1 Corintios 10:25 - Mixteco del suroeste de Tlaxiaco Oaxaca

²⁵ Jee kuvi kajiꞌ rán ntáká nu̱u̱nꞌ ku̱ñu ya̱ kúyáꞌvi nu̱yáꞌvi sáá kéꞌen rán ku̱ñu, jee koto ná jíkátu̱ꞌún rán retú nso̱ko̱ꞌ ñɨvɨ maa nu̱u̱nꞌ rá santúꞌ jee ntu̱ví íyó tu̱ꞌun jiáni iniꞌ ánímaꞌ rán.

1 Corintios 10:25 Referans Kwoze

1 Corintios 8:7

Soo nsú nɨꞌɨ rá ñɨvɨ jíníꞌ ráa yaꞌá, jee sava ráa nka̱an ráa néñu̱ꞌun ráa rá nantíñú nsa̱ꞌá jín naꞌá ne̱ ntiáꞌan ji̱nu̱ꞌ iniꞌ ráa Cristo, jee ne̱ vitan jiáni iniꞌ ráa ya̱ néñu̱ꞌun ñɨvɨ rá nantíñú nsa̱ꞌá jín naꞌá sáá yájíꞌ ñɨvɨ neyu ya̱ sókóꞌ rá ñɨvɨ nu̱u̱nꞌ‑u. Jee táyáꞌ iniꞌ ráa chi ntiáꞌan kujia iniꞌ ráa jín Tu̱ꞌun Ndiosíꞌ, jee retú yájíꞌ ráa maa jee ñúkuáchi iniꞌ ráa chi káꞌvi iniꞌ ráa sáꞌá ráa kua̱chi.

1 Timoteo 4:4

Chi nɨꞌɨ ya̱ nsa̱ꞌá Ndiosíꞌ íyó va̱ꞌa. Jee ntu íyó kuichi iniꞌ‑ó ni ɨɨn, retú nakuatáꞌví‑ó re̱ꞌ sáá níꞌínꞌ‑ó maa.

Tito 1:15

Rá ñɨvɨ íyó ninuꞌun jiáni ninuꞌun iniꞌ ráa jie̱ꞌe̱ꞌ nta̱ká nantíñú. Soo rá ñɨvɨ máñáꞌ ya̱ ntu ínúꞌ iniꞌ ráa tu̱ꞌun nááꞌ, jee ntu̱náꞌ jiáni ninuꞌun iniꞌ ráa jie̱ꞌe̱ꞌ ni ɨɨn nantíñú, chi ñúꞌún máñáꞌ antúníꞌ ráa jee ntu jíníꞌ ráa ya̱ níso kua̱chi si̱kɨ̱ꞌ ráa.

Romanos 14:14

Jee jie̱ꞌe̱ꞌ yɨ́ꞌɨ́ ni̱ꞌ nu̱u̱nꞌ I̱toꞌoꞌ‑ó Jesús, jíníꞌ ni̱ꞌ jee ínúꞌ nijia iniꞌ ni̱ꞌ ya̱ ntu kúvi kachiꞌ‑ó ya̱ ntu íyó ninuꞌun ni ɨɨn rá nantíñú ya̱ nsa̱ꞌá Ndiosíꞌ chi íyó ninuꞌun maá maáa. Soo retú ɨɨn ñɨvɨ jiáni iniꞌ‑i ya̱ ntu íyó ninuꞌun ɨɨn tiñu áxí nantíñú, saájee stívɨ́‑ɨ maáa retú saꞌá‑a vá.

Romanos 13:5

Jee saáva íyó chiꞌi‑ó maáó xi̱ntíín ráa, nsú kua̱chi kuitɨꞌ jie̱ꞌe̱ꞌ ya̱ xinóꞌo ráa, chisaꞌ suni jie̱ꞌe̱ꞌ ya̱ jíníꞌ‑ó iniꞌ ánímaꞌ‑ó ya̱ íyó na̱a̱ꞌ sáꞌá‑ó sukuán sáni kuíni Ndiosíꞌ.

Hechos 10:15

Jee ta̱chi̱ꞌ yuꞌú vá nkenta tuku ya̱ uvíꞌ íchí nu̱u̱nꞌ re̱ꞌ: ―Ya̱ nsa̱ꞌá noo Ndiosíꞌ, koto káchíꞌ nú ka̱ꞌ ya̱ ntu̱ví íyó noo‑o.