1 Corintios 12:9 - Mixteco del suroeste de Tlaxiaco Oaxaca

⁹ Jee nu̱u̱nꞌ inka‑ó ka̱ꞌ táji métúꞌún Ta̱chi̱ꞌ Ííꞌ vá ta̱ꞌvi̱ꞌ ya̱ kuvi kuneí ni̱ꞌin ka̱ꞌ iniꞌ‑i Ndiosíꞌ. Jee nu̱u̱nꞌ inka‑ó ka̱ꞌ táji re̱ꞌ ta̱ꞌvi̱ꞌ ya̱ xínúvi‑i ñɨvɨ kúꞌvíꞌ sáꞌá métúꞌún Ta̱chi̱ꞌ Ííꞌ vá.

1 Corintios 12:9 Referans Kwoze

2 Corintios 4:13

Jee nuún kúneí iniꞌ ránꞌ Ndiosíꞌ ne̱ ánímaꞌ ránꞌ sánikua̱ꞌ nku̱neí iniꞌ maá te̱e ya̱ ntee re̱ꞌ salmo níso nu̱u̱nꞌ Tutuꞌ Ííꞌ. Jee sánikua̱ꞌ káchíꞌ re̱ꞌ: “Ni̱nu̱ꞌ iniꞌ ni̱ꞌ Ndiosíꞌ, saáva nkaꞌanꞌ ni̱ꞌ tu̱ꞌun re̱ꞌ”, jee saáva suni sukuán ínúꞌ iniꞌ ránuꞌuꞌ Ndiosíꞌ, jee saáva káꞌánꞌ ránꞌ tu̱ꞌun re̱ꞌ.

Efesios 2:8

Chi jie̱ꞌe̱ꞌ ya̱ íyó mániꞌ iniꞌ Ndiosíꞌ néꞌyá re̱ꞌ ránoꞌó jee nna̱tavaꞌ re̱ꞌ ránoꞌó nu̱u̱nꞌ kua̱chi rán nsi̱káku re̱ꞌ ránoꞌó jie̱ꞌe̱ꞌ ya̱ kúneí iniꞌ rán Cristo, sú ntu íyó ni̱ꞌi̱nꞌ rán maa. Soo nsú ránoꞌó sáꞌá maa, chisaꞌ kúvi‑i ta̱ꞌvi̱ꞌ nsi̱kútaꞌviꞌ Ndiosíꞌ nu̱u̱nꞌ rán.

1 Corintios 13:2

Jee retánꞌ kúvi nakani ni̱ꞌ tu̱ꞌun kéne yuꞌú máá maá Ndiosíꞌ, jín retánꞌ jíníꞌ va̱ꞌa ni̱ꞌ ntáká rá tu̱ꞌun yɨ́yuꞌuꞌ re̱ꞌ, jín retánꞌ jíníꞌ ni̱ꞌ kua̱íyó ya̱ íyó, jee retánꞌ kúneí nasɨ́kuitɨꞌ nijia iniꞌ ni̱ꞌ Ndiosíꞌ ne̱ kuvi tatúníꞌ ni̱ꞌ nu̱u̱nꞌ ɨɨn yuku ya̱ kuiyo‑o nu̱u̱nꞌ íñɨ́‑ɨ jee kuiyo‑o, soo retú ntu̱ví ñúnúunꞌ ni̱ꞌ rá ñɨvɨ, saájee ntu̱náꞌ tiñu kuitɨꞌ ni̱ꞌ.

Hebreos 11:33

Jee jie̱ꞌe̱ꞌ ya̱ ni̱nu̱ꞌ iniꞌ ráa nku̱neí iniꞌ ráa Ndiosíꞌ, jee sava ráa nka̱ntáꞌán ráa, jee nku̱neí ráa nna̱tɨɨn ráa rá ñuunꞌ náꞌnú nna̱kɨ̱ꞌɨ xi̱ntíín ráa, jee na̱a̱ꞌ nta̱túníꞌ sava ráa nu̱u̱nꞌ rá ñuunꞌ ráa, jee nni̱ꞌi̱nꞌ ráa tu̱ꞌun nchi̱sóyuꞌú Ndiosíꞌ kunima̱ni̱ꞌ‑i nu̱u̱nꞌ ráa, jee ñasɨꞌ Ndiosíꞌ yuꞌú rá nikaꞌa sáva nka̱jíꞌ rátíꞌ ráa,

