1 Corintios 13:13 - Mixteco del suroeste de Tlaxiaco Oaxaca

¹³ Jee saáva íyó u̱ni̱ꞌ tu̱ꞌun ya̱ kínóo kutú‑u jín‑ó nɨ́ɨ́nkání: ya̱ kúneí nijia iniꞌ‑ó Ndiosíꞌ, jín íyó tu̱neí iniꞌ‑ó ya̱ síkúnkuvi Ndiosíꞌ ya̱ nchi̱sóyuꞌú re̱ꞌ, jín ya̱ kunu̱u̱nꞌ‑ó táꞌán‑ó. Soo ya̱ ñáꞌnú ka̱ꞌ nu̱u̱nꞌ ni núníꞌ rá yaꞌá ví ya̱ kunu̱u̱nꞌ‑ó rá ñanitáꞌán‑ó.

1 Corintios 13:13 Referans Kwoze

1 Corintios 16:14

Jee ntáká tiñu sáꞌá rán, jee saꞌá rán maa jie̱ꞌe̱ꞌ ñúnúunꞌ rán rá ñanitáꞌán‑ó jín inka ñɨvɨ.

Colosenses 3:14

Jee nu̱u̱nꞌ kua̱íyó nu̱u̱nꞌ nɨꞌɨ ví ya̱ kunu̱u̱nꞌ rán táꞌán rán, chi yaꞌá sáꞌá ya̱ viiꞌ nuún iniꞌ rán jín táꞌán rán sáni íyó koo.

Gálatas 5:6

Chi ntáká‑ó ya̱ yɨ́ꞌɨ́‑ó nu̱u̱nꞌ Cristo Jesús, ntu̱náꞌ íyótiñu koo circuncidado maáó, áxí ntu̱ví. Soo ya̱ yɨ́yáꞌvi ka̱ꞌ vá kúneí iniꞌ‑ó Jesús, jee ya̱ kúneí iniꞌ‑ó maa sáꞌá ya̱ kunu̱u̱nꞌ‑ó táꞌán‑ó.

Filipenses 1:9

Jee jíkánꞌ táꞌvíꞌ ni̱ꞌ nu̱u̱nꞌ Ndiosíꞌ, ya̱ saꞌ víꞌí káꞌ sáá kunu̱u̱nꞌ víꞌí rán ka̱ꞌ ñɨvɨ jín Ndiosíꞌ, jín ya̱ kujia víꞌí iniꞌ rán ka̱ꞌ, sáva kuniꞌ rán ka̱ꞌ tu̱ꞌun nááꞌ Ndiosíꞌ, jín sáva kuníchí xi̱ni̱ꞌ rán ka̱ꞌ jie̱ꞌe̱ꞌ ichi re̱ꞌ.

1 Timoteo 1:5

Jee tátúníꞌ‑ó suꞌva nu̱u̱nꞌ ñanitáꞌán‑ó ya̱ kúneí iniꞌ ráa Cristo, sáva kunu̱u̱nꞌ ráa ɨɨn inka ráa, ya̱ kene‑e ne̱ ánímaꞌ noo, jín ne̱ ya̱ kuniꞌ ráa ya̱ ntu̱ví níso kua̱chi si̱kɨ̱ꞌ ráa, jín ne̱ ya̱ ntu ñúnkúún ni ka̱ꞌ sáꞌá ráa ya̱ kúneí nijia iniꞌ ráa Cristo.

1 Juan 2:10

Soo ñɨvɨ ya̱ ñúnúunꞌ‑u ñanitáꞌán‑a, jee kínóo kutú‑u nu̱u̱nꞌ túúnꞌ ñuꞌunꞌ re̱ꞌ, jee ni ntu̱náꞌ íyó ya̱ ñúꞌún iniꞌ ñɨvɨ vá ya̱ xinínkava maa nu̱u̱nꞌ kua̱chi.

