1 Corintios 10:11 - Mixteco del suroeste de Tlaxiaco Oaxaca

¹¹ Saájee ntáká ya̱ nnoꞌo rá ñɨvɨ vá, táji ɨɨn ichi nu̱u̱nꞌ‑ó sáva ntu saꞌá‑ó sukuán. Chi rá tu̱ꞌun yaꞌá jee nkino̱o nééꞌ‑e nu̱u̱nꞌ Tutuꞌ níso Tu̱ꞌun Ndiosíꞌ sáva kaꞌvi‑ó maa, jee stúꞌva tu̱ꞌun vá yó sáva nkúꞌun iniꞌ‑ó ya̱ saꞌá‑ó tiñu níváꞌa sukuán, chi maáó kúvi‑ó ñɨvɨ ya̱ tékúꞌ ka̱ꞌ rá tiempúꞌ kuánɨꞌɨ.

1 Corintios 10:11 Referans Kwoze

Romanos 15:4

Chi ntáká rá tu̱ꞌun ya̱ níso nu̱u̱nꞌ Tutuꞌ Ííꞌ ne̱ yanaꞌán, jee ntee ráa maa sáva xinéꞌénꞌ ráa yó, sáva ni̱ꞌi̱nꞌ‑ó ya̱ káꞌnú koo iniꞌ‑ó kuiñɨ ni̱ꞌin‑ó jín Cristo. Jee suni tu̱ꞌun níso nu̱u̱nꞌ Tutuꞌ Ííꞌ nachuneí‑i iniꞌ‑ó. Jee jie̱ꞌe̱ꞌ vá ni̱ꞌi̱nꞌ‑ó tu̱ꞌun neí iniꞌ‑ó ya̱ ni̱ꞌi̱nꞌ‑ó ntáká ya̱ váꞌa ya̱ nchi̱sóyuꞌú Ndiosíꞌ.

Romanos 13:11

Jee jie̱ꞌe̱ꞌ nta̱ká yaꞌá, jee tɨɨn kuéntáꞌ rán tiempúꞌ vitan ya̱ va̱kuyatin ki̱vɨ̱ꞌ niji Cristo. Koto íyó rán kuéntáꞌ ñɨvɨ kíxíꞌ ya̱ ntu nániꞌvɨꞌ iniꞌ ráa jie̱ꞌe̱ꞌ vá. Yaꞌá íyó maá hora ya̱ íyó kuéntáꞌ nako̱o‑ó ya̱ kíxíꞌ‑ó, chi nku̱yatin ka̱ꞌ tiempúꞌ ya̱ nanitáꞌvíꞌ‑ó nsú káꞌ ne̱ sáá nka̱jiéꞌé nku̱neí iniꞌ‑ó Cristo.

1 Juan 2:18

Ránoꞌó ya̱ kúvi kuéntáꞌ se̱ꞌya ni̱ꞌ, tiempúꞌ nu̱u̱nꞌ nɨꞌɨ ví yaꞌá. Jee kiji maá te̱e ya̱ kenta si̱kɨ̱ꞌ Cristo, sánikua̱ꞌ ya̱ nteso̱ꞌo rán. Jee vitan jee ña̱ko̱o kue̱ꞌe̱ꞌ rá ñɨvɨ ya̱ kénta si̱kɨ̱ꞌ Cristo, saáva jíníꞌ‑ó ya̱ kúvi‑i tiempúꞌ kua̱nɨꞌɨ.

1 Corintios 9:10

Ntu̱ví chi, ¿á nsáꞌ káchíꞌ nijia re̱ꞌ maa jie̱ꞌe̱ꞌ maáó ranika̱ꞌ résa? Chi jie̱ꞌe̱ꞌ ya̱ váꞌa nu̱u̱nꞌ maáó kúvi ya̱ njiáꞌa re̱ꞌ tu̱ꞌun yaꞌá níso nu̱u̱nꞌ Tutuꞌ Ííꞌ, chi ñɨvɨ ya̱ nátaꞌví nu̱u̱nꞌ ñuꞌún jín ñɨvɨ ya̱ kúyutún nikɨn, jee íyó tu̱ꞌun neí iniꞌ ráa ya̱ ni̱ꞌi̱nꞌ ráa tataꞌ kéne nu̱u̱nꞌ tiñu sáꞌá ráa.

Filipenses 4:5

Koo másúꞌ iniꞌ rán jín nta̱ká ñɨvɨ, sáva kuniꞌ nɨꞌɨ ráa ya̱ íyó rán suꞌva. I̱toꞌoꞌ‑ó íyó yatin.

Romanos 4:23

Jee nsáꞌ kua̱chi kuitɨꞌ jie̱ꞌe̱ꞌ Abraham níso nu̱u̱nꞌ Tutuꞌ Ííꞌ ya̱ nkuna̱a̱ꞌ iniꞌ Ndiosíꞌ ya̱ kínóo na̱a̱ꞌ re̱ꞌ.

Hebreos 10:25

Jee ntu íyó xinóo‑ó nutútú‑ó kuneñu̱ꞌun‑ó Ndiosíꞌ, kuéntáꞌ kua̱ꞌ ya̱ nka̱an sava rá ñɨvɨ sáꞌá ráa ya̱ ni ntu nútútú ráa. Chisaꞌ nakutíñú‑ó nachuneí‑ó iniꞌ ɨɨn inka‑ó, jee saꞌ víꞌí káꞌ chi jíníꞌ‑ó ya̱ kua̱kuyatin ki̱vɨ̱ꞌ nenta I̱toꞌoꞌ‑ó Jesús.

