1 Corintios 15:10 - Mixteco del suroeste de Tlaxiaco Oaxaca

¹⁰ Soo jie̱ꞌe̱ꞌ ni ka̱ꞌ ya̱ níyo ma̱ni̱ꞌ iniꞌ Ndiosíꞌ nku̱náꞌví iniꞌ re̱ꞌ nuꞌuꞌ, saáva nsi̱kútaꞌviꞌ re̱ꞌ nu̱u̱nꞌ ni̱ꞌ ya̱ kúvi ni̱ꞌ apóstol nchu̱ichí re̱ꞌ jín tiñu níso ni̱ꞌ vitan. Jee nsáꞌ ka̱ꞌá níyo ma̱ni̱ꞌ iniꞌ Ndiosíꞌ néꞌyá re̱ꞌ nuꞌuꞌ ya̱ nka̱ji re̱ꞌ nuꞌuꞌ saꞌá ni̱ꞌ tiñu re̱ꞌ, chi saꞌ víꞌí ka̱ꞌ nsa̱tíñú yɨ́ɨ́ ni̱ꞌ nu̱u̱nꞌ re̱ꞌ nsú káꞌ ntáká rá inka ka̱ꞌ te̱e kúvi apóstol. Soo nsú nuꞌuꞌ ví ya̱ sáꞌá tiñu vá, chisaꞌ Ndiosíꞌ ví ya̱ chíneí chítuvi re̱ꞌ nuꞌuꞌ jín tiñu sáꞌá ni̱ꞌ.

1 Corintios 15:10 Referans Kwoze

Filipenses 4:13

Kuvi kuiñɨ ni̱ꞌ nu̱u̱nꞌ nta̱ká ya̱ nóꞌo ni̱ꞌ, chi yɨ́ꞌɨ́ ni̱ꞌ nu̱u̱nꞌ Cristo, ya̱ násáneí re̱ꞌ iniꞌ nuꞌuꞌ.

2 Corintios 3:5

Jee nsú nu̱u̱nꞌ ránuꞌuꞌ kéne ya̱ tu̱ꞌva ráníꞌ, saáva ntu kúvi kani iniꞌ rán ya̱ váji ne̱ nu̱u̱nꞌ maáránꞌ ya̱ kee kuneí ránꞌ saꞌá ránꞌ na̱ni tiñu táji Ndiosíꞌ. Chisaꞌ ne̱ nu̱u̱nꞌ maá Ndiosíꞌ va̱ji ya̱ tu̱ꞌva ránꞌ kuneí ránꞌ sáꞌá ránꞌ maa.

Filipenses 2:13

Chi máá Ndiosíꞌ ví ya̱ sátíñú re̱ꞌ iniꞌ rán, sáva kuvi iniꞌ rán saꞌá rán tiñu váꞌa, jín sáva saꞌá rán maa sánikua̱ꞌ ya̱ váꞌa kuíni re̱ꞌ.

Gálatas 2:8

Chi maá Ndiosíꞌ chíneí chítuvi re̱ꞌ Pedro sáva kunisotíñú‑u ya̱ kúvi‑i apóstol ya̱ stekútu̱ꞌún‑u tu̱ꞌun váꞌa Jesús nu̱u̱nꞌ rá ñɨvɨ ya̱ kúvi ichiyúkúnꞌ ñuunꞌ Israel. Jee suni sukuán chíneí chítuvi re̱ꞌ nuꞌuꞌ, sáva kuniso ni̱ꞌ tiñu apóstol ya̱ stekútu̱ꞌún ni̱ꞌ nu̱u̱nꞌ rá ñɨvɨ rá inka nación.

