1 Corintios 10:13 - Mixteco del suroeste de Tlaxiaco Oaxaca

¹³ Chi íyó ya̱ nóꞌo rán ya̱ núkú‑u sikívɨ‑ɨ ránoꞌó nu̱u̱nꞌ kua̱chi, chi suni kua̱ꞌ nóꞌo rán suni sukuán nóꞌo rá inka ka̱ꞌ rá ñɨvɨ. Soo na̱a̱ꞌ síkúnkuvi Ndiosíꞌ jee kúvi kuneí iniꞌ rán re̱ꞌ, chi ntu yɨ́netuꞌ re̱ꞌ sikúvi iniꞌ rán ka̱ꞌ nsú ká kuvi kúneí rán jín‑i. Chisaꞌ sáá síkúvi iniꞌ rán saꞌá rán kua̱chi, jee máá Ndiosíꞌ chineí re̱ꞌ ránoꞌó sáva kuvi kuneí rán ka̱ku rán nu̱u̱nꞌ kua̱chi vá sáva kuvi keꞌneꞌ iniꞌ rán ya̱ nóꞌo rán.

1 Corintios 10:13 Referans Kwoze

2 Pedro 2:9

Jee ré sukuán nsa̱ꞌá I̱toꞌoꞌ‑ó jee jíníꞌ I̱toꞌoꞌ‑ó sikáku re̱ꞌ rá ñɨvɨ yɨ́tíñú ráa nu̱u̱nꞌ re̱ꞌ nu̱u̱nꞌ rá tu̱nóꞌó ya̱ jítotúníꞌ vá ráa. Soo téváꞌa sɨ́ɨ́n re̱ꞌ rá ñɨvɨ ya̱ ntu kúvi ñɨvɨ na̱a̱ꞌ, sáva kunoꞌo ráa tu̱nóꞌó ki̱vɨ̱ꞌ saꞌá náaꞌ re̱ꞌ kua̱chi.

2 Timoteo 4:18

Jee sikáku I̱toꞌoꞌ‑ó nakeꞌen re̱ꞌ nuꞌuꞌ nu̱u̱nꞌ nɨꞌɨ tiñu níváꞌa ya̱ nóꞌo ni̱ꞌ. Jee kumí kutú re̱ꞌ nuꞌuꞌ ne̱kua̱ꞌ ki̱vɨ ni̱ꞌ ñuunꞌ ya̱ íyó súkún nu̱u̱nꞌ tátúníꞌ re̱ꞌ. Nakuetúꞌún‑ó ya̱ viiꞌ nasɨ́kuitɨꞌ kúñáꞌnú re̱ꞌ nɨ́ɨ́nkání. Suꞌva koo.

2 Tesalonicenses 3:3

Soo kúvi kúneí iniꞌ‑ó I̱toꞌoꞌ‑ó chi síkúnkuvi na̱a̱ꞌ re̱ꞌ nɨꞌɨ ya̱ káchíꞌ re̱ꞌ, jee saꞌá re̱ꞌ ya̱ kuiñɨ ni̱ꞌin rán jín re̱ꞌ jee kumí re̱ꞌ ránoꞌó nu̱u̱nꞌ ya̱ kíni.

Hebreos 12:4

Chi ránoꞌó, ntiáꞌan kua̱kenta kuviꞌ rán, ni núnasɨ́ rán sukúta̱ꞌán rán jín kua̱chi rán sáva xináánꞌ rán maa.

1 Tesalonicenses 5:24

Ndiosíꞌ kána re̱ꞌ ránoꞌó. Jee síkúnkuvi na̱a̱ꞌ re̱ꞌ ya̱ káchíꞌ re̱ꞌ. Jee saꞌá nijia re̱ꞌ yaꞌá.

Lucas 22:46

Jee nkachiꞌ re̱ꞌ nu̱u̱nꞌ ráa: ―¿Na̱ kuvi chi kíxíꞌ rán? Nako̱o rán, jee ka̱ka̱nꞌ táꞌvíꞌ rán sáva koto síkúvi iniꞌ rán kininkava rán nu̱u̱nꞌ xinóo rán ya̱ kuiñɨ ni̱ꞌin rán jín nuꞌuꞌ ―nkachiꞌ re̱ꞌ.

