1 Corintios 14:11 - Mixteco del suroeste de Tlaxiaco Oaxaca

¹¹ Soo retú ntu̱ví jiáku̱ꞌun iniꞌ ni̱ꞌ ná kuíni káchíꞌ tu̱ꞌun káꞌánꞌ ɨɨn ñɨvɨ, saájee kúvi ni̱ꞌ kuéntáꞌ to̱ꞌo̱ꞌ inka ñuunꞌ íká nu̱u̱nꞌ ñɨvɨ ya̱ káꞌánꞌ jín nuꞌuꞌ, jee suni ñɨvɨ ya̱ káꞌánꞌ jín nuꞌuꞌ jee kuéntáꞌ to̱ꞌo̱ꞌ kúvi‑i nu̱u̱nꞌ nuꞌuꞌ.

1 Corintios 14:11 Referans Kwoze

Hechos 28:2

Jee rá ñɨvɨ Malta nito va̱ꞌa víꞌí ráa ránuꞌuꞌ. Jee nsta̱ꞌánꞌ ráa ñuꞌunꞌ, chi nka̱jiéꞌé kuun sa̱vi̱ꞌ jee vi̱jin.

Colosenses 3:11

Jee saáva ntu̱náꞌ ítú iniꞌ retú ntu kúvi‑ó ñɨvɨ Israel, áxí kúvi‑ó ñɨvɨ Israel, retú níso yɨkɨkúñu‑ó seña ñɨvɨ Israel naní circuncisión, áxí ntu níso‑ó maa, retú kúvi‑ó rá to̱ꞌo̱ꞌ, áxí ñɨvɨ ñuunꞌ láꞌví, retú kúvi‑ó musúꞌ ya̱ kéꞌen ñɨvɨ maa, áxí ñɨvɨ ya̱ yɨ́tíñú nu̱u̱nꞌ tiñu maáa. Chi I̱toꞌoꞌ kua̱íyó kuitɨꞌ‑ó ví Cristo, jee yɨ́ꞌɨ́ re̱ꞌ iniꞌ kua̱íyó kuitɨꞌ‑ó.

1 Corintios 14:21

Chi nu̱u̱nꞌ Tutuꞌ ya̱ níso tu̱ꞌun ley Ndiosíꞌ ne̱ yanaꞌán káchíꞌ‑i: Kaꞌanꞌ ni̱ꞌ inka nu̱u̱nꞌ rá tu̱ꞌun ntu jiáku̱ꞌun iniꞌ rá ñɨvɨ ñuunꞌ yaꞌá, jín ya̱ suni yuꞌú ñɨvɨ inka ñuunꞌ íká saꞌá ni̱ꞌ ya̱ nakachiꞌ tu̱ꞌun ni̱ꞌ nu̱u̱nꞌ rá ñɨvɨ ñuunꞌ yaꞌá, soo súnika̱ꞌ sukuán sáꞌá ni̱ꞌ, soo ni nsáꞌ tɨɨn kuéntáꞌ ráa tu̱ꞌun ni̱ꞌ, káchíꞌ maá I̱toꞌoꞌ‑ó.

Romanos 1:14

Chi táyáꞌvi ni̱ꞌ tiñu ku̱ꞌva ni̱ꞌ tu̱ꞌun Jesús nu̱u̱nꞌ ntáká rá ñɨvɨ, nu̱u̱nꞌ rá ñɨvɨ káꞌánꞌ tu̱ꞌun griego jín nu̱u̱nꞌ rá ñɨvɨ ya̱ ntu káꞌánꞌ griego, nu̱u̱nꞌ rá ñɨvɨ tu̱ꞌva jín nu̱u̱nꞌ rá ñɨvɨ ntu túꞌva.

Hechos 28:4

Sáá niniꞌ rá ñɨvɨ ñuunꞌ yukuán, ya̱ níntakaa ko̱o̱ꞌ naꞌá re̱ꞌ jee nkachiꞌ ɨɨn inka ráa: ―Ya̱ nááꞌ vá jiáꞌníꞌ nijia te̱e yaꞌá ñɨvɨ. Chi súnika̱ꞌ nka̱ku re̱ꞌ nu̱u̱nꞌ nteñúꞌún, soo nu̱u̱nꞌ ɨɨn ndiosíꞌ naní Justicia ntu jiáꞌa‑a kutekuꞌ re̱ꞌ ka̱ꞌ.

1 Corintios 14:10

Soo máá naáꞌ nijia kúvi ya̱ kue̱ꞌe̱ꞌ víꞌí nu̱u̱nꞌ rá tu̱ꞌun káꞌánꞌ ñɨvɨ ta ɨɨn ɨɨn rá ñuunꞌ íyó ñɨ̱vɨ́ yaꞌá, jee ntáká nu̱u̱nꞌ rá tu̱ꞌun vá chi íyó ñɨvɨ ya̱ jiáku̱ꞌun iniꞌ ráa ná kuíni kachiꞌ rá tu̱ꞌun káꞌánꞌ ráa.