1 Corintios 12:26 - Mixteco del suroeste de Tlaxiaco Oaxaca

²⁶ Chi retú nóꞌo ɨɨn rá pedasúꞌ yɨkɨkúñu‑ó tu̱nóꞌó, jee kua̱íyó nɨ́ɨ́nkáꞌnú rá pedasúꞌ yɨkɨkúñu‑ó nóꞌo jín‑i. Jee retú ɨɨn pedasúꞌ yɨkɨkúñu‑ó ni̱ꞌi̱nꞌ‑i ya̱ ñáꞌnú‑u, jee suni ne̱ kua̱íyó rá pedasúꞌ yɨkɨkúñu‑ó núsɨ́ɨꞌ iniꞌ ráa jín‑i ranika̱ꞌ.

1 Corintios 12:26 Referans Kwoze

Romanos 12:15

Jee kusɨ̱ɨ̱ꞌ iniꞌ rán jín rá ñɨvɨ ya̱ kúsɨ́ɨꞌ iniꞌ ya̱ va̱ꞌa kua̱ꞌa̱nꞌ jín‑i, jee jiaku iniꞌ rán jín rá ñɨvɨ jiáku iniꞌ.

Gálatas 6:2

Chineí táꞌán rán néni ɨɨn ya̱ nóꞌo táꞌán rán. Chi sukuán sikúnkuvi rán tu̱ꞌun ley tátúníꞌ Cristo.

Hebreos 13:3

Jee naku̱ꞌun iniꞌ rán chineí rán rá ñɨvɨ yɨ́ꞌɨ́ veka̱a, kuéntáꞌ retánꞌ ne̱ jíꞌín rán yɨ́ꞌɨ́ veka̱a jín ráa. Jee suni chineí rán rá ñanitáꞌán rán ya̱ sáꞌá kini rá ñɨvɨ ráa, kuéntáꞌ kua̱ꞌ retánꞌ maárán ví ya̱ nóꞌo maa.

1 Pedro 3:8

Jee nu̱u̱nꞌ nɨꞌɨ ɨɨn nuún ni kuꞌun iniꞌ ɨɨn inka ntáká rán, kunáꞌví iniꞌ rán táꞌán rán ré na̱kuáꞌ nóꞌo‑o, kunu̱u̱nꞌ rán ɨɨn inka ñanitáꞌán rán, kuñunkúún iniꞌ ánímaꞌ rán jee kuꞌun láꞌví iniꞌ rán.

Mateo 3:15

Jee nkachiꞌ Jesús nu̱u̱nꞌ re̱ꞌ: ―Kɨnetuꞌ nú saꞌá‑ó maa, chi saá íyó sikúnkuvi‑ó ntáká rá tiñu na̱a̱ꞌ sáni kuíni Ndiosíꞌ saꞌá‑ó ―nkachiꞌ re̱ꞌ. Saájee ñɨ̱netuꞌ Juan sikuánuté re̱ꞌ Jesús.

Mateo 5:29

’Jee saáva, retú nchinúún kuáꞌá nú sáꞌá‑a ya̱ kininkava nú nu̱u̱nꞌ kua̱chi, va̱ꞌa ka̱ꞌ tavaꞌ nú maa sukuíkó nú maa. Chi va̱ꞌa ka̱ꞌ ví nú ya̱ sukuíkó nú ɨɨn rá íyó nu̱u̱nꞌ yɨkɨkúñu nú, nsú káꞌ ya̱ sukuíkó nɨꞌɨ ñunéꞌyúꞌ nú nu̱u̱nꞌ ñuꞌúnꞌ xéénꞌ.

1 Corintios 12:25

Jee sukuán nsa̱ꞌá Ndiosíꞌ sáva ntu kusɨ́ɨ́n rá pedasúꞌ yɨkɨkúñu, chisaꞌ sáva íyó chineí táꞌán ráa.

1 Corintios 12:27

Jee ránoꞌó ranika̱ꞌ chi kúvi rán yɨkɨkúñu Cristo, chi yɨ́ꞌɨ́ rán nu̱u̱nꞌ re̱ꞌ, jee ta ɨɨn ta ɨɨn‑ó kúvi‑ó pedasúꞌ yɨkɨkúñu re̱ꞌ.