1 Corintios 14:7 - Mixteco del suroeste de Tlaxiaco Oaxaca

⁷ Saꞌá‑ó kuéntáꞌ sú ne̱ rá nantíñú ya̱ ntu̱ví tékúꞌ kuéntáꞌ xi̱kiꞌli jín yaaꞌ tunkáꞌnú, chi retú ntu̱ví íyó sɨ́ɨ́n sɨ́ɨ́n nu̱u̱nꞌ nusuꞌ‑u sáá sáꞌá ñɨvɨ yaaꞌ jín rá nantíñú vá, jee, ¿na̱sa kuniꞌ‑ó na̱ yaaꞌ ví ya̱ sáꞌá ráa jín xi̱kiꞌli áxí yaaꞌ tunkáꞌnú rúja?

1 Corintios 14:7 Referans Kwoze

1 Corintios 14:8

Jee suni sukuán retú ntu̱ví tívɨ́ꞌ na̱a̱ꞌ ráa trompeta, jee, ¿né ɨɨn rá soldado saꞌá túꞌva ráa maáráa kɨ̱kantáꞌán ráa rúja?

1 Corintios 13:1

Chi retánꞌ kúvi káꞌánꞌ ni̱ꞌ rá tu̱ꞌun ya̱ ntu jiáku̱ꞌun iniꞌ ni̱ꞌ ya̱ káꞌánꞌ rá ñɨvɨ ñɨ̱vɨ́, áxí jín rá tu̱ꞌun ya̱ káꞌánꞌ rá najiáꞌáꞌ ííꞌ Ndiosíꞌ, jee retú ntu̱ví ñúnúunꞌ ni̱ꞌ rá ñɨvɨ, saájee rá tu̱ꞌun ya̱ káꞌánꞌ ni̱ꞌ kúvi‑i kuéntáꞌ ɨɨn ka̱a ya̱ káxín naxín saɨn, áxí ɨɨn platillo káxín naxín saɨn.

Lucas 7:32

Kúvi ráa kuéntáꞌ kua̱ꞌ rá su̱chí lúlí ya̱ nééꞌ ráa nu̱yáꞌvi jee kánajíín ráa nu̱u̱nꞌ ɨɨn inka táꞌán ráa: “Tívɨ́ꞌ ráníꞌ xi̱kiꞌli nu̱u̱nꞌ ránú, soo ni ntu̱ví kátiéꞌé ránú, jee jíta ráníꞌ yaaꞌ jíta kuéká, soo ni ntu náꞌyúꞌ ránú.”

Mateo 11:17

jee káchíꞌ ráa: “Tívɨ́ꞌ ráníꞌ xi̱kiꞌli nu̱u̱nꞌ ránú soo ni ntu̱ví kátiéꞌé ránú. Jee jíta ráníꞌ yaaꞌ jíta kuéká, soo ni ntu náꞌyúꞌ ránú.”

1 Corintios 14:6

Jee saáva ránoꞌó ñaniꞌ jín ku̱ꞌva, retú kua̱jiaaꞌ ni̱ꞌ nu̱u̱nꞌ nééꞌ rán jee retú kaꞌanꞌ ni̱ꞌ jín ɨɨn nu̱u̱nꞌ tu̱ꞌun ya̱ ntu̱ví jiáku̱ꞌun iniꞌ rán, jee, ¿na̱sa kuvi ya̱ váꞌa tu̱ꞌun vá nu̱u̱nꞌ rán rúja? Chisaꞌ kuvi ya̱ váꞌa nu̱u̱nꞌ rán retú káꞌánꞌ ni̱ꞌ jín rán rá tu̱ꞌun ya̱ nstúvi Ndiosíꞌ nu̱u̱nꞌ ni̱ꞌ, áxí va̱ni xínéꞌénꞌ ni̱ꞌ ránoꞌó rá Tu̱ꞌun Ndiosíꞌ ya̱ nsa̱ꞌá re̱ꞌ ya̱ jíníꞌ va̱ꞌa ni̱ꞌ maa, áxí va̱ni nákani ni̱ꞌ tu̱ꞌun kéne yuꞌú re̱ꞌ nu̱u̱nꞌ rán, áxí va̱ni xínéꞌénꞌ ni̱ꞌ ránoꞌó rá tu̱ꞌun re̱ꞌ.