1 Corintios 15:19 - Mixteco del suroeste de Tlaxiaco Oaxaca

¹⁹ Chi retánꞌ nsáꞌ natekuꞌ rá ni̱yɨ, jee retú kua̱chi kuitɨꞌ íyó tu̱neí iniꞌ‑ó ya̱ sáꞌá Cristo ya̱ váꞌa yó ni nééꞌ‑ó tékúꞌ‑ó iniꞌ ñɨ̱vɨ́ yaꞌá, saájee na̱ ka̱ꞌ náꞌví‑ó ka̱ꞌ nsú ka̱ꞌ rá inka ka̱ꞌ ñɨvɨ chi kua̱chi kúneí ka̱ꞌá iniꞌ‑ó nékúvi retánꞌ nsáꞌ natekuꞌ‑ó.

1 Corintios 15:19 Referans Kwoze

Apoclipsis 14:13

Jee nteso̱ꞌo ni̱ꞌ ɨɨn ta̱chi̱yuꞌú ne̱ súkún, jee káchíꞌ‑i: ―Tee tu̱ꞌun ya̱ kachiꞌ ni̱ꞌ nu̱u̱nꞌ nú: “Na̱ ka̱ꞌ netuꞌ ka̱ꞌ kuvi rá ñɨvɨ níꞌiꞌ ya̱ yɨ́ꞌɨ́ ráa nu̱u̱nꞌ I̱toꞌoꞌ‑ó, ya̱ jíꞌíꞌ ráa ne̱ vitan jín ntáká tiempúꞌ ichinúúnꞌ.” ―Va̱tu̱ꞌ nijia ―káchíꞌ Ta̱chi̱ꞌ Ííꞌ Ndiosíꞌ― chi najia̱ví ráa ya̱ níkó néí ráa nsa̱tíñú ráa nu̱u̱nꞌ re̱ꞌ. Jee rá tiñu váꞌa ya̱ nsa̱ꞌá ráa, chi íyó ráa jín‑i jee sáꞌá‑a ya̱ kuvi ya̱ váꞌa ráa nɨ́ɨ́nkání ―káchíꞌ‑i.

1 Pedro 1:21

Chi jie̱ꞌe̱ꞌ Cristo jee jínúꞌ iniꞌ rán Ndiosíꞌ, ya̱ kúvi re̱ꞌ ya̱ nna̱xinátekuꞌ i̱i̱ꞌ tuku re̱ꞌ Cristo nnene‑e nteñu rá níyɨ, jee nnu̱ñáꞌnú nasɨ́kuitɨꞌ‑ɨ nsa̱ꞌá re̱ꞌ, jee saáva kúneí iniꞌ rán ínúꞌ iniꞌ rán Ndiosíꞌ, jee íyó kutú tu̱neí iniꞌ rán nétu rán ya̱ saꞌá re̱ꞌ.

2 Timoteo 1:12

Saáva nóꞌo ni̱ꞌ suꞌva. Soo ntu̱ví kúkanuun ni̱ꞌ, chi jíníꞌ ni̱ꞌ né ɨɨn ví ya̱ kúneí iniꞌ ni̱ꞌ, jee jínúꞌ kájí iniꞌ ni̱ꞌ ya̱ suvire̱ꞌ kúvi kumí váꞌa re̱ꞌ tiñu nte̱tíñú re̱ꞌ nuꞌuꞌ, ne̱ ki̱vɨ̱ꞌ nikó tuku re̱ꞌ.

Hechos 14:22

Yukuán, nna̱chituvi ráa ánímaꞌ rá ñɨvɨ yɨ́ꞌɨ́ nu̱u̱nꞌ Jesús. Nna̱xiníꞌvɨ́ꞌ ráa iniꞌ rává kuni̱ꞌin rává kúneí iniꞌ rává Jesús. Nkachiꞌ ráa: ―Kue̱ꞌe̱ꞌ tu̱nóꞌó nínísaá kunoꞌo‑ó jee ki̱vɨ‑ó nu̱u̱nꞌ tátúníꞌ Ndiosíꞌ.

2 Timoteo 3:12

Chi ya̱ nááꞌ ví nijia ya̱ koto u̱ꞌvi̱ꞌ ñɨvɨ nta̱ká rá ñɨvɨ ya̱ kuíni ráa kueꞌnu ráa ichi na̱a̱ꞌ sáni kuíni Ndiosíꞌ jie̱ꞌe̱ꞌ nika̱ꞌ yɨ́ꞌɨ́ ráa nu̱u̱nꞌ Cristo Jesús.