2 Corintios 1:10

Suvire̱ꞌ ví ya̱ nsi̱káku re̱ꞌ ránuꞌuꞌ nu̱u̱nꞌ tu̱nóꞌó manéátúꞌún kuviꞌ rán. Jee sikáku re̱ꞌ ránuꞌuꞌ. Chi íyó tu̱neí iniꞌ‑ó ya̱ kunikɨnꞌ re̱ꞌ sikáku re̱ꞌ ránuꞌuꞌ ichinúúnꞌ ka̱ꞌ,

Apoclipsis 3:10

’Jie̱ꞌe̱ꞌ ya̱ niñɨ ni̱ꞌin rán nnikɨnꞌ rán tu̱ꞌun ni̱ꞌ, jee káꞌnú ni̱yo iniꞌ rán nkuni̱ꞌin rán, jee saáva sikáku ni̱ꞌ ránoꞌó hora kiji tu̱nóꞌó xéénꞌ kunoꞌo kua̱íyó rá ñɨvɨ íyó ñɨ̱vɨ́ ya̱ ntu yɨ́ꞌɨ́ ráa nu̱u̱nꞌ ni̱ꞌ, sáva kototúníꞌ ni̱ꞌ ráa jie̱ꞌe̱ꞌ rá tiñu nsa̱ꞌá ráa.

Apoclipsis 2:10

Soo koto yúꞌví rán jie̱ꞌe̱ꞌ rá tu̱nóꞌó kunoꞌo rán. Chi kui̱ꞌna̱ꞌ kúñáꞌnú, jee saꞌá‑a ya̱ chiꞌi ñɨvɨ sava ránoꞌó veka̱a sáva kototúníꞌ‑i ránoꞌó retú kunikɨnꞌ nijia rán nuꞌuꞌ áxí ntu̱ví, jee kunoꞌo rán tu̱nóꞌó u̱ji̱ꞌ ki̱vɨ̱ꞌ. Soo kuiñɨ ni̱ꞌin rán sikúnkuvi na̱a̱ꞌ rán súka̱ꞌ ne̱ kuviꞌ rán, saájee taji ni̱ꞌ ta̱ꞌvi̱ꞌ nu̱u̱nꞌ rán, ya̱ suvi kuvi ya̱ ni̱ꞌi̱nꞌ rán ya̱ saꞌá Ndiosíꞌ ya̱ kutekuꞌ rán jín ni̱ꞌ nɨ́ɨ́nkání.

1 Pedro 4:19

Jee saáva, ránoꞌó ñɨvɨ ya̱ nóꞌo rán sáni kuíni Ndiosíꞌ, jee naku̱ꞌva rán maárán xi̱ntíín maáréꞌ ya̱ nsa̱ꞌá re̱ꞌ ránoꞌó jee na̱a̱ꞌ síkúnkuvi re̱ꞌ nu̱u̱nꞌ ránoꞌó, jee kunikɨnꞌ rán saꞌá rán rá tiñu váꞌa.

1 Juan 1:9

Soo retú nanaꞌmaꞌ‑ó nu̱u̱nꞌ Ndiosíꞌ jie̱ꞌe̱ꞌ rá kua̱chi sáꞌá‑ó, jee kunekáꞌnú iniꞌ re̱ꞌ jie̱ꞌe̱ꞌ kua̱chi‑ó, jee nasaꞌá noo re̱ꞌ yó nu̱u̱nꞌ ntáká ya̱ niváꞌa sáꞌá‑ó, chi suvire̱ꞌ vá síkúnkuvi na̱a̱ꞌ re̱ꞌ ya̱ káchíꞌ re̱ꞌ chi na̱a̱ꞌ kúvi re̱ꞌ.

1 Corintios 1:9

Chi síkúnkuvi na̱a̱ꞌ Ndiosíꞌ ya̱ nkana re̱ꞌ ránoꞌó sáva kanitáꞌán iniꞌ rán jín Se̱ꞌya re̱ꞌ Jesús ya̱ kúvi Cristo ya̱ kúvi I̱toꞌoꞌ‑ó.

Hebreos 11:11

Jie̱ꞌe̱ꞌ ya̱ Abraham jín ñasɨ́ꞌɨ́ re̱ꞌ Sara nku̱neí iniꞌ ráa Ndiosíꞌ, ni̱ꞌi̱nꞌ neí iniꞌ ña nna̱nise̱ꞌya ña jee ni̱yo ɨɨn se̱ꞌya yɨ́ɨ́ ña, súnika̱ꞌ kúvi ña ñaꞌan númáꞌ, jee suni ya̱ nku̱ñáꞌnú víꞌí ráa, chi ni̱nu̱ꞌ iniꞌ ña ya̱ síkúnkuvi na̱a̱ꞌ nijia Ndiosíꞌ tu̱ꞌun‑u, chi Ndiosíꞌ ví ya̱ nchi̱sóyuꞌú re̱ꞌ maa.