1 Tesalonicenses 5:8

Soo maáó ya̱ kúvi‑ó se̱ꞌya nuví nu̱u̱nꞌ nijínꞌ, jee íyó kuꞌun kájí iniꞌ‑ó, jee kuneí iniꞌ‑ó Jesús jee kunu̱u̱nꞌ‑ó ɨɨn inka‑ó. Suꞌva nama‑ó maáó sáva ntu xínáꞌví ñɨvɨ yó, kuéntáꞌ nákúꞌun ɨɨn soldado saꞌma nama‑a maáa. Jee íyó tu̱neí iniꞌ‑ó ya̱ nanitáꞌvíꞌ‑ó. Suꞌva nama‑ó antúníꞌ‑ó, kuéntáꞌ nákúꞌun ɨɨn soldado ti̱kokoꞌ ka̱a sáva nama‑a xi̱ni̱ꞌ‑i.

2 Corintios 5:10

Chi nta̱ká‑ó saá íyó kɨ̱ꞌɨ̱nꞌ‑ó kuiñɨ‑ó nu̱u̱nꞌ keꞌneꞌ Cristo rá tiñu nsa̱ꞌá‑ó, sáva ta ɨɨn ɨɨn‑ó ni̱ꞌi̱nꞌ‑ó sánikua̱ꞌ na̱ja nsa̱ꞌá‑ó, va̱ni tiñu váꞌa áxí va̱ni tiñu níváꞌa, sáá ni̱yo‑ó jín yɨkɨkúñu‑ó iniꞌ ñɨ̱vɨ́ yaꞌá.

1 Corintios 8:3

Soo retú néni ɨɨn ñɨvɨ ya̱ ñúnúunꞌ‑u Ndiosíꞌ, jee jíníꞌ Ndiosíꞌ iniꞌ‑i jee ma̱ni̱ꞌ re̱ꞌ jín‑i.

Colosenses 1:27

Jee nkuini iniꞌ re̱ꞌ ya̱ sikúkáꞌnú re̱ꞌ iniꞌ ráa, ya̱ na̱ ka̱ꞌ viiꞌ kúñáꞌnú yɨ́yáꞌvi ka̱ꞌ ví ya̱ váꞌa, ya̱ níso tu̱ꞌun yuꞌuꞌ yaꞌá, ya̱ jiáꞌa re̱ꞌ nu̱u̱nꞌ rá ñɨvɨ ntu kúvi Israel. Tu̱ꞌun yaꞌá kúvi ya̱ yɨ́ꞌɨ́ Cristo iniꞌ ánímaꞌ rán. Jee saáva íyó tu̱ꞌun neí iniꞌ‑ó ya̱ kuneeꞌ‑ó nɨ́ɨ́nkání jín re̱ꞌ, ya̱ nu̱u̱nꞌ viiꞌ nasɨ́kuitɨꞌ ví‑i.

1 Pedro 1:21

Chi jie̱ꞌe̱ꞌ Cristo jee jínúꞌ iniꞌ rán Ndiosíꞌ, ya̱ kúvi re̱ꞌ ya̱ nna̱xinátekuꞌ i̱i̱ꞌ tuku re̱ꞌ Cristo nnene‑e nteñu rá níyɨ, jee nnu̱ñáꞌnú nasɨ́kuitɨꞌ‑ɨ nsa̱ꞌá re̱ꞌ, jee saáva kúneí iniꞌ rán ínúꞌ iniꞌ rán Ndiosíꞌ, jee íyó kutú tu̱neí iniꞌ rán nétu rán ya̱ saꞌá re̱ꞌ.

1 Juan 3:9

Jee nta̱ká rá ñɨvɨ ya̱ nsa̱ꞌá Ndiosíꞌ ya̱ nna̱kaku ráa kúvi nijia ráa se̱ꞌya re̱ꞌ, jee ntu̱ví sáꞌá ráa kua̱chi. Chi kínóo tiñu re̱ꞌ iniꞌ ráa sáva sama re̱ꞌ ráa sáni íyó maáréꞌ. Jee saáva ntu kúvi saꞌá ráa kua̱chi, chi nsa̱ꞌá re̱ꞌ ráa nna̱kaku ráa kúvi ráa se̱ꞌya re̱ꞌ.

