1 Corintios 12:10 - Mixteco del suroeste de Tlaxiaco Oaxaca

¹⁰ Jee nu̱u̱nꞌ inka‑ó ka̱ꞌ táji re̱ꞌ fuersáꞌ níꞌin níso re̱ꞌ sáva kuvi saꞌá‑a rá tiñu a̱nasɨ́ váꞌa, jee nu̱u̱nꞌ inka‑ó ka̱ꞌ táji re̱ꞌ ya̱ kuvi nakani‑i tu̱ꞌun kéne yuꞌú maá Ndiosíꞌ, jee nu̱u̱nꞌ inka‑ó ka̱ꞌ táji re̱ꞌ ta̱ꞌvi̱ꞌ sáva nakuniꞌ‑i ntáká ya̱ váji nu̱u̱nꞌ Ta̱chi̱ꞌ Ííꞌ áxí retú nu̱u̱nꞌ ta̱chi̱ꞌ kíni va̱ji rá tu̱ꞌun vá. Jee nu̱u̱nꞌ inka‑ó ka̱ꞌ táji re̱ꞌ ta̱ꞌvi̱ꞌ ya̱ kuvi kaꞌanꞌ‑a kéꞌín nu̱u̱nꞌ tu̱ꞌun ya̱ ntu jiáku̱ꞌun iniꞌ‑i, jee nu̱u̱nꞌ inka‑ó ka̱ꞌ táji re̱ꞌ ta̱ꞌvi̱ꞌ ya̱ kuvi nakachiꞌ‑i ná kúníꞌ kachiꞌ rá tu̱ꞌun káꞌánꞌ ñɨvɨ súnika̱ꞌ ntu jiáku̱ꞌun iniꞌ‑i vá.

1 Corintios 12:10 Referans Kwoze

1 Corintios 14:39

Jee saáva ránoꞌó ñaniꞌ jín ku̱ꞌva maáníꞌ, kuꞌun kúvi iniꞌ rán nakani rán tu̱ꞌun nkene yuꞌú Ndiosíꞌ, jee koto jíníi̱yo rán ya̱ káꞌánꞌ rá ñɨvɨ inka nu̱u̱nꞌ rá tu̱ꞌun ya̱ ntu jiáku̱ꞌun iniꞌ rán.

1 Juan 4:1

Ránoꞌó ya̱ ñúnúunꞌ ni̱ꞌ, koto jínúꞌ iniꞌ rán nta̱ká rá ñɨvɨ ya̱ káchíꞌ ráa ya̱ káꞌánꞌ ráa tu̱ꞌun ya̱ njia̱ꞌa Ta̱chi̱ꞌ Ííꞌ sákachiꞌ ráa. Chisaꞌ kototúníꞌ rán ráa sáva nanukútúꞌun rán retú ta̱chi̱ꞌ njia̱ꞌa rá tu̱ꞌun káꞌánꞌ ráa kúvi Ta̱chi̱ꞌ Ííꞌ ya̱ va̱ji ne̱ nu̱u̱nꞌ Ndiosíꞌ áxí ntu̱ví. Chi kue̱ꞌe̱ꞌ víꞌí ñɨvɨ jíkanuun ñɨ̱vɨ́ yaꞌá káꞌánꞌ ráa tuntúꞌún, ya̱ kátúꞌún ráa nika̱ꞌ ya̱ kúvi ráa ñɨvɨ ya̱ nákani ráa tu̱ꞌun kéne yuꞌú Ndiosíꞌ.

Marcos 16:17

Jee rá seña yaꞌá koo jín rá ñɨvɨ, ya̱ kúneí iniꞌ ráa nuꞌuꞌ, sáva stúvi‑i ya̱ íñɨ́ ni̱ꞌ jín ráa: ya̱ nu̱u̱nꞌ súví ni̱ꞌ taníkɨ́nꞌ ráa rá ta̱chi̱ꞌ néꞌí yɨ́ꞌɨ́ ñɨvɨ. Jee kaꞌanꞌ ráa inka ka̱ꞌ nu̱u̱nꞌ tu̱ꞌun, ya̱ ntu jiáku̱ꞌun iniꞌ ráa.

