1 Corintios 16:1 - Mixteco del suroeste de Tlaxiaco Oaxaca

¹ Soo vitan jee káchíꞌ ni̱ꞌ nu̱u̱nꞌ rán jie̱ꞌe̱ꞌ xu̱ꞌún ya̱ kútútú ya̱ kɨ̱ꞌɨ̱nꞌ nu̱u̱nꞌ rá ñanitáꞌán nééꞌ Jerusalén ya̱ yɨ́ꞌɨ́ ráa nu̱u̱nꞌ Cristo sáva chineí rán ráa. Saꞌá rán maa sánikua̱ꞌ nta̱túníꞌ ni̱ꞌ nu̱u̱nꞌ rá grupo rá ñanitáꞌán nééꞌ ñuꞌun tɨ́ɨn Galacia.

1 Corintios 16:1 Referans Kwoze

1 Juan 3:17

Soo néni ɨɨn ñɨvɨ ya̱ kúmí‑i rá nantíñú íyó ñɨ̱vɨ́ yaꞌá, jee jíníꞌ‑i ya̱ kúmániꞌ ya̱ jíniñúꞌún ñanitáꞌán‑a kutekuꞌ‑u, soo nu̱u̱nꞌ kutú ánímaꞌ‑a, jee ni ntu̱náꞌ jiáꞌa‑a ya̱ jíniñúꞌún ñanitáꞌán‑a, ¿na̱sa kúvi ñúꞌún iniꞌ ñɨvɨ vá ya̱ sáꞌá Ndiosíꞌ ya̱ kunu̱u̱nꞌ‑u, résa?

Romanos 12:13

Jee chineí rán ya̱ jíniñúꞌún rá ñɨvɨ nsa̱ꞌá sɨ́ɨ́n Ndiosíꞌ ráa sáva kɨꞌɨ ráa nu̱u̱nꞌ Cristo. Jee koo ma̱ni̱ꞌ iniꞌ rán ku̱ꞌva rán ntíꞌ veꞌi rán kino̱o rá ñɨvɨ yɨ́ꞌɨ́ ráa nu̱u̱nꞌ Cristo ya̱ jíka ráa ichi.

Gálatas 2:10

Kua̱chi kuitɨꞌ ni̱ka̱nꞌ ráa ya̱ koto va̱ꞌa ránꞌ rá ñɨvɨ láꞌví. Jee tiñu vá níꞌvɨ́ꞌ iniꞌ ni̱ꞌ saꞌá ni̱ꞌ.

Hechos 24:17

’Sáá njia̱ꞌa víꞌí kui̱ya̱ꞌ ni̱kúténúún ni̱ꞌ rá inka ñuunꞌ, jee nnenta ni̱ꞌ ñuunꞌ ni̱ꞌ Israel, sáva naku̱ꞌva ni̱ꞌ caridad nu̱u̱nꞌ rá láꞌvíꞌ yaꞌá, jee suni so̱ko̱ꞌ ni̱ꞌ nu̱u̱nꞌ Ndiosíꞌ.

Filemón 1:7

Chi kúsɨ́ɨꞌ nasɨ́kuitɨꞌ iniꞌ ánímaꞌ ni̱ꞌ, ñaniꞌ, jee núneí iniꞌ ni̱ꞌ jie̱ꞌe̱ꞌ ñúnúunꞌ nú rá ñanitáꞌán‑ó, chi nxi̱núváꞌa nú iniꞌ ánímaꞌ rá ñɨvɨ ya̱ nku̱sɨ́ɨ́n ráa yɨ́ꞌɨ́ ráa nu̱u̱nꞌ Cristo.

Filemón 1:5

chi nteso̱ꞌo ni̱ꞌ tu̱ꞌun jie̱ꞌe̱ꞌ na̱ja kúneí iniꞌ nú I̱toꞌoꞌ‑ó Jesús jín ya̱ ñúnúunꞌ nú ntáká rá ñɨvɨ ya̱ nsásɨ́ɨ́n Ndiosíꞌ sáva kɨꞌɨ ráa nu̱u̱nꞌ re̱ꞌ.

Hebreos 6:10

Chi na̱a̱ꞌ kúvi Ndiosíꞌ, jee ntu náánꞌ iniꞌ re̱ꞌ rá tiñu sáꞌá rán nu̱u̱nꞌ re̱ꞌ, jín ya̱ ñúnúunꞌ rán re̱ꞌ. Jee sukuán nstúvi rán ya̱ ñúnúunꞌ rán re̱ꞌ jie̱ꞌe̱ꞌ nchi̱neí rán rá ñɨvɨ re̱ꞌ, ya̱ nsásɨ́ɨ́n re̱ꞌ sáva kɨꞌɨ ráa nu̱u̱nꞌ re̱ꞌ. Jee sukuán sáꞌá i̱i̱ꞌ rán ne̱ ntañúꞌún.

Hechos 11:30

Jee sukuán nsa̱ꞌá ráa. Jee nta̱jí ráa maa jín Bernabé jín Saulo nu̱u̱nꞌ ñuunꞌ Judea. Jee yukuán njia̱ꞌa ráa maa nu̱u̱nꞌ rá te̱e kúñáꞌnú nu̱u̱nꞌ rá ñɨvɨ yɨ́ꞌɨ́ nu̱u̱nꞌ Jesús.

Hechos 16:6

Jee njia̱ꞌa ráa kua̱ꞌa̱nꞌ ráa sánitɨ́ɨn Frigia jín Galacia, chi ntu njiáꞌa Ta̱chi̱ꞌ Ííꞌ Ndiosíꞌ stekútu̱ꞌún ráa tu̱ꞌun va̱ꞌa sánitɨ́ɨn Asia.

