1 Corintios 11:23 - Mixteco del suroeste de Tlaxiaco Oaxaca

²³ Chi nuꞌuꞌ chi nni̱ꞌi̱nꞌ ni̱ꞌ tu̱ꞌun ya̱ ntaji I̱toꞌoꞌ‑ó nu̱u̱nꞌ ni̱ꞌ, jee tu̱ꞌun vá ví ya̱ ntaji ni̱ꞌ nu̱u̱nꞌ ránoꞌó ya̱ káchíꞌ‑i ya̱ máá yakuááꞌ ki̱vɨ̱ꞌ ya̱ nna̱ku̱ꞌva ɨɨn te̱e I̱toꞌoꞌ‑ó Jesús, jee saá nku̱xíní re̱ꞌ jín rá te̱e nsu̱kuáꞌa re̱ꞌ ráa, jee ntɨɨn re̱ꞌ i̱xta̱tíláꞌ,

1 Corintios 11:23 Referans Kwoze

1 Corintios 15:3

Chi tu̱ꞌun ñáꞌnú ka̱ꞌ ya̱ nxi̱néꞌénꞌ ni̱ꞌ ránoꞌó, kúvi tu̱ꞌun ya̱ suni ni̱ꞌi̱nꞌ ni̱ꞌ maa nu̱u̱nꞌ maá Ndiosíꞌ ranika̱ꞌ. Jee suvi kúvi tu̱ꞌun vá ya̱ níꞌiꞌ Cristo sáva natavaꞌ re̱ꞌ yó nu̱u̱nꞌ kua̱chi‑ó, kuéntáꞌ sánikua̱ꞌ káchíꞌ nu̱u̱nꞌ Tutuꞌ Ííꞌ níso Tu̱ꞌun Ndiosíꞌ, ya̱ naní Escritura,

1 Tesalonicenses 4:2

Chi jíníꞌ ránoꞌó tu̱ꞌun nxi̱néꞌénꞌ ránꞌ nu̱u̱nꞌ ránoꞌó, chi I̱toꞌoꞌ‑ó Jesús ntaji re̱ꞌ tiñu níso ráníꞌ xinéꞌénꞌ ránꞌ maa.

Mateo 28:20

Jee xinéꞌénꞌ rán ráa ya̱ kaníjiá ráa ntáká ya̱ nta̱túníꞌ ni̱ꞌ nu̱u̱nꞌ rán, jee nuꞌuꞌ koo ni̱ꞌ jín rán ntáká ki̱vɨ̱ꞌ ne̱kua̱ꞌ kenta ji̱nu tiempúꞌ nu̱u̱nꞌ nɨ́ꞌɨ. Sukuán koo.

Gálatas 1:1

Maáníꞌ, Pablo tée ni̱ꞌ nu̱u̱nꞌ tutuꞌ yaꞌá. Níso ni̱ꞌ tiñu apóstol, ya̱ chúichí Ndiosíꞌ stekútu̱ꞌún ni̱ꞌ tu̱ꞌun re̱ꞌ. Nsú rá ñɨvɨ ví ya̱ nchu̱ichí nuꞌuꞌ ni ya̱ nsáꞌ ñani ñɨvɨ nuꞌuꞌ kunisotíñú ni̱ꞌ. Chi maá Jesús ya̱ kúvi Cristo jín Tátáꞌ‑ó ya̱ kúvi Ndiosíꞌ ñani ráa nuꞌuꞌ. Jee Ndiosíꞌ ví ya̱ nxi̱nátekuꞌ i̱i̱ꞌ re̱ꞌ Jesús nteñu rá níꞌiꞌ jee nxi̱nákóo re̱ꞌ yɨkɨkúñu‑u jee tékúꞌ‑u.

Hechos 20:7

Jee ki̱vɨ̱ꞌ xíꞌnañúꞌún ya̱ kájiéꞌé semana nku̱tútú ránꞌ kajiꞌ nkáꞌnú ránꞌ. Pablo nste̱kútu̱ꞌún Tu̱ꞌun Ndiosíꞌ nu̱u̱nꞌ ráa. Sukuán kene re̱ꞌ ki̱vɨ̱ꞌ steñu̱ꞌún, saáva nééꞌ re̱ꞌ káꞌánꞌ re̱ꞌ ne̱ savañuún.