Gálatas 3:5

¿Na̱ jie̱ꞌe̱ꞌ táji Ndiosíꞌ Ta̱chi̱ꞌ Ííꞌ re̱ꞌ nu̱u̱nꞌ ránoꞌó jee sáꞌá re̱ꞌ rá milagrúꞌ nteñu rán? Ntu sáꞌá re̱ꞌ maa jie̱ꞌe̱ꞌ ya̱ núkú rán saꞌá rán ya̱ tátúníꞌ tu̱ꞌun ley, chisaꞌ sáꞌá re̱ꞌ maa jie̱ꞌe̱ꞌ ya̱ kúneí iniꞌ rán tu̱ꞌun váꞌa re̱ꞌ ya̱ nteso̱ꞌo rán.

Marcos 16:20

Jee nke̱i̱chí rá te̱e vá, jee nɨ́ɨ́n nste̱kútu̱ꞌún ráa tu̱ꞌun váꞌa Jesús, jee nchi̱neí maá I̱toꞌoꞌ‑ó ráa, jee nstúvi re̱ꞌ ya̱ naáꞌ ví tu̱ꞌun vá jín seña ííꞌ a̱nasɨ́ nsa̱ꞌá re̱ꞌ. Saá koo. Amén.]

Apoclipsis 2:2

Jee jíníꞌ ni̱ꞌ ntáká tiñu váꞌa sáꞌá rán, jee íñɨ́ yɨ́ɨ́ rán yɨ́tíñú rán nu̱u̱nꞌ ni̱ꞌ, jín ya̱ káꞌnú íyó iniꞌ rán kúníꞌin rán íñɨ́ rán jín nuꞌuꞌ. Jee suni jíníꞌ ni̱ꞌ ya̱ ntu kúvi keꞌneꞌ iniꞌ rán ya̱ koo ñɨvɨ kánéꞌén nteñu rán. Jee jítotúníꞌ rán rá te̱e xínáꞌví ya̱ káchíꞌ ráa nika̱ꞌ ya̱ apóstol kúvi ráa ya̱ nchu̱ichí Ndiosíꞌ ráa, soo ntu̱ví, jee saáva jíníꞌ rán ya̱ kúvi ráa te̱e túꞌún ni.

1 Tesalonicenses 5:20

Koto kúníichiꞌ rán rá tu̱ꞌun nákani ñɨvɨ ya̱ kene yuꞌú Ndiosíꞌ.

1 Corintios 13:8

Jee ñɨvɨ ya̱ ñúnúunꞌ‑u táꞌán‑a, jee ni nsáꞌ ji̱nu ñúnúunꞌ‑u. Vitan jee nákani ñɨvɨ rá tu̱ꞌun kéne yuꞌú máá maá Ndiosíꞌ, soo kenta ki̱vɨ̱ꞌ ya̱ sijínu re̱ꞌ maa. Áxí jiáꞌa re̱ꞌ ta̱ꞌvi̱ꞌ ya̱ káꞌánꞌ ñɨvɨ inka nu̱u̱nꞌ rá tu̱ꞌun ya̱ ntu jiáku̱ꞌun iniꞌ ráa, soo kenta ya̱ xinɨ́ꞌɨ re̱ꞌ maa. Áxí jiáꞌa re̱ꞌ ta̱ꞌvi̱ꞌ nu̱u̱nꞌ ñɨvɨ ya̱ jíníꞌ va̱ꞌa víꞌí‑i jee xínéꞌénꞌ‑e vá, soo sijínu re̱ꞌ maa.

Romanos 15:19

jín ya̱ káꞌánꞌ ni̱ꞌ jie̱ꞌe̱ꞌ ya̱ nsa̱ꞌá re̱ꞌ jín ni̱ꞌ rá seña ya̱ níso fuersáꞌ ííꞌ jín rá a̱nasɨ́ sáva stúvi ya̱ kúñáꞌnú re̱ꞌ, chi Ta̱chi̱ꞌ Ííꞌ re̱ꞌ nsa̱ꞌá maa jín fuersáꞌ ííꞌ níso re̱ꞌ. Nsa̱ꞌá re̱ꞌ nɨꞌɨ yaꞌá sáva sikúnkuvi ni̱ꞌ stekútu̱ꞌún ni̱ꞌ tu̱ꞌun váꞌa jie̱ꞌe̱ꞌ Cristo ne̱ ñuunꞌ Jerusalén, jín ntáká rá ñuunꞌ ya̱ káá ni̱kótíyu ntáká ichi yukuán, kénta kua̱íyó ne̱ rá ñuunꞌ ya̱ sánitɨ́ɨn ñuunꞌ Ilírico.