Romanos 12:3

Chi, jie̱ꞌe̱ꞌ íyó mániꞌ iniꞌ Ndiosíꞌ vá nsi̱kútaꞌviꞌ re̱ꞌ tiñu kuniso ni̱ꞌ, jee káchíꞌ ni̱ꞌ nu̱u̱nꞌ ntáká ñɨvɨ nteñu rán: Koto jiáni iniꞌ nú ya̱ kúñáꞌnú nú ka̱ꞌ nsú káꞌ kua̱ꞌ sáni íyó nú, chisaꞌ kani kájí iniꞌ ta ɨɨn rán jie̱ꞌe̱ꞌ maánú, sánikua̱ꞌ ya̱ nñu̱ku̱ꞌva ya̱ nta̱sáva Ndiosíꞌ nu̱u̱nꞌ nú ta̱ꞌvi̱ꞌ ya̱ chineí re̱ꞌ noꞌó satíñú nú nu̱u̱nꞌ re̱ꞌ, sáni kúneí iniꞌ nú re̱ꞌ.

2 Corintios 12:11

Te̱e naanꞌ nkuvi ni̱ꞌ, jie̱ꞌe̱ꞌ nkaꞌanꞌ téyɨ́ɨ́ ni̱ꞌ, soo jie̱ꞌe̱ꞌ ya̱ sáꞌá ránoꞌó jee nchi̱naꞌá‑a nuꞌuꞌ nkuvi suꞌva. Chi ránoꞌó ví ya̱ íyó nakutíñú va̱ꞌa rán jie̱ꞌe̱ꞌ nuꞌuꞌ. Chi ni ɨɨn nu̱u̱nꞌ ntu núun ka̱ꞌ kúvi ni̱ꞌ nu̱u̱nꞌ rá te̱e vá ya̱ kátúꞌún ráa nika̱ꞌ ya̱ apóstol kúñáꞌnú ka̱ꞌ ví ráa, sú ntu̱náꞌ kúvi ni̱ꞌ.

2 Corintios 6:1

Jee saáva ránuꞌuꞌ, táꞌán sátíñú kúvi ránꞌ jín Ndiosíꞌ, jee jíkánꞌ táꞌvíꞌ ránꞌ nu̱u̱nꞌ ránoꞌó ya̱ koto níꞌínꞌ ka̱ꞌá rán ya̱ ma̱ni̱ꞌ iniꞌ Ndiosíꞌ néꞌyá re̱ꞌ ránoꞌó.

1 Corintios 4:7

Chi, ¿né ɨɨn sáꞌá sɨ́ɨ́n noꞌó nsú káꞌ inka ñɨvɨ rúja?, jee, ¿na̱ kuvi ya̱ kúmí nú ya̱ ntu nkútaꞌviꞌ nú maa nu̱u̱nꞌ Ndiosíꞌ rúja? Jee retú íyó nijia ya̱ nku̱taꞌviꞌ nú maa, jee, ¿na̱ kuvi chi kútéyɨ́ɨ́ nú jín maánú kuéntáꞌ retánꞌ nsáꞌ nku̱taꞌviꞌ nú kúvi‑i rúja?

1 Corintios 15:2

Jee suni jín tu̱ꞌun váꞌa vá ví ya̱ natavaꞌ re̱ꞌ ránoꞌó nu̱u̱nꞌ kua̱chi rán síkáku re̱ꞌ ránoꞌó, retú íñɨ́ ni̱ꞌin rán níkɨ́nꞌ rán tu̱ꞌun vá ya̱ nstékútu̱ꞌún ni̱ꞌ nu̱u̱nꞌ rán jee ni̱nu̱ꞌ iniꞌ rán ntɨɨn rán maa, soo retú ntu̱ví, jee kua̱chi ni̱nu̱ꞌ ka̱ꞌá iniꞌ rán maa.

Romanos 11:1

Saáva káchíꞌ ni̱ꞌ: ¿Á nku̱ichi iniꞌ Ndiosíꞌ rá ñɨvɨ Israel ya̱ kúvi ráa ñɨvɨ re̱ꞌ? ¡Vankée sukuán! Chi suni nuꞌuꞌ kúvi ni̱ꞌ ɨɨn te̱e Israel, jee kúvi ni̱ꞌ se̱ꞌya ichiyúkúnꞌ váji ni̱ꞌ ne̱ nu̱u̱nꞌ Abraham, jee suni kúvi ni̱ꞌ tataꞌ Benjamín.

Mateo 10:20

Chi nsú ránoꞌó kuvi ya̱ kaꞌanꞌ, chisaꞌ Ta̱chi̱ꞌ Ííꞌ Tátáꞌ rán Ndiosíꞌ ví ya̱ kuatíñú ránoꞌó kaꞌanꞌ rán.