1 Juan 3:3

Jee nta̱ká ñɨvɨ ya̱ íyó túꞌun neí iniꞌ ráa ya̱ saꞌá re̱ꞌ yaꞌá, jee násaꞌá ninuꞌun ráa maáráa, kuéntáꞌ íyó ninuꞌun maáréꞌ.

1 Juan 2:14

Ntee ni̱ꞌ nu̱u̱nꞌ ránoꞌó, rá tátáꞌ, chi ma̱ni̱ꞌ rán jín maáréꞌ ya̱ ya íyó ne̱ tiempúꞌ xíꞌnañúꞌún. Ntee ni̱ꞌ nu̱u̱nꞌ ránoꞌó rá te̱e súchí, chi neí iniꞌ rán, jee kínóo kutú Tu̱ꞌun Ndiosíꞌ ñúꞌún iniꞌ ánímaꞌ rán, jee nku̱neí rán jín kui̱ꞌna̱ꞌ kúñáꞌnú.

Hebreos 6:19

Jee jie̱ꞌe̱ꞌ ya̱ íyó tu̱neí iniꞌ‑ó ya̱ sikúnkuvi re̱ꞌ vá, sáꞌá‑a ya̱ íyó kutú ánímaꞌ‑ó xi̱ntíín re̱ꞌ, kuéntáꞌ kua̱ꞌ kínóo kutú barkúꞌ sáꞌá ganchúꞌ véi, ya̱ naní ancla, ya̱ chíꞌi chi̱ji nute. Chi íyó tu̱neí iniꞌ‑ó ki̱vɨ‑ó nu̱u̱nꞌ nééꞌ Ndiosíꞌ, kuéntáꞌ nki̱vɨ su̱tu̱ꞌ kúñáꞌnú ya̱ta̱ꞌ saꞌma ya̱ nni̱ntakaa iniꞌ veñu̱ꞌun káꞌnú ííꞌ nu̱u̱nꞌ ni̱yo xika Ndiosíꞌ.

2 Timoteo 1:7

Chi nsáꞌ ntaji Ndiosíꞌ ɨɨn ta̱chi̱ꞌ nu̱u̱nꞌ‑ó, ya̱ sáꞌá‑a ya̱ núsɨ́ꞌɨ́ iniꞌ‑ó. Chisaꞌ ntaji re̱ꞌ Ta̱chi̱ꞌ Ííꞌ re̱ꞌ ya̱ táji‑i fuersáꞌ nu̱u̱nꞌ‑ó, jín ya̱ kunu̱u̱nꞌ‑ó táꞌán‑ó, jín ya̱ nakeꞌen‑ó maáó.

Hebreos 6:11

Soo ñúkúvi iniꞌ ráníꞌ ya̱ suni sukuán kuꞌun káñá iniꞌ ta ɨɨn ɨɨn rán, ne̱ kenta ji̱nu tékúꞌ rán, sáva nɨꞌɨ noo kino̱o kutú iniꞌ rán ya̱ íyó tu̱neí iniꞌ‑órán ya̱ taji Ndiosíꞌ nu̱u̱nꞌ‑ó ya̱ nchi̱sóyuꞌú re̱ꞌ.

2 Corintios 5:15

Jee ni̱ꞌi̱ꞌ re̱ꞌ jie̱ꞌe̱ꞌ ntáká ñɨvɨ, sáva rá ñɨvɨ ya̱ tékúꞌ ráa ntu̱ví ka̱ꞌ jiáꞌnu ráa yɨ́tíñú ráa nu̱u̱nꞌ maáráa, chisaꞌ kueꞌnu ráa kɨtíñú ráa nu̱u̱nꞌ maáréꞌ ya̱ ni̱ꞌi̱ꞌ re̱ꞌ jee nna̱tekuꞌ i̱i̱ꞌ re̱ꞌ nnako̱o yɨkɨkúñu re̱ꞌ nkene re̱ꞌ nteñu rá níyɨ sáva kuvi ya̱ váꞌa ráa.