Romanos 12:6

Jee suni sukuán íyó sɨ́ɨ́n sɨ́ɨ́n rá ta̱ꞌvi̱ꞌ‑ó sáni nsi̱kútaꞌviꞌ Ndiosíꞌ nu̱u̱nꞌ ta ɨɨn ɨɨn‑ó chíneí re̱ꞌ sáꞌá‑ó tiñu re̱ꞌ. Retú ni̱ꞌi̱nꞌ nú ta̱ꞌvi̱ꞌ ya̱ nakani nú tu̱ꞌun kene yuꞌú Ndiosíꞌ, saꞌá maa sánikua̱ꞌ chúkúꞌva Ndiosíꞌ jiáꞌa re̱ꞌ ya̱ kúneí iniꞌ nú re̱ꞌ.

Hechos 19:6

Jee sáá nchi̱só Pablo naꞌá re̱ꞌ ráa jee nki̱vɨ Ta̱chi̱ꞌ Ííꞌ iniꞌ ráa. Jee nkaꞌanꞌ ráa inka nu̱u̱nꞌ rá tu̱ꞌun. Jee nkaꞌanꞌ ráa tu̱ꞌun, ya̱ njia̱ꞌa Ndiosíꞌ nu̱u̱nꞌ ráa.

Hechos 11:28

Ɨɨn ráa naní Agabo, jee nnakui̱ñɨ̱ꞌ nichiꞌ re̱ꞌ, jee njia̱ꞌa Ta̱chi̱ꞌ Ííꞌ Ndiosíꞌ sákachiꞌ re̱ꞌ, jee nste̱kútu̱ꞌún ya̱chi̱ꞌ re̱ꞌ, ya̱ kutámá ntántúníꞌ nɨꞌɨ rá ñuunꞌ. (Nkuvi suꞌva rá tiempúꞌ nta̱túníꞌ Claudio nu̱u̱nꞌ ñuunꞌ Roma.)

Hechos 5:3

Soo nkachiꞌ Pedro nu̱u̱nꞌ‑u: ―Ananías, ¿na̱ jie̱ꞌe̱ꞌ chi nku̱neí Satanás ntɨɨn‑ɨ ánímaꞌ nú, sáva katúꞌún nú nu̱u̱nꞌ Ta̱chi̱ꞌ Ííꞌ Ndiosíꞌ, jee nkino̱o nú jín sava xu̱ꞌún ya̱ꞌvi ñuꞌun nú ya̱ nxi̱kó nú?

Hechos 1:8

Soo ni̱ꞌi̱nꞌ rán fuersáꞌ ííꞌ sáá kenta Ta̱chi̱ꞌ Ííꞌ kɨꞌɨ re̱ꞌ iniꞌ rán. Jee kuvi rán ñɨvɨ, ya̱ istúvi rán ya̱ naáꞌ jie̱ꞌe̱ꞌ nuꞌuꞌ nu̱u̱nꞌ rá ñɨvɨ ñuunꞌ Jerusalén jín nu̱u̱nꞌ nɨꞌɨ rá sánitɨ́ɨn Judea jín Samaria, jín nu̱u̱nꞌ rá ñɨvɨ íyó rá ñuunꞌ íká ka̱ꞌ nu̱u̱nꞌ nɨ́ɨ́nkáꞌnú ñɨ̱vɨ́ ―nkachiꞌ Jesús.

Juan 16:13

Soo sáá kiji Ta̱chi̱ꞌ Ííꞌ, ya̱ stúvi tu̱ꞌun na̱a̱ꞌ, jee maáréꞌ nachuꞌun re̱ꞌ ichi ránoꞌó ya̱ taji re̱ꞌ nɨꞌɨ ya̱ naáꞌ. Chi nsú ya̱ tátúníꞌ maáréꞌ vá kachiꞌ re̱ꞌ, chisaꞌ kachiꞌ re̱ꞌ rá tu̱ꞌun tésóꞌo re̱ꞌ ya̱ káchíꞌ Tátáꞌ ni̱ꞌ. Jee saꞌá re̱ꞌ ya̱ kukáꞌnú iniꞌ rán rá tiñu ya̱ kiji koo ichinúúnꞌ.