1 Corintios 3:6

Chi núvíꞌ ráníꞌ nste̱kútu̱ꞌún ránꞌ Tu̱ꞌun Ndiosíꞌ, jee nuꞌuꞌ chi kuéntáꞌ ntaji ni̱ꞌ tataꞌ sáꞌá jee Apolos chi nxi̱náváꞌ re̱ꞌ nute nu̱u̱nꞌ rá nikɨn, soo Ndiosíꞌ ví ya̱ síkuéꞌnu ránoꞌó jín tu̱ꞌun re̱ꞌ.

1 Corintios 3:10

Sánikua̱ꞌ ni̱yo maniꞌ iniꞌ Ndiosíꞌ néꞌyá re̱ꞌ nuꞌuꞌ jee saáva ntaji re̱ꞌ tiñu sáꞌá ni̱ꞌ nu̱u̱nꞌ rán ya̱ kúvi ni̱ꞌ kuéntáꞌ mestrúꞌ ya̱ jiáni veꞌi jee sáꞌá ni̱ꞌ nu̱u̱nꞌ kájiéꞌé jie̱ꞌe̱ꞌ ve̱ꞌí. Jee inka te̱e kua̱ꞌa̱nꞌ náchisó no̱ꞌo nu̱u̱nꞌ nsamaꞌ ni̱ꞌ vá, soo ta ɨɨn ta ɨɨn vá íyó kumí sáá sikuéꞌnu tiñu sáꞌá vá.

1 Corintios 15:11

Saáva va̱ni nuꞌuꞌ áxí va̱ni rá inka ka̱ꞌ rá apóstol, jee ɨɨn nuún ni tu̱ꞌun suꞌva káchítu̱ꞌún ni̱ꞌ jín ráa, jee tu̱ꞌun yaꞌá kúvi ya̱ nka̱níjiá rán ni̱nu̱ꞌ iniꞌ rán ntɨɨn rán maa.

1 Tesalonicenses 5:12

Ránoꞌó ñaniꞌ jín ku̱ꞌva, ntañúꞌún jíkánꞌ táꞌvíꞌ ni̱ꞌ nu̱u̱nꞌ ránoꞌó, ya̱ kɨya̱ꞌvi nu̱u̱nꞌ rán kune̱ꞌyá rán rá te̱e ya̱ sáꞌá ráa tiñu I̱toꞌoꞌ‑ó nteñu ránoꞌó, ya̱ kúvi ráa rá te̱e kúñáꞌnú yósóꞌ nu̱u̱nꞌ ránoꞌó, jín ya̱ náchuꞌun ráa ránoꞌó ichi I̱toꞌoꞌ‑ó.

1 Timoteo 4:10

Chi jie̱ꞌe̱ꞌ yaꞌá sátíñú ni̱ꞌin‑ó jee núnasɨ́‑ó sátíñú‑ó, chi njia̱ꞌa‑ó tu̱neí iniꞌ‑ó Ndiosíꞌ ya̱ tékúꞌ. Jee suvire̱ꞌ ví ya̱ kúvi saꞌá re̱ꞌ ya̱ kúvi natavaꞌ re̱ꞌ nta̱ká ñɨvɨ nu̱u̱nꞌ kua̱chi ráa xinánitáꞌvíꞌ re̱ꞌ ráa. Jee sáni máá rá ñɨvɨ ya̱ ínúꞌ iniꞌ ráa Cristo ví ya̱ sáꞌá re̱ꞌ ya̱ nanitáꞌvíꞌ ráa.

Mateo 25:16

Jee musúꞌ ya̱ nni̱ꞌi̱nꞌ u̱ꞌu̱nꞌ kustáꞌ xu̱ꞌún ka̱a vá, kuísá ña̱satíñú‑u jín xu̱ꞌún vá, jee nku̱neí‑i ni̱ꞌi̱nꞌ‑i u̱ꞌu̱nꞌ ka̱ꞌ kustáꞌ si̱kɨ̱ꞌ xu̱ꞌún vá.