1 Corintios 14:1

Jee saáva nunasɨ́ rán kunikɨnꞌ rán kunu̱u̱nꞌ rán rá ñanitáꞌán rán, jee suni kuꞌun kúvi iniꞌ rán rá ta̱ꞌvi̱ꞌ ya̱ táji Ta̱chi̱ꞌ Ííꞌ Ndiosíꞌ nu̱u̱nꞌ rán, jee ta̱ꞌvi̱ꞌ ñáꞌnú ka̱ꞌ taji re̱ꞌ nu̱u̱nꞌ rán ví ya̱ chíneí re̱ꞌ nakani rán nu̱u̱nꞌ rá ñɨvɨ tu̱ꞌun kéne yuꞌú Ndiosíꞌ.

1 Corintios 3:14

Jee retú nka̱yúꞌ tiñu ya̱ nsa̱ꞌá néni ɨɨn ñɨvɨ ya̱ nna̱chisó‑o nu̱u̱nꞌ nsamaꞌ vá jee kino̱o‑o, jee yukuán re ni̱ꞌi̱nꞌ ñɨvɨ vá ta̱ꞌvi̱ꞌ ya̱ nachunáán Ndiosíꞌ nu̱u̱nꞌ‑u.

1 Juan 2:24

Chuꞌun va̱ꞌa rán iniꞌ ánímaꞌ rán tu̱ꞌun ya̱ ya nteso̱ꞌo rán ne̱ xíꞌnañúꞌún ya̱ ni̱nu̱ꞌ iniꞌ rán. Jee retú tu̱ꞌun nteso̱ꞌo rán ne̱ xíꞌnañúꞌún kínóo kutú‑u ñúꞌún iniꞌ ánímaꞌ rán, saájee suni kino̱o kutú rán yɨ́ꞌɨ́ rán nu̱u̱nꞌ Se̱ꞌya Ndiosíꞌ jín nu̱u̱nꞌ maá Tátáꞌ‑ó Ndiosíꞌ.

Lucas 22:32

Soo nuꞌuꞌ jíkánꞌ táꞌvíꞌ ni̱ꞌ jie̱ꞌe̱ꞌ nú nu̱u̱nꞌ Ndiosíꞌ sáva níta ya̱ kúneí iniꞌ nú nuꞌuꞌ. Jee sáá nakani iniꞌ nú ya̱ nsa̱ꞌá nú jee nikó nú nu̱u̱nꞌ nuꞌuꞌ saájee nasáneí nú iniꞌ ánímaꞌ rá ñanitáꞌán nú kuiñɨ ni̱ꞌin ráa ―nkachiꞌ Jesús.

Lucas 10:27

Jee nna̱xiníkó te̱e vá jee nkachiꞌ‑i: ―Íyó kunu̱u̱nꞌ nú I̱toꞌoꞌ nú ya̱ kúvi Ndiosíꞌ nú jín nɨꞌɨ ne̱ ánímaꞌ nú, jín nɨꞌɨ iniꞌ nú, jín nɨꞌɨ kua neí iniꞌ nú, jín nɨꞌɨ antúníꞌ nú, jee íyó kunu̱u̱nꞌ nú rá ñanitáꞌán nú kuéntáꞌ kua̱ꞌ ñúnúunꞌ nú maánú, káchíꞌ Tu̱ꞌun vá ―nkachiꞌ te̱e vá.

Hebreos 10:39

Soo maáórán, chi ntu kúvi‑ó táꞌán rá ñɨvɨ ya̱ níkóyátá ráa kɨ̱naanꞌ ráa. Chisaꞌ kúvi‑ó ñɨvɨ ya̱ kúneí iniꞌ‑ó Cristo jee sáva koo kutú váꞌa ánímaꞌ‑ó xi̱ntíín re̱ꞌ.

