1 Corintios 12:8 - Mixteco del suroeste de Tlaxiaco Oaxaca

⁸ Chi nu̱u̱nꞌ sava‑ó táji Ta̱chi̱ꞌ Ííꞌ ta̱ꞌvi̱ꞌ ya̱ káꞌánꞌ‑a tu̱ꞌun níchí ya̱ va̱ji ne̱ nu̱u̱nꞌ Ndiosíꞌ. Jee nu̱u̱nꞌ inka‑ó ka̱ꞌ táji ɨɨn ni Ta̱chi̱ꞌ Ííꞌ vá ta̱ꞌvi̱ꞌ ya̱ sátíñú re̱ꞌ iniꞌ‑i sáva jíníꞌ va̱ꞌa‑a Tu̱ꞌun Ndiosíꞌ jee xínéꞌénꞌ‑e vá nu̱u̱nꞌ rá ñanitáꞌán‑ó.

1 Corintios 12:8 Referans Kwoze

2 Corintios 8:7

Jee sánikua̱ꞌ kua̱ꞌa̱nꞌ kéne rán ka̱ꞌ ichinúúnꞌ jín nta̱ká nu̱u̱nꞌ, na̱sa kúneí iniꞌ rán Cristo, jín na̱sa káꞌánꞌ rán tu̱ꞌun, jín na̱sa jíníꞌ víꞌí rán jie̱ꞌe̱ꞌ Ndiosíꞌ, jín na̱sa ñúkáñá iniꞌ rán chineí rán, jín na̱sa ñúnúunꞌ rán ránuꞌuꞌ. Jee suni sukuán kua̱ꞌa̱nꞌ kene rán ka̱ꞌ ichinúúnꞌ jín tiñu yaꞌá ya̱ koo ma̱ni̱ꞌ iniꞌ rán chineí rán rá láꞌví.

1 Corintios 1:5

chi jie̱ꞌe̱ꞌ yɨ́ꞌɨ́ rán nu̱u̱nꞌ Jesús jee nta̱ká nu̱u̱nꞌ nku̱kúká rán jín nɨꞌɨ tu̱ꞌun káꞌánꞌ va̱ꞌa rán jín nɨꞌɨ ya̱ jíníꞌ rán jie̱ꞌe̱ꞌ Ndiosíꞌ.

1 Corintios 1:30

Soo maá Ndiosíꞌ chi nsa̱ꞌá re̱ꞌ ya̱ kɨꞌɨ rán xi̱ntíín Cristo Jesús, jee ne̱ nu̱u̱nꞌ Jesús va̱ji tu̱ꞌun níchí tánɨ́ꞌ xi̱ni̱ꞌ táji Ndiosíꞌ nu̱u̱nꞌ‑ó, jee nsa̱ꞌá re̱ꞌ ya̱ kínóo na̱a̱ꞌ‑ó nu̱u̱nꞌ Ndiosíꞌ, jee nsa̱ꞌá sɨ́ɨ́n re̱ꞌ yó sáva kɨꞌɨ‑ó nu̱u̱nꞌ Ndiosíꞌ, jee nna̱kani núne re̱ꞌ yó nu̱u̱nꞌ kua̱chi ya̱ nkɨ́ꞌɨ‑ó ka̱ꞌ xi̱ntíín kua̱chi.

1 Corintios 13:8

Jee ñɨvɨ ya̱ ñúnúunꞌ‑u táꞌán‑a, jee ni nsáꞌ ji̱nu ñúnúunꞌ‑u. Vitan jee nákani ñɨvɨ rá tu̱ꞌun kéne yuꞌú máá maá Ndiosíꞌ, soo kenta ki̱vɨ̱ꞌ ya̱ sijínu re̱ꞌ maa. Áxí jiáꞌa re̱ꞌ ta̱ꞌvi̱ꞌ ya̱ káꞌánꞌ ñɨvɨ inka nu̱u̱nꞌ rá tu̱ꞌun ya̱ ntu jiáku̱ꞌun iniꞌ ráa, soo kenta ya̱ xinɨ́ꞌɨ re̱ꞌ maa. Áxí jiáꞌa re̱ꞌ ta̱ꞌvi̱ꞌ nu̱u̱nꞌ ñɨvɨ ya̱ jíníꞌ va̱ꞌa víꞌí‑i jee xínéꞌénꞌ‑e vá, soo sijínu re̱ꞌ maa.

