1 Corintios 14:22 - Mixteco del suroeste de Tlaxiaco Oaxaca

²² Jee saáva ta̱ꞌvi̱ꞌ níꞌinꞌ ñɨvɨ ya̱ kuvi kaꞌanꞌ‑a inka rá tu̱ꞌun ya̱ ntu jiáku̱ꞌun iniꞌ‑i, jee yaꞌá kúvi ɨɨn seña ya̱ stúvi Ndiosíꞌ tiñu sáꞌá re̱ꞌ jín‑ó jee suꞌva stúvi re̱ꞌ maa nu̱u̱nꞌ rá ñɨvɨ ya̱ ntu̱ví jínúꞌ iniꞌ ráa Cristo, jee nsú nu̱u̱nꞌ ñɨvɨ ya̱ jínúꞌ iniꞌ ráa re̱ꞌ. Soo sáá nákani ɨɨn ñɨvɨ tu̱ꞌun kéne yuꞌú máá maá Ndiosíꞌ, jee yukuán kúvi seña ya̱ stúvi Ndiosíꞌ tiñu sáꞌá re̱ꞌ jín‑ó nu̱u̱nꞌ rá ñɨvɨ ya̱ jínúꞌ iniꞌ Cristo, jee nsú nu̱u̱nꞌ ñɨvɨ ya̱ ntu̱ví jínúꞌ iniꞌ.

1 Corintios 14:22 Referans Kwoze

Marcos 16:17

Jee rá seña yaꞌá koo jín rá ñɨvɨ, ya̱ kúneí iniꞌ ráa nuꞌuꞌ, sáva stúvi‑i ya̱ íñɨ́ ni̱ꞌ jín ráa: ya̱ nu̱u̱nꞌ súví ni̱ꞌ taníkɨ́nꞌ ráa rá ta̱chi̱ꞌ néꞌí yɨ́ꞌɨ́ ñɨvɨ. Jee kaꞌanꞌ ráa inka ka̱ꞌ nu̱u̱nꞌ tu̱ꞌun, ya̱ ntu jiáku̱ꞌun iniꞌ ráa.

1 Timoteo 1:9

Íyó tɨɨn kuéntáꞌ‑ó, ya̱ nsú jie̱ꞌe̱ꞌ ñɨvɨ na̱a̱ꞌ ví ya̱ njia̱ꞌa Ndiosíꞌ tu̱ꞌun ley nta̱túníꞌ re̱ꞌ. Chisaꞌ njia̱ꞌa re̱ꞌ maa jie̱ꞌe̱ꞌ ñɨvɨ ntu káníjiá ley jín nu̱u̱nꞌ ñɨvɨ kújiááꞌ iniꞌ, jín nu̱u̱nꞌ ñɨvɨ ntu̱ví íyó Ndiosíꞌ nu̱u̱nꞌ ráa, jee sáꞌá ráa kua̱chi, jín nu̱u̱nꞌ ñɨvɨ ntu̱ví íyó ya̱ ñáꞌnú nu̱u̱nꞌ ráa nu̱u̱nꞌ Ndiosíꞌ, jee kúíchi iniꞌ ráa re̱ꞌ, jín nu̱u̱nꞌ ñɨvɨ ya̱ jiáꞌníꞌ ráa tátáꞌ ráa, jín nánáꞌ ráa, jín inka ñɨvɨ,

1 Corintios 14:1

Jee saáva nunasɨ́ rán kunikɨnꞌ rán kunu̱u̱nꞌ rán rá ñanitáꞌán rán, jee suni kuꞌun kúvi iniꞌ rán rá ta̱ꞌvi̱ꞌ ya̱ táji Ta̱chi̱ꞌ Ííꞌ Ndiosíꞌ nu̱u̱nꞌ rán, jee ta̱ꞌvi̱ꞌ ñáꞌnú ka̱ꞌ taji re̱ꞌ nu̱u̱nꞌ rán ví ya̱ chíneí re̱ꞌ nakani rán nu̱u̱nꞌ rá ñɨvɨ tu̱ꞌun kéne yuꞌú Ndiosíꞌ.

Lucas 12:46

saájee nenta i̱toꞌoꞌ musúꞌ vá máá ki̱vɨ ya̱ ntu ñúꞌún iniꞌ‑i nenta re̱ꞌ jín máá hora ya̱ ntu jíníꞌ‑i, jee xe̱e̱nꞌ xinóꞌo re̱ꞌ maa jee naskánitáꞌán re̱ꞌ maa kɨ̱ꞌɨ̱nꞌ‑ɨ nu̱u̱nꞌ kunoꞌo‑o jín rá ñɨvɨ ya̱ ntu síkúnkuvi na̱a̱ꞌ ráa nu̱u̱nꞌ re̱ꞌ.