1 Corintios 11:18 - Mixteco del suroeste de Tlaxiaco Oaxaca

¹⁸ Chi xíꞌnañúꞌún ka̱ꞌ kachiꞌ ni̱ꞌ rá tu̱ꞌun sukuán jín rán, chi tésóꞌo ni̱ꞌ tu̱ꞌun ya̱ sáá nútútú rán, jee sáꞌá sɨ́ɨ́n rán maárán nteñu rá táꞌán rán. Jee sava tu̱ꞌun vá ínúꞌ iniꞌ ni̱ꞌ.

1 Corintios 11:18 Referans Kwoze

1 Corintios 3:3

chi jiáꞌnu i̱i̱ꞌ ránú sáni níyo iniꞌ rá ñɨvɨ ñɨ̱vɨ́ ya̱ ntu yɨ́ꞌɨ́ ráa nu̱u̱nꞌ Ndiosíꞌ, chi íyó rán jín tu̱ꞌun kuíñɨ́ iniꞌ, jín tu̱ꞌun tuntíxín, [jee tásáva rán kúsɨ́ɨ́n rán nu̱u̱nꞌ táꞌán rán]. Jee saáva, ¿á nsáꞌ kúvi rán kuéntáꞌ rá ñɨvɨ ñɨ̱vɨ́ ya̱ ntu yɨ́ꞌɨ́ ráa xi̱ntíín Ndiosíꞌ jee jiáꞌnu rán sáni níyo iniꞌ rá ñɨvɨ ñɨ̱vɨ́ rúja?

1 Corintios 5:1

Jee ya̱ nááꞌ kúvi nijia ya̱ nni̱ꞌi̱nꞌ ni̱ꞌ tu̱ꞌun ya̱ íyó ɨɨn te̱e nteñu ránú ya̱ sáꞌá re̱ꞌ tiñu téní néꞌí, ya̱ nákusuꞌ re̱ꞌ jín nánáꞌ u̱vi̱ꞌ re̱ꞌ. Jee ne̱ rá inka ñɨvɨ ya̱ ntu tɨ́ɨn ráa Tu̱ꞌun Ndiosíꞌ jee ntu sáꞌá ráa ñujiínꞌ téní víꞌí suꞌva.

1 Corintios 6:1

Sáá néni ɨɨn rán kántátúꞌun jín inka ñanitáꞌán, ¿á kíji iniꞌ‑i jiákɨ́nꞌ‑ɨ kua̱chi si̱kɨ̱ꞌ ñanitáꞌán nu̱u̱nꞌ rá te̱e néetiñu ya̱ jiéꞌnéꞌ kua̱chi ya̱ nééꞌ vetíñú ya̱ ntu níkɨ́nꞌ ráa Ndiosíꞌ rúja?, nsú káꞌ kɨ̱ꞌɨ̱nꞌ‑ɨ kaꞌanꞌ‑a jín rá ñanitáꞌán‑ó ya̱ yɨ́ꞌɨ́ ráa nu̱u̱nꞌ Ndiosíꞌ, jee saꞌá náaꞌ ráa jie̱ꞌe̱ꞌ kua̱chi ya̱ jiákɨ́nꞌ‑ɨ.