1 Corintios 12:30

áxí, ¿á ntáká‑ó nni̱ꞌi̱nꞌ‑ó ta̱ꞌvi̱ꞌ sáva kuvi xinúvi‑ó rá ñɨvɨ kúꞌvíꞌ rúja?, áxí, ¿á ntáká‑ó nni̱ꞌi̱nꞌ‑ó ta̱ꞌvi̱ꞌ sáva kuvi káꞌánꞌ‑ó inka ka̱ꞌ nu̱u̱nꞌ rá tu̱ꞌun káꞌánꞌ ya̱ ntu jiáku̱ꞌun iniꞌ‑ó rúja?, áxí, ¿á ntáká‑ó nni̱ꞌi̱nꞌ‑ó ta̱ꞌvi̱ꞌ sáva kuvi nakachiꞌ‑ó ná kúníꞌ káchíꞌ rá tu̱ꞌun ya̱ káꞌánꞌ ñɨvɨ ya̱ nsú tu̱ꞌun jiáku̱ꞌun iniꞌ‑ó rúja? ¡Ntu̱ví!

1 Corintios 12:28

Jee saáva nteñu rá ñɨvɨ yɨ́ꞌɨ́ xi̱ntíín Cristo jee xíꞌna ka̱ꞌ ñani Ndiosíꞌ sava rá te̱e kuniso ráa tiñu apóstol chúichí Cristo ráa stúvi ráa ya̱ nááꞌ jie̱ꞌe̱ꞌ Cristo. Jee ya̱ uvíꞌ, jee ñani re̱ꞌ sava rá ñɨvɨ kuniso ráa tiñu ya̱ nakani ráa rá tu̱ꞌun kéne yuꞌú maáréꞌ. Jee ya̱ uníꞌ, jee ñani re̱ꞌ sava rá ñɨvɨ ya̱ xínéꞌénꞌ ráa tu̱ꞌun váꞌa re̱ꞌ nu̱u̱nꞌ rá ñɨvɨ. Jee kuíre ñani re̱ꞌ sava ñɨvɨ ya̱ sáꞌá rá tiñu a̱nasɨ́ jín fuersáꞌ ííꞌ Ndiosíꞌ. Jee kuíre njia̱ꞌa re̱ꞌ ta̱ꞌvi̱ꞌ nu̱u̱nꞌ sava rá ñɨvɨ sáva xínúvi ráa rá ñɨvɨ kúꞌvíꞌ, jee njia̱ꞌa re̱ꞌ ta̱ꞌvi̱ꞌ nu̱u̱nꞌ sava rá ñɨvɨ sáva chíneí ráa rá ñanitáꞌán ráa, jee njia̱ꞌa re̱ꞌ ta̱ꞌvi̱ꞌ nu̱u̱nꞌ sava rá ñɨvɨ sáva kuneen kuéntáꞌ rá ñɨvɨ ya̱ jínúꞌ iniꞌ ráa Cristo, jee njia̱ꞌa re̱ꞌ ta̱ꞌvi̱ꞌ nu̱u̱nꞌ sava rá ñɨvɨ sáva kúvi káꞌánꞌ ráa inka ka̱ꞌ nu̱u̱nꞌ rá tu̱ꞌun káꞌánꞌ ya̱ ntu jiáku̱ꞌun iniꞌ ráa.

Marcos 16:18

Jee tɨɨn ráa ko̱o̱ꞌ xe̱e̱nꞌ, jee ré koꞌo ráa nute kútáꞌán jín ñuꞌun xéénꞌ, jee ntu̱náꞌ kunoꞌo ráa. Jee suni chisó ráa naꞌá ráa nu̱u̱nꞌ rá kúꞌvíꞌ jee nuvi rává ―nkachiꞌ Jesús.