Mateo 13:11

Saájee nna̱xiníkó re̱ꞌ nkachiꞌ re̱ꞌ nu̱u̱nꞌ ráa: ―Nu̱u̱nꞌ ránoꞌó chi ntaji Ndiosíꞌ ya̱ kukáꞌnú iniꞌ rán jie̱ꞌe̱ꞌ rá tu̱ꞌun nyɨse̱ꞌí jie̱ꞌe̱ꞌ na̱ja kívɨ ñɨvɨ naꞌá Ndiosíꞌ jee tátúníꞌ re̱ꞌ nu̱u̱nꞌ ráa ya̱ nééꞌ re̱ꞌ antivɨ́ súkún. Soo nu̱u̱nꞌ rá inka ka̱ꞌ ntu̱ví njiáꞌa re̱ꞌ maa.

1 Corintios 13:2

Jee retánꞌ kúvi nakani ni̱ꞌ tu̱ꞌun kéne yuꞌú máá maá Ndiosíꞌ, jín retánꞌ jíníꞌ va̱ꞌa ni̱ꞌ ntáká rá tu̱ꞌun yɨ́yuꞌuꞌ re̱ꞌ, jín retánꞌ jíníꞌ ni̱ꞌ kua̱íyó ya̱ íyó, jee retánꞌ kúneí nasɨ́kuitɨꞌ nijia iniꞌ ni̱ꞌ Ndiosíꞌ ne̱ kuvi tatúníꞌ ni̱ꞌ nu̱u̱nꞌ ɨɨn yuku ya̱ kuiyo‑o nu̱u̱nꞌ íñɨ́‑ɨ jee kuiyo‑o, soo retú ntu̱ví ñúnúunꞌ ni̱ꞌ rá ñɨvɨ, saájee ntu̱náꞌ tiñu kuitɨꞌ ni̱ꞌ.

Hechos 6:3

Saájee, ránoꞌó ñaniꞌ, ka̱ji rán u̱xa̱ꞌ te̱e nteñu rán, ya̱ jíníꞌ nɨꞌɨ rán, ya̱ kúneí Ta̱chi̱ꞌ Ííꞌ Ndiosíꞌ jín ráa, jee ya̱ kúvi ráa te̱e ñúꞌún kájí iniꞌ ráa. Jee kani ráníꞌ ráa, sáva saꞌá ráa tiñu yaꞌá.

Romanos 15:14

Soo ránoꞌó ñanitáꞌán maáníꞌ, nuꞌuꞌ chi jínúꞌ iniꞌ ni̱ꞌ ya̱ íyó mániꞌ nasɨ́kuitɨꞌ iniꞌ rán néꞌyá rán táꞌán rán, jee jíníꞌ va̱ꞌa rán nɨꞌɨ tu̱ꞌun na̱a̱ꞌ Ndiosíꞌ ya̱ nníꞌinꞌ rán, jee kúvi náxiníꞌvɨ́ꞌ iniꞌ rán ɨɨn inka táꞌán rán saꞌá rán sáni káchíꞌ Tu̱ꞌun Ndiosíꞌ.

1 Corintios 2:11

Chi, ¿né ɨɨn jíníꞌ iniꞌ ɨɨn ñɨvɨ na̱ja jiáni iniꞌ inka ñɨvɨ rúja? Chi ni ɨɨn ñɨvɨ ntu̱ví jíníꞌ maa, chi kua̱chi ta̱chi̱ꞌ káꞌánꞌ ya̱ yɨ́ꞌɨ́ iniꞌ ñɨvɨ vá jíníꞌ. Jee suni sukuán ni ɨɨn ñɨvɨ ntu̱ví jíníꞌ na̱sa ñúꞌún iniꞌ Ndiosíꞌ, chi kua̱chi Ta̱chi̱ꞌ Ííꞌ re̱ꞌ vá jíníꞌ.