Juan 16:33

Ntáká rá tu̱ꞌun yaꞌá nkaꞌanꞌ ni̱ꞌ jín rán sáva ne̱ va̱ꞌa kino̱o ánímaꞌ rán, chi yɨ́ꞌɨ́ rán nu̱u̱nꞌ ni̱ꞌ. Chi kiji tu̱nóꞌó nu̱u̱nꞌ rán iniꞌ ñɨ̱vɨ́ yaꞌá, soo koo neí iniꞌ rán, chi ya nku̱neí ni̱ꞌ nu̱u̱nꞌ nɨꞌɨ ya̱ niváꞌa íyó iniꞌ ñɨ̱vɨ́.

Lucas 21:34

’Saáva kumí rán maárán ya̱ koto túví rán maárán nu̱u̱nꞌ ñujiínꞌ ya̱ stívɨ́ rán maárán, jín nu̱u̱nꞌ ya̱ ku̱ka̱ꞌva rán nu̱u̱nꞌ nixiꞌ, jín nu̱u̱nꞌ ya̱ nívini naniꞌvɨꞌ iniꞌ rán na̱ni jie̱ꞌe̱ꞌ ya̱ íyó ni tékúꞌ rán iniꞌ ñɨ̱vɨ́ yaꞌá, sáva ntu kininkava sa̱naanꞌ kuitɨꞌ ki̱vɨ̱ꞌ vá ya̱ta̱ꞌ rán,

1 Tesalonicenses 1:3

Chi yɨ́táꞌán xínákúꞌun ráníꞌ iniꞌ Tátáꞌ‑ó Ndiosíꞌ jie̱ꞌe̱ꞌ tiñu váꞌa sáꞌá ránoꞌó, chi kúneí iniꞌ rán Cristo, jín jie̱ꞌe̱ꞌ ya̱ níkó néí rán sáꞌá rán ya̱ váꞌa, chi ñúnúunꞌ rán re̱ꞌ, jín jie̱ꞌe̱ꞌ ya̱ kúníꞌin íñɨ́ ni̱ꞌin rán jín re̱ꞌ, chi íyó tu̱neí iniꞌ rán ya̱ váꞌa sáꞌá I̱toꞌoꞌ‑ó Jesús ya̱ kúvi Cristo jín rán.

Lucas 8:14

Jee rá nikɨn ya̱ ñéteꞌ nteñu rá yu̱ku̱ꞌ iñu kúvi ráa rá ñɨvɨ ya̱ tésóꞌo ráa Tu̱ꞌun Ndiosíꞌ, soo nániꞌvɨꞌ iniꞌ ráa jie̱ꞌe̱ꞌ kue̱ꞌe̱ꞌ tiñu, jee kuíni ráa kukúká ráa, jee yɨ́tíñú ráa nu̱u̱nꞌ ya̱ sɨ́ɨ́ꞌ iniꞌ íyó iniꞌ ñɨ̱vɨ́ yaꞌá ni tékúꞌ ráa, jee sátéꞌéꞌ‑e ráa jee ntu jiáꞌnu ráa ntu jíjia iniꞌ ráa nu̱u̱nꞌ Tu̱ꞌun Ndiosíꞌ, kuéntáꞌ ntu kénta ku̱ꞌva nikɨn tataꞌ.

Mateo 24:9

’Saájee naku̱ꞌva rá ñɨvɨ ránoꞌó xi̱ntíín rá te̱e jiéꞌnéꞌ kua̱chi ya̱ xinóꞌo ránoꞌó, jee kaꞌniꞌ ráa ránoꞌó, jee taꞌvi iniꞌ kua̱íyó rá ñɨvɨ kune̱ꞌyá ráa ránoꞌó, jie̱ꞌe̱ꞌ yɨ́ꞌɨ́ rán nu̱u̱nꞌ nuꞌuꞌ.

2 Timoteo 2:4

Ni ɨɨn te̱e ya̱ sáꞌá tiñu soldado ntu̱ví chítéñú re̱ꞌ jín tiñu maáréꞌ saꞌá re̱ꞌ, chi íyó ya̱ sáꞌá re̱ꞌ tiñu ya̱ sáni kúváꞌa iniꞌ te̱e tátúníꞌ nu̱u̱nꞌ re̱ꞌ.

Juan 16:2

Chi tavaꞌ ráa ránoꞌó iniꞌ rá veꞌi sinagoga nu̱u̱nꞌ kútútú rá ñɨvɨ Israel jee nkúꞌva ráa ka̱ꞌ ki̱vɨ rán nteñu ráa. Jee nsú kua̱chi sukuán ni chi kenta ki̱vɨ̱ꞌ ya̱ néni ɨɨn ráa kaꞌniꞌ‑i ránoꞌó, jee kukaꞌvi iniꞌ‑i ya̱ ɨɨn tiñu váꞌa sáꞌá‑a nu̱u̱nꞌ Ndiosíꞌ.