1 Corintios 15:21 - Mixteco del suroeste de Tlaxiaco Oaxaca

²¹ Chi si̱kɨ̱ꞌ kua̱chi ya̱ nsa̱ꞌá ɨɨn ni te̱e, ya̱ naní Adán, kúvi ya̱ nki̱jiéꞌé ya̱ jíꞌíꞌ ñɨvɨ, jee suni jie̱ꞌe̱ꞌ ya̱ nsa̱ꞌá ɨɨn ni te̱e, ya̱ kúvi Cristo, kuvi ya̱ natekuꞌ i̱i̱ꞌ ñɨvɨ.

1 Corintios 15:21 Referans Kwoze

Juan 11:25

Jee nkachiꞌ Jesús nu̱u̱nꞌ ña: ―Nuꞌuꞌ kúvi ya̱ sáꞌá ni̱ꞌ ya̱ natekuꞌ i̱i̱ꞌ ñɨvɨ nako̱o ráa kene ráa nteñu rá níꞌiꞌ jín ya̱ sáꞌá ni̱ꞌ ya̱ kutekuꞌ ráa nɨ́ɨ́nkání jín Ndiosíꞌ. Jee rá ñɨvɨ ya̱ kúneí iniꞌ ráa nuꞌuꞌ, jee súnika̱ꞌ kuviꞌ ráa, jee kutekuꞌ ráa jín Ndiosíꞌ nɨ́ɨ́nkání.

1 Corintios 15:22

Chi kuéntáꞌ kua̱ꞌ jíꞌíꞌ kua̱íyó kuitɨꞌ ñɨvɨ jie̱ꞌe̱ꞌ nika̱ꞌ ya̱ kúvi ráa tataꞌ ichiyúkúnꞌ nkene ráa ne̱ nu̱u̱nꞌ Adán, jee suni sukuán natekuꞌ kua̱íyó kuitɨꞌ‑ó jie̱ꞌe̱ꞌ ya̱ yɨ́ꞌɨ́‑ó nu̱u̱nꞌ Cristo.

Romanos 6:23

Chi ya̱ꞌvi ya̱ níꞌínꞌ ñɨvɨ jie̱ꞌe̱ꞌ kua̱chi ráa kúvi ya̱ naanꞌ ráa kuéntáꞌ jíꞌíꞌ ráa nu̱u̱nꞌ Ndiosíꞌ, soo ta̱ꞌvi̱ꞌ ya̱ síkútaꞌviꞌ Ndiosíꞌ ví ya̱ kutekuꞌ‑ó jín re̱ꞌ nɨ́ɨ́nkání jie̱ꞌe̱ꞌ yɨ́ꞌɨ́‑ó nu̱u̱nꞌ I̱toꞌoꞌ‑ó Cristo Jesús.