1 Corintios 8:1

Ntañúꞌún jee káchíꞌ tuku ni̱ꞌ inka ka̱ꞌ tu̱ꞌun jie̱ꞌe̱ꞌ rá sókóꞌ rá ñɨvɨ nu̱u̱nꞌ rá nantíñú ya̱ ntu kúvi Ndiosíꞌ tékúꞌ. Nkachiꞌ ránú ya̱ “jíníꞌ‑ó ya̱ jíníꞌ ntáká‑ó na̱sa íyó tu̱ꞌun jie̱ꞌe̱ꞌ‑e.” Soo sáꞌá víxiꞌ ka̱ꞌá‑ó jie̱ꞌe̱ꞌ ya̱ káchíꞌ‑ó ya̱ jíníꞌ‑ó nɨꞌɨ. Soo jie̱ꞌe̱ꞌ ya̱ ñúnúunꞌ‑ó rá ñanitáꞌán‑ó, jee yaꞌá sáꞌá ya̱ jíjia iniꞌ‑ó íyó kutú‑ó jín tu̱ꞌun I̱toꞌoꞌ‑ó.

Romanos 15:13

Jee maá Ndiosíꞌ ví ya̱ sáꞌá re̱ꞌ ya̱ íyó tu̱neí iniꞌ‑ó kuna̱a̱ꞌ iniꞌ‑ó ni̱ꞌi̱nꞌ‑ó ya̱ táji re̱ꞌ. Jee na̱ ka̱ꞌ saꞌá re̱ꞌ ya̱ kusɨ̱ɨ̱ꞌ nasɨ́kuitɨꞌ iniꞌ ánímaꞌ rán, jín ya̱ ne̱ va̱ꞌa kuvi ánímaꞌ rán kuneeꞌ va̱ꞌa rán, jie̱ꞌe̱ꞌ ya̱ kúneí iniꞌ rán re̱ꞌ. Jee sáva fuersáꞌ ííꞌ Ta̱chi̱ꞌ Ííꞌ re̱ꞌ saꞌá‑a ya̱ kukueꞌeꞌ víꞌí ka̱ꞌ koo tu̱neí iniꞌ rán jie̱ꞌe̱ꞌ ya̱ váꞌa nchi̱sóyuꞌú re̱ꞌ saꞌá‑a jín ránoꞌó.

Hebreos 10:35

Jee saáva koto xínóo rán ya̱ ne̱ yuchí kúkáꞌnú iniꞌ rán Jesús, chi jie̱ꞌe̱ꞌ kúneí iniꞌ rán Jesús jee ni̱ꞌi̱nꞌ rán ta̱ꞌvi̱ꞌ máá ñáꞌnú nasɨ́kuitɨꞌ ka̱ꞌ.

Colosenses 1:5

Jiáꞌnu rán suꞌva chi jie̱ꞌe̱ꞌ ni ka̱ꞌ íyó tu̱ꞌun neí iniꞌ rán ni̱ꞌi̱nꞌ rán ta̱ꞌvi̱ꞌ ya̱ nanitáꞌvíꞌ rán ya̱ ñúꞌún va̱ꞌa ne̱ ñuunꞌ íyó súkún nu̱u̱nꞌ íyó Ndiosíꞌ. Jie̱ꞌe̱ꞌ ta̱ꞌvi̱ꞌ vá ví ya̱ ya nteso̱ꞌo rán nu̱u̱nꞌ tu̱ꞌun na̱a̱ꞌ, ya̱ kúvi tu̱ꞌun váꞌa jie̱ꞌe̱ꞌ Cristo, naní evangelio.

1 Tesalonicenses 1:3

Chi yɨ́táꞌán xínákúꞌun ráníꞌ iniꞌ Tátáꞌ‑ó Ndiosíꞌ jie̱ꞌe̱ꞌ tiñu váꞌa sáꞌá ránoꞌó, chi kúneí iniꞌ rán Cristo, jín jie̱ꞌe̱ꞌ ya̱ níkó néí rán sáꞌá rán ya̱ váꞌa, chi ñúnúunꞌ rán re̱ꞌ, jín jie̱ꞌe̱ꞌ ya̱ kúníꞌin íñɨ́ ni̱ꞌin rán jín re̱ꞌ, chi íyó tu̱neí iniꞌ rán ya̱ váꞌa sáꞌá I̱toꞌoꞌ‑ó Jesús ya̱ kúvi Cristo jín rán.