitáꞌán‑ó, chi nxi̱núváꞌa nú iniꞌ ánímaꞌ rá ñɨvɨ ya̱ nku̱sɨ́ɨ́n ráa yɨ́ꞌɨ́ ráa nu̱u̱nꞌ Cristo.

1 Timoteo 5:10

jee retú túvi ya̱ váꞌa sáꞌá ña nu̱u̱nꞌ inka ñɨvɨ, jee retú nsi̱kuéꞌnu va̱ꞌa ña se̱ꞌya ña, jee retú ni̱yo ma̱ni̱ꞌ iniꞌ ña, ya̱ njia̱ꞌa ña ntíꞌ veꞌi ña kino̱o ñɨvɨ jíka ichi, jee retú nsa̱ꞌá ña tiñu suꞌva, sáva kootiñu ña nu̱u̱nꞌ rá ñɨvɨ yɨ́ꞌɨ́ nu̱u̱nꞌ Cristo, sú tiñu láꞌví ví‑i ya̱ nna̱kete ña jie̱ꞌe̱ꞌ ráa, jee retú nchi̱neí ña rá ñɨvɨ nóꞌo, jee retú nyɨ̱tíñú ña nsa̱ꞌá ña nta̱ká nu̱u̱nꞌ ya̱ váꞌa.

1 Corintios 16:17

Kúsɨ́ɨꞌ iniꞌ ni̱ꞌ, sáá nkiaaꞌ Estéfanas jín Fortunato jín Acaico nu̱u̱nꞌ ni̱ꞌ yaꞌá, chi nchi̱neí ráa nuꞌuꞌ nasɨ ráa nu̱u̱nꞌ ránoꞌó, chi ntu nkúvi chineí rán nuꞌuꞌ jie̱ꞌe̱ꞌ ntu nééꞌ rán yaꞌá,

Romanos 15:31

sáva ka̱ku ni̱ꞌ xi̱ntíín rá ñɨvɨ ni̱ꞌin iniꞌ nu̱u̱nꞌ Ndiosíꞌ ya̱ rá nééꞌ ñuunꞌ Judea. Jee suni ka̱ka̱nꞌ táꞌvíꞌ rán ya̱ kuva̱ꞌa iniꞌ rá ñanitáꞌán‑ó yɨ́ꞌɨ́ nu̱u̱nꞌ Cristo tɨɨn ráa xu̱ꞌún ya̱ kɨ̱na̱ka ni̱ꞌ ñuunꞌ Jerusalén sáva chineí ránꞌ ráa.

Hechos 18:12

Jee sáá kúvi Galión te̱e nísotíñú ya̱ tátúníꞌ sánitɨ́ɨn Acaya, jee íchí nkaꞌanꞌ nuún rá ñɨvɨ Israel, jee nta̱vi̱ꞌ ráa Pablo, jee ña̱na̱ka ráa maa vetíñú.

1 Corintios 16:1

Soo vitan jee káchíꞌ ni̱ꞌ nu̱u̱nꞌ rán jie̱ꞌe̱ꞌ xu̱ꞌún ya̱ kútútú ya̱ kɨ̱ꞌɨ̱nꞌ nu̱u̱nꞌ rá ñanitáꞌán nééꞌ Jerusalén ya̱ yɨ́ꞌɨ́ ráa nu̱u̱nꞌ Cristo sáva chineí rán ráa. Saꞌá rán maa sánikua̱ꞌ nta̱túníꞌ ni̱ꞌ nu̱u̱nꞌ rá grupo rá ñanitáꞌán nééꞌ ñuꞌun tɨ́ɨn Galacia.