Hechos 5:15

Saáva ña̱na̱ka rá ñɨvɨ rá kúꞌvíꞌ iniꞌ ichi, jee yákɨ́nꞌ ráa rává nu̱u̱nꞌ i̱to jín nu̱u̱nꞌ tu̱nchi̱só. Sáva sa̱naanꞌ jia̱ꞌa xi̱ne̱ꞌñu̱ꞌ Pedro nu̱u̱nꞌ káá kéꞌín rává, sáá kua̱jia̱ꞌa re̱ꞌ.

Lucas 10:9

Jee xinúvi rán rá ñɨvɨ kúꞌvíꞌ íyó yukuán, jee kachiꞌ rán nu̱u̱nꞌ ráa ya̱: “Nku̱yatin nu̱u̱nꞌ rán ya̱ kuvi ki̱vɨ rán naꞌá Ndiosíꞌ nu̱u̱nꞌ tatúníꞌ re̱ꞌ nu̱u̱nꞌ ránoꞌó”, kachiꞌ rán.

Lucas 9:2

Jee nchu̱ichí re̱ꞌ ráa kɨ̱kachitu̱ꞌún ráa tu̱ꞌun na̱ja ki̱vɨ ñɨvɨ xi̱ntíín Ndiosíꞌ jín ya̱ xinúvi ráa rá ñɨvɨ.

Marcos 6:13

Jee nta̱níkɨ́nꞌ ráa rá ta̱chi̱ꞌ néꞌí nyɨ̱ꞌɨ iniꞌ kue̱ꞌe̱ꞌ ñɨvɨ, jee nchi̱só ráa ntíꞌ aceite xi̱ni̱ꞌ kue̱ꞌe̱ꞌ rá ñɨvɨ kúꞌvíꞌ jee nxi̱núvi ráa rává.

Mateo 21:21

Jee nna̱xiníkó Jesús jee nkachiꞌ re̱ꞌ nu̱u̱nꞌ ráa: ―Máá nááꞌ vá káchíꞌ ni̱ꞌ nu̱u̱nꞌ rán, ya̱ retú kúneí iniꞌ rán Ndiosíꞌ, jee koto íyó tu̱nkáꞌvi iniꞌ ánímaꞌ rán, jee kuvi sáꞌá rán tiñu a̱nasɨ́ kua̱ꞌ nsa̱ꞌá ni̱ꞌ yaꞌá, jee nsú kua̱chi sukuán, chisaꞌ suni kuvi kachiꞌ rán nu̱u̱nꞌ yuku yaꞌá: “Kuiyo jee sukuíkó maánú nu̱u̱nꞌ nteñúꞌún”, jee kuvi nijia sukuán.

Mateo 10:8

Jee kuáxinúvi rán rá ñɨvɨ kúꞌvíꞌ jín rá ñɨvɨ ya̱ nóꞌo kue̱ꞌi̱ꞌ ni̱ꞌyɨ stéꞌyúꞌ ñɨɨn naní lepra, jee suni kuánaxinátekuꞌ rán rá ñɨvɨ níꞌiꞌ, jee suni kuátaníkɨ́nꞌ rán rá ta̱chi̱ꞌ kíni yɨ́ꞌɨ́ iniꞌ ñɨvɨ. Jee kua̱ꞌ nsi̱kútaꞌviꞌ saɨn ni̱ꞌ tiñu níꞌin ííꞌ nu̱u̱nꞌ rán, jee suni sukuán saꞌá saɨn rán rá tiñu vá.

Hechos 10:38

Jesús kúvi re̱ꞌ te̱e ñuunꞌ Nazaret. Jíníꞌ rán ya̱ ñani Ndiosíꞌ re̱ꞌ jee njia̱ꞌa‑a nu̱u̱nꞌ re̱ꞌ Ta̱chi̱ꞌ Ííꞌ‑i jín fuersáꞌ ííꞌ‑i. Jee ni̱kónúun re̱ꞌ nsa̱ꞌá re̱ꞌ ya̱ váꞌa, jee nxi̱núvi re̱ꞌ rá ñɨvɨ nóꞌo sáꞌá kui̱ꞌna̱ꞌ kúñáꞌnú, chi Ndiosíꞌ íñɨ́ jín re̱ꞌ.