Hebreos 10:37

Chi káchíꞌ nu̱u̱nꞌ Tutuꞌ Ííꞌ: Yakuꞌ tíꞌínꞌ ni ka̱ꞌ tiempúꞌ kúníꞌ, jee kiji tuku Cristo ya̱ maáréꞌ vá íyó niji. Jee nsáꞌ kukuéé re̱ꞌ jee tiaaꞌ re̱ꞌ.

1 Corintios 7:29

Ránoꞌó ñani jín ku̱ꞌva, káchíꞌ ni̱ꞌ rá tu̱ꞌun yaꞌá nu̱u̱nꞌ rán chi kuítɨ́ ni tiempúꞌ, jee saáva rá te̱e íyó ñasɨ́ꞌɨ́, jee íyó naniꞌvɨꞌ ka̱ꞌ iniꞌ ráa kuꞌun iniꞌ ráa kɨtíñú ráa nu̱u̱nꞌ I̱toꞌoꞌ‑ó, nsú káꞌ nu̱u̱nꞌ ñasɨ́ꞌɨ́ ráa, suꞌva koo ráa kuéntáꞌ ntu íyó ñasɨ́ꞌɨ́ ráa.

Mateo 13:39

Jee maáréꞌ ya̱ túfíꞌ ta̱ꞌán jín Ndiosíꞌ ví ya̱ ntee yu̱ku̱ꞌ ne̱ꞌén vá ví kui̱ꞌna̱ꞌ kúñáꞌnú, jee sáá kenta nastútú tataꞌ sáꞌá vá, yukuán kúvi sáá kenta ji̱nu ñɨ̱vɨ́ yaꞌá, jee rá nastútú tataꞌ ví rá najiáꞌáꞌ ííꞌ Ndiosíꞌ.

Mateo 13:40

Jee kuéntáꞌ kua̱ꞌ túꞌun rá yu̱ku̱ꞌ ne̱ꞌén vá, ya̱ ka̱yu̱ꞌ‑u nu̱u̱nꞌ ñúꞌún xéénꞌ, jee sukuán kuvi sáá kenta ki̱vɨ̱ꞌ ji̱nu ñɨ̱vɨ́ yaꞌá.

Romanos 13:12

Chi kúvi kuéntáꞌ ya̱ ya kua̱jia̱ꞌa yakuááꞌ, jee ya̱ va̱ji kunijinꞌ ki̱vɨ̱ꞌ. Jee íyó sukuíta‑ó tiñu niváꞌa nsa̱ꞌá‑ó kuéntáꞌ nu̱u̱nꞌ neenꞌ. Íyó kukutú‑ó kueꞌnu‑ó nu̱u̱nꞌ tiñu na̱a̱ꞌ váꞌa ya̱ xtúúnꞌ ñuꞌunꞌ Ndiosíꞌ ánímaꞌ‑ó, kuéntáꞌ nákúꞌun‑ó saꞌma ka̱a sáva kantáꞌán‑ó kuéntáꞌ soldado.

1 Corintios 10:6

Jee rá nkuvi jín ráa tiempúꞌ yukuán, jee ɨɨn ichi táji‑i nu̱u̱nꞌ‑ó, sáva ntu níyo iniꞌ‑ó rá níváꞌa, kuéntáꞌ nniyo iniꞌ ráa rá níváꞌa.

Gálatas 4:24

Nakani ni̱ꞌ ɨɨn tu̱ꞌun ya̱ kúnkunuún káꞌánꞌ ni̱ꞌ jie̱ꞌe̱ꞌ rá u̱vi̱ꞌ ñaꞌan yaꞌá. Núvíꞌ rá ñaꞌan kúvi ráa kuéntáꞌ u̱vi̱ꞌ tratúꞌ nsa̱ꞌá Ndiosíꞌ. Ɨɨn ñaꞌan naní Agar kúvi ña musúꞌ nkeꞌen ñɨvɨ ya̱ nyɨ̱ꞌɨ ña xi̱ntíín Abraham, jee kúvi ña kuéntáꞌ tratúꞌ ya̱ kúvi tu̱ꞌun ley nta̱túníꞌ Ndiosíꞌ ya̱ njia̱ꞌa re̱ꞌ nu̱u̱nꞌ Moisés nu̱u̱nꞌ yuku Sinaí. Rá ñɨvɨ yɨ́ꞌɨ́ xi̱ntíín tratúꞌ vá kúvi ráa musúꞌ sátíñú saɨn ya̱ yɨ́ꞌɨ́ ráa xi̱ntíín tu̱ꞌun ley vá kuéntáꞌ se̱ꞌya ña nkuvi musúꞌ nkeꞌen ñɨvɨ.

Génesis 19:35

Jee yakuááꞌ yukuán suni nsi̱kóꞌo ráa tátáꞌ ráa nu̱xi nixiꞌ, jee nna̱kuiñɨ́ꞌ se̱ꞌya sɨ́ꞌɨ́ súchí re̱ꞌ ka̱ꞌ ña̱kava‑a nna̱kusuꞌ‑u jín re̱ꞌ, jee ni ntu̱ví niniꞌ re̱ꞌ sáá ña̱kava ña jín re̱ꞌ ni sáá nnako̱o ña.