1 Corintios 11:26 - Mixteco del suroeste de Tlaxiaco Oaxaca

²⁶ Jee saáva ntáká íchí ya̱ kajiꞌ rán i̱xta̱tíláꞌ yaꞌá jín ya̱ koꞌo rán ya̱ ñúꞌún iniꞌ vasúꞌ yaꞌá, jee stékútu̱ꞌún rán ya̱ ni̱ꞌi̱ꞌ I̱toꞌoꞌ‑ó jie̱ꞌe̱ꞌ kua̱chi‑ó nekuaꞌ niji tuku re̱ꞌ.

1 Corintios 11:26 Referans Kwoze

Apoclipsis 1:7

¡Kune̱ꞌyá rán!, chi nenta Cristo nu̱u̱nꞌ viko, jee ntáká rá ñɨvɨ kuniꞌ jín núunꞌ ráa re̱ꞌ, jee suni ne̱ rá ñɨvɨ ya̱ nkaanꞌ ráa yaviꞌ re̱ꞌ ñaꞌniꞌ ráa re̱ꞌ kuniꞌ jínúunꞌ ráa re̱ꞌ. Saájee suni ne̱ ntáká rá tataꞌ rá ñɨvɨ íyó kua̱íyó iniꞌ ñɨ̱vɨ́ yaꞌá, jee jiaku iniꞌ ráa kunaꞌyuꞌ ráa ya̱ ntu ni̱nu̱ꞌ iniꞌ ráa kaníjiá ráa re̱ꞌ. Saá nijia, sukuán koo.

Hebreos 9:28

Jee suni sukuán Cristo ɨɨn ni íchí nso̱ko̱ꞌ re̱ꞌ maáréꞌ ni̱ꞌi̱ꞌ re̱ꞌ sáva nsiíyo re̱ꞌ kua̱chi rá ñɨvɨ kue̱ꞌe̱ꞌ. Jee niji tuku re̱ꞌ ya̱ uvíꞌ íchí, soo nsú káꞌ sáva so̱ko̱ꞌ tuku re̱ꞌ maáréꞌ jie̱ꞌe̱ꞌ kua̱chi, chisaꞌ kiji re̱ꞌ sáva xinánitáꞌvíꞌ re̱ꞌ rá ñɨvɨ ya̱ nétu kuvi iniꞌ ráa re̱ꞌ.

Juan 14:3

Jee sáá kɨ̱ꞌɨ̱nꞌ ni̱ꞌ jee saꞌá túꞌva ni̱ꞌ nu̱u̱nꞌ kuneeꞌ rán, jee kiji tuku ni̱ꞌ, jee kinake̱ꞌen ni̱ꞌ ránoꞌó, sáva suni kuneeꞌ rán nu̱u̱nꞌ kuneeꞌ ni̱ꞌ.

1 Juan 2:28

Jee vitan ra, ránoꞌó ya̱ kúvi rán kuéntáꞌ se̱ꞌya ni̱ꞌ, kino̱o kutú rán kɨꞌɨ rán nu̱u̱nꞌ Cristo sáva sáá kitu̱vi re̱ꞌ sáá niji re̱ꞌ ñɨ̱vɨ́ yaꞌá, jee kuneí iniꞌ‑ó kuiñɨ‑ó ichinúúnꞌ re̱ꞌ, jee nkúkanuun‑ó nu̱u̱nꞌ re̱ꞌ sáá niji re̱ꞌ.

Hechos 1:11

Jee nkachiꞌ núvíꞌ rá te̱e vá nu̱u̱nꞌ ráa: ―Rá te̱e Galilea, ¿na̱ kuvi chi íñɨ́ rán néꞌyá rán súkún? Jesús yaꞌá, ya̱ nkene‑e nteñu rán jee nnaa‑a ne̱ súkún, nuún niji tuku‑u mákua niniꞌ rán maa kua̱ꞌa̱nꞌ‑a súkún ―nkachiꞌ núvíꞌ rá te̱e vá.

2 Pedro 3:10

Soo ki̱vɨ̱ꞌ ya̱ nenta I̱toꞌoꞌ‑ó sanáaꞌ re̱ꞌ jee sa̱naanꞌ ni nenta re̱ꞌ kuéntáꞌ kua̱ꞌ sa̱naanꞌ ni kenta ɨɨn te̱e kuíꞌná. Jee ki̱vɨ̱ꞌ nenta re̱ꞌ, jee nɨꞌɨn víꞌí súkún jee kɨ̱naanꞌ‑a. Jee nɨꞌɨ ya̱ íyó súkún jín ñɨ̱vɨ́ ka̱yu̱ꞌ‑u jee ta̱nɨ̱ꞌ‑ɨ jee nta̱ká ya̱ íyó iniꞌ ñɨ̱vɨ́ yaꞌá ka̱yu̱ꞌ‑u.

Juan 21:22

Jee nkachiꞌ Jesús nu̱u̱nꞌ Pedro: ―Retú kuíni ni̱ꞌ ya̱ kino̱o re̱ꞌ kutekuꞌ re̱ꞌ ne̱ ki̱vɨ̱ꞌ nikó tuku ni̱ꞌ niji ni̱ꞌ, ¿na̱ kuvi chi jítú iniꞌ nú maa? Noꞌó, kunikɨnꞌ nuꞌuꞌ ―nkachiꞌ Jesús.