1 Corintios 2:16

Chi kuéntáꞌ káchíꞌ Tu̱ꞌun Ndiosíꞌ: ¿Né ɨɨn ñɨvɨ jíníꞌ ya̱ jiáni antúníꞌ I̱toꞌoꞌ rúja? Jee, ¿né ɨɨn kúvi xinéꞌénꞌ re̱ꞌ rúja? Káchíꞌ tu̱ꞌun níso nu̱u̱nꞌ Tutuꞌ Ííꞌ. Soo sú sukuán íyó, maáó chi, nuún jiáni iniꞌ‑ó sánikua̱ꞌ jiáni iniꞌ Cristo.

1 Corintios 14:6

Jee saáva ránoꞌó ñaniꞌ jín ku̱ꞌva, retú kua̱jiaaꞌ ni̱ꞌ nu̱u̱nꞌ nééꞌ rán jee retú kaꞌanꞌ ni̱ꞌ jín ɨɨn nu̱u̱nꞌ tu̱ꞌun ya̱ ntu̱ví jiáku̱ꞌun iniꞌ rán, jee, ¿na̱sa kuvi ya̱ váꞌa tu̱ꞌun vá nu̱u̱nꞌ rán rúja? Chisaꞌ kuvi ya̱ váꞌa nu̱u̱nꞌ rán retú káꞌánꞌ ni̱ꞌ jín rán rá tu̱ꞌun ya̱ nstúvi Ndiosíꞌ nu̱u̱nꞌ ni̱ꞌ, áxí va̱ni xínéꞌénꞌ ni̱ꞌ ránoꞌó rá Tu̱ꞌun Ndiosíꞌ ya̱ nsa̱ꞌá re̱ꞌ ya̱ jíníꞌ va̱ꞌa ni̱ꞌ maa, áxí va̱ni nákani ni̱ꞌ tu̱ꞌun kéne yuꞌú re̱ꞌ nu̱u̱nꞌ rán, áxí va̱ni xínéꞌénꞌ ni̱ꞌ ránoꞌó rá tu̱ꞌun re̱ꞌ.

1 Corintios 14:26

Saájee ránoꞌó ñaniꞌ jín ku̱ꞌva, ¿ná kúvi ya̱ saꞌá‑ó? Sáá nútútú rán, jee ta ɨɨn rán kuvi saꞌá ɨɨn tiñu, ɨɨn kata yaaꞌ ííꞌ ya̱ káꞌánꞌ Tu̱ꞌun Ndiosíꞌ, áxí ɨɨn xinéꞌénꞌ‑e Tu̱ꞌun Ndiosíꞌ, áxí ɨɨn nakani‑i tu̱ꞌun ni̱stúvi Ndiosíꞌ nu̱u̱nꞌ‑u, áxí ɨɨn kaꞌanꞌ inka rá tu̱ꞌun ya̱ ntu jiáku̱ꞌun iniꞌ‑i, áxí ɨɨn nakachiꞌ‑i ná kuíni káchíꞌ rá tu̱ꞌun ya̱ káꞌánꞌ ñanitáꞌán vá. Soo íyó saꞌá rán ntáká rá tiñu yaꞌá sáva sikújia rán iniꞌ rá ñɨvɨ ya̱ yɨ́ꞌɨ́ nu̱u̱nꞌ Ndiosíꞌ sáá kueꞌnu ráa jín tu̱ꞌun re̱ꞌ.

2 Corintios 1:12

Suꞌva káꞌánꞌ téyɨ́ɨ́ ráníꞌ, ya̱ ne̱ ánímaꞌ ránꞌ jíníꞌ ránꞌ ya̱, ñaꞌnu na̱a̱ꞌ ránꞌ jee saɨn ni̱yo iniꞌ ránꞌ ñaꞌnu ránꞌ jín rá ñɨvɨ ñɨ̱vɨ́ yaꞌá, sáni kuíni Ndiosíꞌ. Jee víꞌí káꞌ jíníꞌ ránꞌ ya̱ nsa̱ꞌá ránꞌ sukuán nu̱u̱nꞌ ránoꞌó. Chi ntu ñáꞌnu ránꞌ sáni ya̱ níchí xíniꞌ maáránꞌ, chisaꞌ chíneí chituvi Ndiosíꞌ ránuꞌuꞌ saꞌá ránꞌ sukuán, chi íyó mániꞌ iniꞌ re̱ꞌ néꞌyá re̱ꞌ ránuꞌuꞌ.