Gálatas 1:2

Maáníꞌ jín nɨꞌɨ rá ñaniꞌ kúneí iniꞌ ráa Jesús ya̱ kútáꞌán jín ni̱ꞌ, tájí ránꞌ tutuꞌ yaꞌá nu̱u̱nꞌ ránoꞌó ñɨvɨ, ya̱ kúneí iniꞌ rán Jesús, ya̱ nééꞌ nu̱u̱nꞌ rá ñuunꞌ Galacia, ya̱ kútútú rán nu̱u̱nꞌ rá ñuunꞌ yukuán.

Hechos 18:23

Sáá nkuvi nneeꞌ‑e yukuán yakuꞌ tiempúꞌ, jee nkene‑e kua̱ꞌa̱nꞌ‑a jiáꞌa‑a ta ñuunꞌ sánitɨ́ɨn Galacia jín Frigia. Jee yukuán nachituvi‑i nɨꞌɨ rá ñɨvɨ níkɨ́nꞌ ñujiínꞌ Jesús.

Hechos 11:28

Ɨɨn ráa naní Agabo, jee nnakui̱ñɨ̱ꞌ nichiꞌ re̱ꞌ, jee njia̱ꞌa Ta̱chi̱ꞌ Ííꞌ Ndiosíꞌ sákachiꞌ re̱ꞌ, jee nste̱kútu̱ꞌún ya̱chi̱ꞌ re̱ꞌ, ya̱ kutámá ntántúníꞌ nɨꞌɨ rá ñuunꞌ. (Nkuvi suꞌva rá tiempúꞌ nta̱túníꞌ Claudio nu̱u̱nꞌ ñuunꞌ Roma.)

Hechos 9:41

Jee njia̱ꞌa re̱ꞌ naꞌá re̱ꞌ nu̱u̱nꞌ ña, jee nxi̱nákuiñɨꞌ re̱ꞌ ña. Jee nkana re̱ꞌ rá ñɨvɨ yɨ́ꞌɨ́ nu̱u̱nꞌ Jesús, ne̱ jíꞌín rá ñaꞌan náꞌví, jee nxi̱néꞌénꞌ re̱ꞌ ña nu̱u̱nꞌ ráa ya̱ tékúꞌ ña.

Hechos 9:13

Soo nna̱xiníkó Ananías: ―I̱toꞌoꞌ ni̱ꞌ, tésóꞌo ni̱ꞌ kue̱ꞌe̱ꞌ ñɨvɨ káꞌánꞌ jie̱ꞌe̱ꞌ te̱e vá. Nteso̱ꞌo ni̱ꞌ ya̱ kue̱ꞌe̱ꞌ niva̱ꞌa nsa̱ꞌá re̱ꞌ nu̱u̱nꞌ rá ñɨvɨ yɨ́ꞌɨ́ ráa nu̱u̱nꞌ nú nu̱u̱nꞌ ñuunꞌ Jerusalén.

1 Corintios 4:17

Jee jie̱ꞌe̱ꞌ rá tu̱ꞌun ya̱ káchíꞌ ni̱ꞌ yaꞌá kúvi ya̱ nchu̱ichí ni̱ꞌ Timoteo kua̱jiaaꞌ re̱ꞌ nu̱u̱nꞌ rán. Jee Timoteo kúvi kuéntáꞌ se̱ꞌya ni̱ꞌ ya̱ ñúnúunꞌ ni̱ꞌ, jee káníjiá re̱ꞌ síkúnkuvi va̱ꞌa re̱ꞌ nu̱u̱nꞌ I̱toꞌoꞌ‑ó. Jee maáréꞌ ví ya̱ xinákúꞌun re̱ꞌ iniꞌ rán jie̱ꞌe̱ꞌ na̱sa jiáꞌnu ni̱ꞌ ichi Cristo Jesús, jín ya̱ jiáꞌnu ni̱ꞌ sánikua̱ꞌ xínéꞌénꞌ ni̱ꞌ tu̱ꞌun váꞌa Cristo nu̱u̱nꞌ ntáká ichi nu̱u̱nꞌ jíka ni̱ꞌ xínéꞌénꞌ ni̱ꞌ nu̱u̱nꞌ ntáká grupo rá ñɨvɨ ya̱ jínúꞌ iniꞌ ráa Cristo.

1 Corintios 11:34

Jee retú ɨɨn ñɨvɨ ví‑i jee jíso̱ko‑o, jee íyó kajiꞌ‑i xi̱ta̱ꞌ ne̱ veꞌi maáa, sáva ntu sijíta Ndiosíꞌ maáó sáá nútútú‑ó. Jee íyó ka̱ꞌ rá na̱ jie̱ꞌe̱ꞌ tiñu kaꞌanꞌ ni̱ꞌ jín rán, soo koo kí chi retú ki̱vɨ̱ꞌ kanta ni̱ꞌ nu̱u̱nꞌ nééꞌ rán, jee nasaꞌá na̱a̱ꞌ ni̱ꞌ maa.

1 Corintios 16:15

Ránoꞌó ñanitáꞌán, ya jíníꞌ rán ya̱ xíꞌnañúꞌún rá táꞌán veꞌi Estéfanas ví ya̱ ntɨɨn ráa Tu̱ꞌun Ndiosíꞌ nu̱u̱nꞌ ñuunꞌ Acaya, jee yɨ́tíñú ráa nu̱u̱nꞌ chíneí ráa rá ñanitáꞌán ya̱ yɨ́ꞌɨ́ rává xi̱ntíín Ndiosíꞌ. Jíkánꞌ táꞌvíꞌ ni̱ꞌ nu̱u̱nꞌ rán ya̱