1 Corintios 15:18 - Mixteco del suroeste de Tlaxiaco Oaxaca

¹⁸ Jee retánꞌ sukuán kúvi nijia, jee suni ne̱ rá ñɨvɨ níꞌiꞌ ya̱ nyɨꞌɨ ráa nu̱u̱nꞌ Cristo jee íchí naanꞌ ráa retánꞌ sukuán nékúvi.

1 Corintios 15:18 Referans Kwoze

Apoclipsis 14:13

Jee nteso̱ꞌo ni̱ꞌ ɨɨn ta̱chi̱yuꞌú ne̱ súkún, jee káchíꞌ‑i: ―Tee tu̱ꞌun ya̱ kachiꞌ ni̱ꞌ nu̱u̱nꞌ nú: “Na̱ ka̱ꞌ netuꞌ ka̱ꞌ kuvi rá ñɨvɨ níꞌiꞌ ya̱ yɨ́ꞌɨ́ ráa nu̱u̱nꞌ I̱toꞌoꞌ‑ó, ya̱ jíꞌíꞌ ráa ne̱ vitan jín ntáká tiempúꞌ ichinúúnꞌ.” ―Va̱tu̱ꞌ nijia ―káchíꞌ Ta̱chi̱ꞌ Ííꞌ Ndiosíꞌ― chi najia̱ví ráa ya̱ níkó néí ráa nsa̱tíñú ráa nu̱u̱nꞌ re̱ꞌ. Jee rá tiñu váꞌa ya̱ nsa̱ꞌá ráa, chi íyó ráa jín‑i jee sáꞌá‑a ya̱ kuvi ya̱ váꞌa ráa nɨ́ɨ́nkání ―káchíꞌ‑i.

1 Tesalonicenses 4:16

Chi máá maá I̱toꞌoꞌ‑ó kinkuun súkún, sáá kanajíín Ndiosíꞌ tatúníꞌ re̱ꞌ, jee kanajíín ɨɨn ta̱chi̱yuꞌú ɨɨn najiáꞌáꞌ ííꞌ kúñáꞌnú ka̱ꞌ, ya̱ káchíꞌ‑ó arcángel, jee tivɨꞌ nusuꞌ ɨɨn trompeta Ndiosíꞌ. Saájee rá níꞌiꞌ ya̱ yɨ́ꞌɨ́ ráa nu̱u̱nꞌ Cristo, xíꞌnañúꞌún ráa ka̱ꞌ natekuꞌ i̱i̱ꞌ ráa jee nako̱o yɨkɨkúñu ráa.

1 Corintios 15:6

jee kuíre suni nu̱u̱nꞌ víꞌí ka̱ꞌ u̱ꞌu̱nꞌ sientúꞌ (500) ñanitáꞌán‑ó nne̱ꞌyá ráa re̱ꞌ métúꞌún hora. Jee kue̱ꞌe̱ꞌ ráa ka̱ꞌ tékúꞌ ne̱ vitan, soo sava ráa ya ni̱ꞌi̱ꞌ.

Hechos 7:60

Jee ña̱kui̱ñɨ̱ꞌ ítɨ́ re̱ꞌ, jee nkachiꞌ ni̱ꞌin re̱ꞌ: ―¡I̱toꞌoꞌ ni̱ꞌ! ¡Koto tɨɨn kuéntáꞌ nú kua̱chi yaꞌá si̱kɨ̱ꞌ ráa! Jee sáá nkachiꞌ re̱ꞌ tu̱ꞌun yaꞌá, jee ni̱ꞌi̱ꞌ re̱ꞌ.

1 Tesalonicenses 4:15

Chi tu̱ꞌun káchíꞌ ránꞌ nu̱u̱nꞌ ránoꞌó ví tu̱ꞌun I̱toꞌoꞌ‑ó: Rá yó tékúꞌ ka̱ꞌ sáá kantaꞌ I̱toꞌoꞌ‑ó, nsú xíꞌna‑ó ka̱ꞌ naa‑ó súkún nsú káꞌ rá níꞌiꞌ.