Hebreos 10:23

Jee saáva kuiñɨ ni̱ꞌin‑ó jín tu̱ꞌun váꞌa ya̱ jiáꞌayuꞌú‑ó ya̱ íyó tu̱neí iniꞌ‑ó kúnáaꞌ iniꞌ‑ó ya̱ ki̱vɨ‑ó nu̱u̱nꞌ nééꞌ Ndiosíꞌ. Jee koto ɨɨn u̱vi̱ꞌ jiáni iniꞌ‑ó, chi Ndiosíꞌ nchi̱sóyuꞌú re̱ꞌ maa nu̱u̱nꞌ‑ó, jee síkúnkuvi na̱a̱ꞌ nijia re̱ꞌ ya̱ káchíꞌ re̱ꞌ.

Lucas 11:4

Jee kunekáꞌnú iniꞌ nú kune̱ꞌyá nú ránuꞌuꞌ jie̱ꞌe̱ꞌ kua̱chi sáꞌá ránꞌ, chi suni nékáꞌnú iniꞌ ránꞌ nu̱u̱nꞌ ntáká rá ñɨvɨ jie̱ꞌe̱ꞌ ya̱ níváꞌa sáꞌá ráa ránuꞌuꞌ. Jee koto chuꞌun nú ichi ránuꞌuꞌ kininkava ránꞌ sikúvi iniꞌ ráníꞌ nu̱u̱nꞌ kua̱chi. [Jee sikáku nú ránuꞌuꞌ nu̱u̱nꞌ ya̱ níváꞌa], kachiꞌ rán. Nkachiꞌ Jesús.

Hebreos 6:18

Jee saájee íyó u̱vi̱ꞌ tu̱ꞌun nkachiꞌ re̱ꞌ vá ya̱ ni ntu̱né kúvi sama‑a, chi ntu kuvi katúꞌún Ndiosíꞌ. Saáva nsa̱náaꞌ re̱ꞌ sukuán sáva nuneí téyɨ́ɨ́ iniꞌ maáórán ya̱ numíjiꞌíꞌ nna̱tuꞌva‑ó nu̱u̱nꞌ re̱ꞌ nama re̱ꞌ yó, sáva ni̱ꞌi̱nꞌ‑ó tu̱neí iniꞌ‑ó ya̱ ni̱ꞌi̱nꞌ‑ó ta̱ꞌvi̱ꞌ taji re̱ꞌ nu̱u̱nꞌ‑ó.

Apoclipsis 19:11

Saájee niniꞌ ni̱ꞌ ya̱ níne antivɨ́ súkún nu̱u̱nꞌ nééꞌ Ndiosíꞌ. Jee nna̱kune̱ꞌyá ni̱ꞌ jee yukuán nkenta ɨɨn kitɨ kuíjín, jee ɨɨn ya̱ yósóꞌ ya̱ta̱ꞌ ti̱ꞌ vá naní maáréꞌ ya̱ Síkúnkuvi Na̱a̱ꞌ‑a jín Te̱e Na̱a̱ꞌ Ví‑i. Chi na̱a̱ꞌ jiéꞌnéꞌ re̱ꞌ ntáká tiñu, jee na̱a̱ꞌ kántáꞌán re̱ꞌ.

Lucas 16:26

Soo suni íyó ɨɨn numaꞌ ya̱ ntu jínu nu̱u̱nꞌ kúnú‑u ya̱ chúmáꞌñu‑u yó, saáva rá ñɨvɨ ya̱ íyó yaꞌá súka̱ꞌ kuíni ráa kua̱jiaaꞌ ráa nu̱u̱nꞌ ránoꞌó i̱ña̱ꞌ, soo ntu kúvi. Sunisaá ntu kúvi kene rá ñɨvɨ i̱ña̱ꞌ kiji ráa nu̱u̱nꞌ ránuꞌuꞌ yaꞌá ranika̱ꞌ”, nkachiꞌ Abraham.

Hechos 27:44

Jee sava rá inka te̱e kosoꞌ nu̱u̱nꞌ tukúnú, jee rá inka kosoꞌ nu̱u̱nꞌ rá pedazúꞌ yutun barkúꞌ. Jee suꞌva nka̱ku nɨꞌɨ ráa, jee nkenta ráa ne̱ yúnteñúꞌún.

Mateo 6:13

Jee koto chuꞌun nú ichi ránuꞌuꞌ kininkava ránꞌ sikúvi iniꞌ ráníꞌ nu̱u̱nꞌ kua̱chi. Jee sikáku nú ránuꞌuꞌ nu̱u̱nꞌ ya̱ níváꞌa, [chi maánú kúvi ya̱ tátúníꞌ nu̱u̱nꞌ kua̱íyó, jee níso nú fuersáꞌ ííꞌ níꞌinꞌ, jee viiꞌ nasɨ́kuitɨꞌ kúñáꞌnú nú nɨ́ɨ́nkání. Sukuán koo, Amén.] Sukuán kachiꞌ ránú.