Juan 14:12

Jee máá naáꞌ vá káchíꞌ ni̱ꞌ nu̱u̱nꞌ rán: Ɨɨn ñɨvɨ ya̱ kúneí iniꞌ‑i nuꞌuꞌ, jee rá tiñu ya̱ sáꞌá nuꞌuꞌ, jee suni saꞌá‑a rá tiñu vá. Jee saꞌ víꞌí káꞌ saꞌá‑a tiñu ñáꞌnú ka̱ꞌ nsú káꞌ tiñu yaꞌá, chi nuꞌuꞌ jee kɨ̱ꞌɨ̱nꞌ noꞌonꞌ ni̱ꞌ nu̱u̱nꞌ Tátáꞌ ni̱ꞌ.

Lucas 24:49

Jee kune̱ꞌyá rán, chi nuꞌuꞌ chúichí ni̱ꞌ Ta̱chi̱ꞌ Ííꞌ kiji‑i nu̱u̱nꞌ rán sánikua̱ꞌ ya̱ nchi̱sóyuꞌú Tátáꞌ ni̱ꞌ. Soo kino̱o rán kunetu rán nu̱u̱nꞌ ñuunꞌ Jerusalén, nekuaꞌ ni̱ꞌi̱nꞌ rán fuersáꞌ ííꞌ Ndiosíꞌ ya̱ kiji ne̱ antivɨ́ súkún ―nkachiꞌ Jesús nu̱u̱nꞌ ráa.

Hebreos 2:4

Jee stúvi maá Ndiosíꞌ ya̱ naáꞌ ví tu̱ꞌun vá. Chi nsa̱ꞌá re̱ꞌ ya̱ saꞌá rá te̱e vá rá seña, jín tiñu ñáꞌnú ya̱ tívɨ́ xíniꞌ‑ó, jín kéꞌín nu̱u̱nꞌ a̱nasɨ́, ya̱ stúvi ya̱ naáꞌ ví tu̱ꞌun vá. Jee suni ntaji re̱ꞌ Ta̱chi̱ꞌ Ííꞌ re̱ꞌ nu̱u̱nꞌ ta ɨɨn ɨɨn‑órán, sáva saꞌá‑a ya̱ kuvi saꞌá‑ó sɨ́ɨ́n sɨ́ɨ́n tiñu re̱ꞌ, sánikua̱ꞌ kuíni maáréꞌ.

Hechos 11:27

Rá ki̱vɨ̱ꞌ yukuán, rá te̱e, ya̱ nákani tu̱ꞌun kéne yuꞌú Ndiosíꞌ, jee nkene ráa ñuunꞌ Jerusalén, jee nkenta ráa ñuunꞌ Antioquía.

1 Corintios 11:4

Jee saáva ntáká te̱e ya̱ násɨ́ꞌ xi̱ni̱ꞌ re̱ꞌ sáá káꞌánꞌ re̱ꞌ jín Ndiosíꞌ, áxí retú sáá káchítu̱ꞌún re̱ꞌ tu̱ꞌun kéne yuꞌú Ndiosíꞌ nu̱u̱nꞌ rá ñɨvɨ nútútú ya̱ jínúꞌ iniꞌ ráa Ndiosíꞌ, jee yukuán sáre jiáꞌa re̱ꞌ tu̱nkánuun maáréꞌ ya̱ retú sáꞌá re̱ꞌ sukuán.

1 Corintios 14:13

Jee saáva ñɨvɨ ya̱ káꞌánꞌ inka nu̱u̱nꞌ tu̱ꞌun ya̱ ntu̱ví jiáku̱ꞌun iniꞌ‑i, jee íyó ka̱ka̱nꞌ táꞌvíꞌ ñɨvɨ vá nu̱u̱nꞌ Ndiosíꞌ ya̱ ku̱ꞌva re̱ꞌ nu̱u̱nꞌ‑u ya̱ kuvi nakachiꞌ‑i ná kúníꞌ kachiꞌ tu̱ꞌun káꞌánꞌ‑a vá.