1 Corintios 14:5 - Mixteco del suroeste de Tlaxiaco Oaxaca

⁵ Jee saáva na̱ ka̱ꞌ kúvi iniꞌ ni̱ꞌ ya̱ retánꞌ sukuán ntáká kuitɨꞌ rán kúvi káꞌánꞌ rán rá inka nu̱u̱nꞌ tu̱ꞌun ntu jiáku̱ꞌun iniꞌ rán nékúvi, soo ya̱ na̱ ka̱ꞌ kúvi víꞌí ka̱ꞌ iniꞌ ni̱ꞌ ví ya̱ retánꞌ sukuán jee ntáká rán nakani tu̱ꞌun nkene yuꞌú Ndiosíꞌ. Chi ya̱ ñáꞌnú ka̱ꞌ ví ya̱ nákani ñɨvɨ tu̱ꞌun kéne yuꞌú Ndiosíꞌ, nsú ka̱ꞌ ɨɨn ñɨvɨ ya̱ káꞌánꞌ rá inka nu̱u̱nꞌ tu̱ꞌun ya̱ ntu jiáku̱ꞌun iniꞌ‑i, áxí nika̱ꞌ retú íyó ñɨvɨ ya̱ kúvi nákachiꞌ‑i rá tu̱ꞌun káꞌánꞌ ñɨvɨ vá sú ntu jiáku̱ꞌun iniꞌ tu̱ꞌun vá, sáva kuvi kootiñu tu̱ꞌun káꞌánꞌ ñɨvɨ vá, sáva sikújia‑a iniꞌ rá ñɨvɨ ya̱ yɨ́ꞌɨ́ nu̱u̱nꞌ Cristo.

1 Corintios 14:5 Referans Kwoze

1 Corintios 12:10

Jee nu̱u̱nꞌ inka‑ó ka̱ꞌ táji re̱ꞌ fuersáꞌ níꞌin níso re̱ꞌ sáva kuvi saꞌá‑a rá tiñu a̱nasɨ́ váꞌa, jee nu̱u̱nꞌ inka‑ó ka̱ꞌ táji re̱ꞌ ya̱ kuvi nakani‑i tu̱ꞌun kéne yuꞌú maá Ndiosíꞌ, jee nu̱u̱nꞌ inka‑ó ka̱ꞌ táji re̱ꞌ ta̱ꞌvi̱ꞌ sáva nakuniꞌ‑i ntáká ya̱ váji nu̱u̱nꞌ Ta̱chi̱ꞌ Ííꞌ áxí retú nu̱u̱nꞌ ta̱chi̱ꞌ kíni va̱ji rá tu̱ꞌun vá. Jee nu̱u̱nꞌ inka‑ó ka̱ꞌ táji re̱ꞌ ta̱ꞌvi̱ꞌ ya̱ kuvi kaꞌanꞌ‑a kéꞌín nu̱u̱nꞌ tu̱ꞌun ya̱ ntu jiáku̱ꞌun iniꞌ‑i, jee nu̱u̱nꞌ inka‑ó ka̱ꞌ táji re̱ꞌ ta̱ꞌvi̱ꞌ ya̱ kuvi nakachiꞌ‑i ná kúníꞌ kachiꞌ rá tu̱ꞌun káꞌánꞌ ñɨvɨ súnika̱ꞌ ntu jiáku̱ꞌun iniꞌ‑i vá.

1 Corintios 13:1

Chi retánꞌ kúvi káꞌánꞌ ni̱ꞌ rá tu̱ꞌun ya̱ ntu jiáku̱ꞌun iniꞌ ni̱ꞌ ya̱ káꞌánꞌ rá ñɨvɨ ñɨ̱vɨ́, áxí jín rá tu̱ꞌun ya̱ káꞌánꞌ rá najiáꞌáꞌ ííꞌ Ndiosíꞌ, jee retú ntu̱ví ñúnúunꞌ ni̱ꞌ rá ñɨvɨ, saájee rá tu̱ꞌun ya̱ káꞌánꞌ ni̱ꞌ kúvi‑i kuéntáꞌ ɨɨn ka̱a ya̱ káxín naxín saɨn, áxí ɨɨn platillo káxín naxín saɨn.

Marcos 16:17

Jee rá seña yaꞌá koo jín rá ñɨvɨ, ya̱ kúneí iniꞌ ráa nuꞌuꞌ, sáva stúvi‑i ya̱ íñɨ́ ni̱ꞌ jín ráa: ya̱ nu̱u̱nꞌ súví ni̱ꞌ taníkɨ́nꞌ ráa rá ta̱chi̱ꞌ néꞌí yɨ́ꞌɨ́ ñɨvɨ. Jee kaꞌanꞌ ráa inka ka̱ꞌ nu̱u̱nꞌ tu̱ꞌun, ya̱ ntu jiáku̱ꞌun iniꞌ ráa.

1 Corintios 14:1

Jee saáva nunasɨ́ rán kunikɨnꞌ rán kunu̱u̱nꞌ rán rá ñanitáꞌán rán, jee suni kuꞌun kúvi iniꞌ rán rá ta̱ꞌvi̱ꞌ ya̱ táji Ta̱chi̱ꞌ Ííꞌ Ndiosíꞌ nu̱u̱nꞌ rán, jee ta̱ꞌvi̱ꞌ ñáꞌnú ka̱ꞌ taji re̱ꞌ nu̱u̱nꞌ rán ví ya̱ chíneí re̱ꞌ nakani rán nu̱u̱nꞌ rá ñɨvɨ tu̱ꞌun kéne yuꞌú Ndiosíꞌ.

1 Corintios 13:4

Chi ñɨvɨ ya̱ ñúnúunꞌ‑u ɨɨn inka rá táꞌán‑a jee káꞌnú iniꞌ‑i, jee ñɨvɨ ya̱ ñúnúunꞌ‑u inka ñɨvɨ jee va̱ꞌa iniꞌ‑i, jee ntu̱ví u̱ꞌvi̱ꞌ iniꞌ‑i, jee ñɨvɨ ya̱ ñúnúunꞌ‑u inka ñɨvɨ jee ntu̱ví káꞌánꞌ téyɨ́ɨ́‑ɨ, jee ntu̱ví jiáni téyɨ́ɨ́ iniꞌ‑i,

Romanos 14:19

Jee saáva kuniꞌvɨꞌ iniꞌ‑ó saꞌá‑o tiñu ya̱ kuneeꞌ ñunkúún‑ó jín rá ñanitáꞌán‑ó, jín ya̱ chineí táꞌán ɨɨn inka‑ó jín táꞌán‑ó sáva kujia iniꞌ ɨɨn inka‑ó kuiñɨ ni̱ꞌin‑ó jín Tu̱ꞌun Ndiosíꞌ.

1 Corintios 14:17

Chi noꞌó, jee na̱a̱ꞌ nijia ya̱ va̱tu̱ꞌ ni jiáꞌa nú kútaꞌviꞌ nú nu̱u̱nꞌ Ndiosíꞌ, soo inka ka̱ꞌ ñɨvɨ ntu̱ví jiáku̱ꞌun iniꞌ‑i tu̱ꞌun káꞌánꞌ nú, jee nkújia iniꞌ ñɨvɨ vá kunikɨnꞌ‑ɨ Ndiosíꞌ.

Génesis 30:34

Jee nna̱xiníkó Labán: ―Va̱tu̱ni, kuvi sánikua̱ꞌ tu̱ꞌun káchíꞌ nú ―nkachiꞌ Labán.