2 Corintios 2:14

Soo kútaꞌviꞌ ni̱ꞌ nu̱u̱nꞌ Ndiosíꞌ, chi suvire̱ꞌ vá sukuáni náka re̱ꞌ ránuꞌuꞌ sáva stúvi re̱ꞌ ya̱ kúneí re̱ꞌ si̱kɨ̱ꞌ nɨꞌɨ jie̱ꞌe̱ꞌ ya̱ nsa̱ꞌá re̱ꞌ jín ránuꞌuꞌ, kuéntáꞌ ɨɨn desfile stúvi‑i ya̱ nku̱neí ɨɨn general sáá nka̱ntáꞌán re̱ꞌ. Náka Ndiosíꞌ ránuꞌuꞌ sukuán jie̱ꞌe̱ꞌ yɨ́ꞌɨ́ ránꞌ nu̱u̱nꞌ Cristo. Jee jiátíñú re̱ꞌ ránuꞌuꞌ sáva sikúténuun ránꞌ tu̱ꞌun váꞌa Cristo nta̱ká ichi, sáva kuvi kuniꞌ rá ñɨvɨ iniꞌ re̱ꞌ, kuéntáꞌ kua̱ꞌ jiéténuun xikoꞌ jiávi̱xi̱ꞌ.

2 Corintios 4:6

Chi Ndiosíꞌ ví ya̱ nta̱túníꞌ re̱ꞌ ya̱ tu̱u̱nꞌ ñuꞌunꞌ nu̱u̱nꞌ neenꞌ sáá nsa̱ꞌá re̱ꞌ ñɨ̱vɨ́. Suni maá Ndiosíꞌ ví ya̱ stúúnꞌ re̱ꞌ iniꞌ ánímaꞌ‑ó sáva tu̱u̱nꞌ iniꞌ ánímaꞌ‑ó ya̱ kuniꞌ‑ó ya̱ viiꞌ nasɨ́kuitɨꞌ kúñáꞌnú re̱ꞌ chi jíníꞌ‑ó iniꞌ Jesús ya̱ kúvi Cristo, kuéntáꞌ jiánu̱te̱ꞌ nu̱u̱nꞌ re̱ꞌ.

2 Corintios 6:6

jín jie̱ꞌe̱ꞌ ninuꞌun jiáꞌnu ránꞌ, jín jie̱ꞌe̱ꞌ jíníꞌ va̱ꞌa ránꞌ sáni kuíni Ndiosíꞌ, jín jie̱ꞌe̱ꞌ ya̱ káꞌnú víꞌí íyó iniꞌ ránꞌ jiéꞌnéꞌ iniꞌ ránꞌ nu̱u̱nꞌ tu̱nóꞌó va̱ji si̱kɨ̱ꞌ ránꞌ, jín jie̱ꞌe̱ꞌ kúváꞌa iniꞌ ránꞌ jín ñɨvɨ, jín jie̱ꞌe̱ꞌ yɨ́ꞌɨ́ Ta̱chi̱ꞌ Ííꞌ iniꞌ ránuꞌuꞌ, jín jie̱ꞌe̱ꞌ saɨn ñúꞌún iniꞌ ránꞌ ñúnúunꞌ ránꞌ ñɨvɨ,

2 Corintios 11:6

Chi retú ntu túꞌva ni̱ꞌ kaꞌanꞌ va̱ꞌa ni̱ꞌ, soo nsú sukuán kúvi jie̱ꞌe̱ꞌ ya̱ jíníꞌ va̱ꞌa ni̱ꞌ tu̱ꞌun váꞌa jie̱ꞌe̱ꞌ Jesús, chi nstúvi kájí ni̱ꞌ yaꞌá nu̱u̱nꞌ ránoꞌó, ntáká nu̱u̱nꞌ, ntáká íchí.