Apoclipsis 22:20

Jee maá Jesús jiáꞌa ya̱ naáꞌ jie̱ꞌe̱ꞌ ntáká rá tu̱ꞌun yaꞌá, jee káchíꞌ re̱ꞌ: ―Máá naáꞌ nijia kúvi ya̱ ñamani niji ni̱ꞌ ―kachiꞌ re̱ꞌ. Jee nkachiꞌ ni̱ꞌ nu̱u̱nꞌ re̱ꞌ: ―¡Amén! ¡Sukuán koo! ¡Neꞌenꞌ I̱toꞌoꞌ ni̱ꞌ Jesús! ―nkachiꞌ ni̱ꞌ.

Judas 1:14

Jee suni nkachiꞌ ya̱chi̱ꞌ Enoc tu̱ꞌun nkene yuꞌú maá Ndiosíꞌ ya̱ nkaꞌanꞌ‑a jie̱ꞌe̱ꞌ rá te̱e túꞌún yaꞌá. Jee ne̱ nu̱u̱nꞌ Adán nkene se̱ꞌya re̱ꞌ jee ni̱yo se̱ꞌya se̱ꞌya re̱ꞌ jee suꞌva níkɨ́nꞌ va̱ji ichinúúnꞌ nkenta u̱xa̱ꞌ táꞌ ráa ne̱ sáá nkaku Enoc. Jee nkachiꞌ Enoc: “Kune̱ꞌyá, kiji I̱toꞌoꞌ jín kue̱ꞌe̱ꞌ víꞌí mil rá najiáꞌáꞌ ííꞌ re̱ꞌ,

1 Tesalonicenses 4:16

Chi máá maá I̱toꞌoꞌ‑ó kinkuun súkún, sáá kanajíín Ndiosíꞌ tatúníꞌ re̱ꞌ, jee kanajíín ɨɨn ta̱chi̱yuꞌú ɨɨn najiáꞌáꞌ ííꞌ kúñáꞌnú ka̱ꞌ, ya̱ káchíꞌ‑ó arcángel, jee tivɨꞌ nusuꞌ ɨɨn trompeta Ndiosíꞌ. Saájee rá níꞌiꞌ ya̱ yɨ́ꞌɨ́ ráa nu̱u̱nꞌ Cristo, xíꞌnañúꞌún ráa ka̱ꞌ natekuꞌ i̱i̱ꞌ ráa jee nako̱o yɨkɨkúñu ráa.

1 Corintios 15:23

Soo ta ɨɨn ɨɨn ñɨvɨ sánikua̱ꞌ níkɨ́nꞌ táꞌán‑a. Xíꞌnañúꞌún ka̱ꞌ Cristo ya nna̱tekuꞌ i̱i̱ꞌ, jee kuíre natekuꞌ ntáká rá ñɨvɨ ya̱ yɨ́ꞌɨ́ ráa nu̱u̱nꞌ re̱ꞌ, sáá niji tuku re̱ꞌ iniꞌ ñɨ̱vɨ́ yaꞌá.

2 Tesalonicenses 1:10

Suꞌva kuvi sáá nenta Jesús, sáva nakuetúꞌún rá ñɨvɨ re̱ꞌ, ya̱ nsa̱ꞌá sɨ́ɨ́n Ndiosíꞌ ráa sáva kɨꞌɨ ráa nu̱u̱nꞌ Jesús. Jee ti̱vɨ́ xíniꞌ nɨꞌɨ ráa kune̱ꞌyá ráa re̱ꞌ, ya̱ jínúꞌ iniꞌ ráa tu̱ꞌun váꞌa jie̱ꞌe̱ꞌ re̱ꞌ. Jee suni ránoꞌó, chi ni̱nu̱ꞌ iniꞌ rán tu̱ꞌun nkachitu̱ꞌún ráníꞌ nu̱u̱nꞌ ránoꞌó jie̱ꞌe̱ꞌ re̱ꞌ.

1 Corintios 4:5

Saáva, koto sáꞌá náaꞌ rán si̱kɨ̱ꞌ táꞌán rán nekuaꞌ niji maá I̱toꞌoꞌ‑ó. Maáréꞌ nastúvi nijinꞌ re̱ꞌ rá tiñu nsa̱ꞌá yuꞌuꞌ‑ó nu̱u̱nꞌ neenꞌ, jee nastúvi re̱ꞌ ya̱ ñúꞌún iniꞌ ánímaꞌ‑ó. Saájee nakuetúꞌún Ndiosíꞌ ta ɨɨn ɨɨn ñɨvɨ sánikua̱ꞌ íyó ni̱ꞌi̱nꞌ maa.

Juan 21:23

Saájee nteñu rá ñanitáꞌán, ya̱ kúneí iniꞌ ráa Jesús, ñe̱te̱nuun tu̱ꞌun yaꞌá ya̱ nsáꞌ kuviꞌ te̱e vá ya̱ súkuáꞌa Jesús maa. Soo nsáꞌ nkachiꞌ Jesús ya̱ nku̱víꞌ‑i, chisaꞌ nkachiꞌ re̱ꞌ ya̱: “Retú kuíni ni̱ꞌ ya̱ kino̱o re̱ꞌ ya̱ kutekuꞌ re̱ꞌ ne̱ ki̱vɨ̱ꞌ nikó tuku ni̱ꞌ niji ni̱ꞌ, ¿na̱ kuvi chi jítú iniꞌ nú maa?” nkachiꞌ Jesús.