1 Corintios 15:42 - Mixteco del suroeste de Tlaxiaco Oaxaca

⁴² Jee suni sukuán koo rá ñɨvɨ sáá natekuꞌ i̱i̱ꞌ ráa kene nteñu rá ni̱yɨ, chi yɨkɨkúñu ya̱ jíꞌíꞌ se̱ꞌí maa jee tívɨ́‑ɨ, soo nastekúꞌ Ndiosíꞌ maa xinákóo re̱ꞌ maa, jee sɨ́ɨ́n koo‑o, chi ni nsáꞌ ti̱vɨ́‑ɨ ka̱ꞌ.

1 Corintios 15:42 Referans Kwoze

Mateo 13:43

Saájee rá ñɨvɨ kino̱o na̱a̱ꞌ sáꞌá Ndiosíꞌ, jee na̱tuunꞌ nuva ráa kujianu̱te̱ꞌ ráa kuéntáꞌ kua̱ꞌ nka̱niiꞌ, nuñáꞌnú ráa xi̱ntíín Tátáꞌ ráa Ndiosíꞌ, sáá kenta tatúníꞌ re̱ꞌ nu̱u̱nꞌ nɨꞌɨ. Ñɨvɨ ya̱ íyó rá so̱ꞌo, jee teso̱ꞌo va̱ꞌa.

1 Pedro 1:4

Jee ni̱ꞌi̱nꞌ‑ó ta̱ꞌvi̱ꞌ vá ya̱ taji Ndiosíꞌ nu̱u̱nꞌ‑ó ya̱ nchu̱va̱ꞌa re̱ꞌ ne̱ antivɨ́ súkún ya̱ kúvi ta̱ꞌvi̱ꞌ ránoꞌó, ya̱ ni ntu tívɨ́‑ɨ, jee ni ntu̱náꞌ níváꞌa kútáꞌán jín‑i, jee ni ntu nɨ́ꞌɨ‑ɨ.

Romanos 8:21

ne̱ máá maá ntáká rá íyó ñɨ̱vɨ́ yaꞌá ya̱ suni nakani núne Ndiosíꞌ maa nu̱u̱nꞌ yɨ́ꞌɨ́‑ɨ xi̱ntíín tu̱ꞌun tívɨ́ ráa, sáva nakui̱ñɨ̱ꞌ núne ráa jín rá se̱ꞌya Ndiosíꞌ sáá viiꞌ kuñáꞌnú‑ó saꞌá Ndiosíꞌ.

Hechos 2:31

Niniꞌ ya̱chi̱ꞌ David ya̱ kuvi, jee nkaꞌanꞌ re̱ꞌ jie̱ꞌe̱ꞌ ya̱ natekuꞌ i̱i̱ꞌ Cristo ya̱ ñani Ndiosíꞌ ya̱ tatúníꞌ‑i nu̱u̱nꞌ nɨꞌɨ. Jee nkachiꞌ re̱ꞌ ya̱ nsáꞌ xinóo Ndiosíꞌ maa nu̱u̱nꞌ íyó rá níꞌiꞌ, ni nte̱ꞌyúꞌ ñunéꞌyúꞌ‑u.

Romanos 1:23

Chi nxi̱nóo ráa Ndiosíꞌ ya̱ viiꞌ kúñáꞌnú re̱ꞌ ya̱ ni ntu jíꞌíꞌ re̱ꞌ, sáva kuneñu̱ꞌun ráa rá santúꞌ ñunéꞌyúꞌ ya̱ túvi kuéntáꞌ ñɨvɨ ya̱ jíꞌíꞌ, jín kuéntáꞌ rá saaꞌ, jín rá kitɨ jíka ku̱mi̱ꞌ, jín rá kitɨ siúꞌun maáa.

Hechos 2:27

chi nsáꞌ xinóo nú ta̱chi̱ꞌ káꞌánꞌ ni̱ꞌ nu̱u̱nꞌ íyó rá níꞌiꞌ. Suni nsáꞌ ku̱ꞌva nú te̱ꞌyu̱ꞌ yɨkɨkúñu ni̱ꞌ, ya̱ ííꞌ kúvi ni̱ꞌ nu̱u̱nꞌ nú.

Génesis 3:19

Ne̱ kene ta̱a̱nꞌ nu̱u̱nꞌ nú satíñú yɨ́ɨ́ nú sáva ni̱ꞌi̱nꞌ nú tataꞌ kéne nu̱u̱nꞌ ñu̱ꞌún kajiꞌ nú. Suꞌva saꞌá nú ne̱kua̱ꞌ kuviꞌ nú jee nikó nú nu̱u̱nꞌ ñu̱ꞌún. Chi nu̱u̱nꞌ ñu̱ꞌún ntavaꞌ ni̱ꞌ noꞌó. Ti̱ka̱cha̱a̱ꞌ kúvi nú jee ti̱ka̱cha̱a̱ꞌ nuvi tuku nú ―nkachiꞌ Ndiosíꞌ.

Romanos 2:7

Jee rá ñɨvɨ níkɨ́nꞌ ni̱ꞌin ráa sáꞌá ráa ya̱ váꞌa chi núkú ráa ya̱ saꞌá Ndiosíꞌ ya̱ nuñáꞌnú ráa, jín ya̱ nakuatáꞌví re̱ꞌ ráa jín ya̱ nku̱víꞌ ráa ka̱ꞌ. Jee nachunáán re̱ꞌ nu̱u̱nꞌ ráa ya̱ kutekuꞌ ráa jín re̱ꞌ nɨ́ɨ́nkání.

1 Corintios 15:41

Chi sɨ́ɨ́n jiánu̱te̱ꞌ nka̱niiꞌ, jee suni sɨ́ɨ́n jíánu̱te̱ꞌ yo̱o̱ꞌ, jee suni sɨ́ɨ́n jiánu̱te̱ꞌ rá tiu̱u̱nꞌ, jee suni sɨ́ɨ́n sɨ́ɨ́n jiánu̱te̱ꞌ ɨɨn inka rá tiu̱u̱nꞌ.

Gálatas 6:8

Chi retú ki̱vɨ‑ó ichi ya̱ níyo néꞌén iniꞌ‑ó saꞌá‑ó jín yɨkɨkúñu kua̱chi‑ó, jee suꞌva íyó‑ó kuéntáꞌ ɨɨn te̱e táji. Chi va̱ji ne̱ nu̱u̱nꞌ ya̱ níyo néꞌén iniꞌ‑ó ɨɨn tataꞌ sáꞌá‑ó. Ni̱ꞌi̱nꞌ‑ó ya̱ stívɨ́‑ó maáó, ya̱ koo‑ó kuéntáꞌ níꞌiꞌ‑ó nu̱u̱nꞌ Ndiosíꞌ. Jee retú ki̱vɨ‑ó naꞌá Ta̱chi̱ꞌ Ííꞌ Ndiosíꞌ, ni̱ꞌi̱nꞌ‑ó ɨɨn tataꞌ sáꞌá‑a ya̱ sikútekuꞌ Ta̱chi̱ꞌ Ííꞌ yó nɨ́ɨ́nkání jín Ndiosíꞌ.