Mateo 26:34

Soo nkachiꞌ Jesús nu̱u̱nꞌ Pedro: ―Máá nááꞌ vá káchíꞌ ni̱ꞌ nu̱u̱nꞌ nú, ya̱ yakuááꞌ vitan, ne̱ ntiáꞌan ka̱ꞌ kana stóꞌo, jee u̱ni̱ꞌ íchí kachiꞌ nú ya̱ ntu jíníꞌ nú nuꞌuꞌ ―nkachiꞌ Jesús nu̱u̱nꞌ Pedro.

Mateo 26:17

Jee máá ki̱vɨ̱ꞌ xíꞌnañúꞌún viko ya̱ yájíꞌ rá ñɨvɨ i̱xta̱tíláꞌ ntu yɨ́ꞌɨ́ levadura, jee ña̱kuyatin rá te̱e súkuáꞌa Jesús ráa nu̱u̱nꞌ re̱ꞌ, jee ni̱ka̱tu̱ꞌún ráa re̱ꞌ: ―¿Né núꞌ kuíni nú ya̱ kɨ̱saꞌá stákoo ránꞌ sáva kuxíní nú viko Pascua jín ránꞌ? ―nkachiꞌ ráa nu̱u̱nꞌ Jesús.

Mateo 26:2

―Ya jíníꞌ rán ya̱ u̱vi̱ꞌ ni ka̱ꞌ ki̱vɨ̱ꞌ kúníꞌ jee koo viko Pascua, jee nuꞌuꞌ, ya̱ nta̱jí Ndiosíꞌ nu̱u̱nꞌ ñɨ̱vɨ́ sáva kuvi ni̱ꞌ Se̱ꞌya Ñɨvɨ, jee naku̱ꞌva rá ñɨvɨ nuꞌuꞌ sáva kuntakaa ni̱ꞌ nu̱u̱nꞌ kurúsiꞌ ―nkachiꞌ Jesús.

Lucas 22:17

Jee kuíre ntɨɨn re̱ꞌ ɨɨn vasúꞌ nixiꞌ nu̱xi uva, jee njia̱ꞌa re̱ꞌ ya̱ kútaꞌviꞌ re̱ꞌ nu̱u̱nꞌ Ndiosíꞌ, jee nkachiꞌ re̱ꞌ: ―Yaꞌá rán vasúꞌ yaꞌá, jee tasáva rán maa nteñu maárán koꞌo ntáká maárán maa.

1 Corintios 10:16

Jee sáá jíꞌi tútú‑ó copa ííꞌ nixiꞌ nu̱xi jee jiáꞌa‑ó ya̱ kútaꞌviꞌ‑ó nu̱u̱nꞌ Cristo, ¿á nsáꞌ sáꞌá‑ó maa chi násánuún‑ó iniꞌ‑ó jín ya̱ ni̱ꞌi̱ꞌ Cristo jie̱ꞌe̱ꞌ‑ó jee ñatɨ ni̱ñɨ̱ꞌ re̱ꞌ rúsa? Jee sunisaá sáá tásáva‑ó i̱xta̱tíláꞌ ya̱ yájíꞌ tútú nkáá‑ó maa, jee, ¿á nsáꞌ sáꞌá‑ó maa chi násánuún‑ó iniꞌ‑ó jín ya̱ nso̱ko̱ꞌ Cristo yɨkɨkúñu re̱ꞌ sáá ni̱ꞌi̱ꞌ re̱ꞌ nu̱u̱nꞌ kurúsiꞌ jie̱ꞌe̱ꞌ‑ó rúsa?

Colosenses 3:24

Chi ya̱ jíníꞌ rán ya̱ ni̱ꞌi̱nꞌ rán nu̱u̱nꞌ máá I̱toꞌoꞌ‑ó ta̱ꞌvi̱ꞌ, ya̱ jiáꞌa re̱ꞌ nu̱u̱nꞌ rá ñɨvɨ yɨ́ꞌɨ́ nu̱u̱nꞌ re̱ꞌ, chi nu̱u̱nꞌ maá I̱toꞌoꞌ‑ó Cristo sátíñú rán.