1 Corintios 1:29 - Mixteco del suroeste de Tlaxiaco Oaxaca

²⁹ Jee sukuán nsa̱ꞌá Ndiosíꞌ sáva ni ɨɨn ñɨvɨ nkúvi kutéyɨ́ɨ́ iniꞌ ráa jie̱ꞌe̱ꞌ maáráa ichinúúnꞌ Ndiosíꞌ.

1 Corintios 1:29 Referans Kwoze

Romanos 3:27

Resa̱a jee, ¿né núꞌ íyó ya̱ káꞌánꞌ téyɨ́ɨ́‑ó jie̱ꞌe̱ꞌ maáó, résa? ¡Ntu kúvi kuitɨꞌ! ¿Na̱chi ntu kúvi kaꞌanꞌ téyɨ́ɨ́‑ó jie̱ꞌe̱ꞌ maáó? ¿Á ntu kúvi kaꞌanꞌ téyɨ́ɨ́‑ó jie̱ꞌe̱ꞌ ya̱ sáꞌá‑ó tiñu váꞌa? ¡Ntu̱ví kuitɨꞌ!, chisaꞌ tátúníꞌ Ndiosíꞌ ya̱ íyó kuneí iniꞌ‑ó Cristo.

Efesios 2:9

Jee nsú jie̱ꞌe̱ꞌ tiñu váꞌa sáꞌá‑ó ví ya̱ nsi̱káku re̱ꞌ yó nu̱u̱nꞌ kua̱chi‑ó, jee saáva ni ɨɨn‑ó nkúvi kaꞌanꞌ téyɨ́ɨ́‑ó ya̱ kúvi sikáku‑ó maáó nu̱u̱nꞌ kua̱chi‑ó.

1 Corintios 4:7

Chi, ¿né ɨɨn sáꞌá sɨ́ɨ́n noꞌó nsú káꞌ inka ñɨvɨ rúja?, jee, ¿na̱ kuvi ya̱ kúmí nú ya̱ ntu nkútaꞌviꞌ nú maa nu̱u̱nꞌ Ndiosíꞌ rúja? Jee retú íyó nijia ya̱ nku̱taꞌviꞌ nú maa, jee, ¿na̱ kuvi chi kútéyɨ́ɨ́ nú jín maánú kuéntáꞌ retánꞌ nsáꞌ nku̱taꞌviꞌ nú kúvi‑i rúja?

1 Corintios 1:31

Jee sáva sukuán koo kuéntáꞌ káchíꞌ tu̱ꞌun ya̱ nééꞌ nu̱u̱nꞌ Tutuꞌ níso Tu̱ꞌun Ndiosíꞌ ya̱: “Néni ɨɨn ñɨvɨ ya̱ káꞌánꞌ kútéyɨ́ɨ́‑ɨ, jee íyó kaꞌanꞌ téyɨ́ɨ́ jie̱ꞌe̱ꞌ I̱toꞌoꞌ‑ó Ndiosíꞌ”, káchíꞌ tu̱ꞌun nééꞌ nu̱u̱nꞌ Tutuꞌ Ííꞌ.

Romanos 15:17

Saáva jie̱ꞌe̱ꞌ yɨ́ꞌɨ́ ni̱ꞌ nu̱u̱nꞌ Cristo Jesús jee káꞌánꞌ téyɨ́ɨ́ ni̱ꞌ jie̱ꞌe̱ꞌ ya̱ nsa̱ꞌá Ndiosíꞌ jín ni̱ꞌ.

Romanos 3:19

Soo jíníꞌ‑ó ya̱ néni ɨɨn tu̱ꞌun ya̱ káchíꞌ ley nta̱túníꞌ Ndiosíꞌ, jee káchíꞌ‑i vá nu̱u̱nꞌ rá ñɨvɨ yɨ́ꞌɨ́ ráa chi̱ji xi̱ntíín ley vá, sáva nta̱ká ñɨvɨ kasɨꞌ ráa yuꞌú ráa chi ntu kúvi nama ráa maáráa, jee kua̱íyó ñɨvɨ ñɨ̱vɨ́ kɨꞌɨ ráa chi̱ji nu̱u̱nꞌ sanáaꞌ Ndiosíꞌ si̱kɨ̱ꞌ kua̱chi ráa.

1 Corintios 5:6

Ntu̱ví íyó va̱ꞌa ya̱ káꞌánꞌ téyɨ́ɨ́ rán, chi, ¿á ntu jíníꞌ rán ya̱ “sú máá lúlí ni levadura chíꞌi‑ó ñujien, jee náa nɨꞌɨ ñujien vá sáꞌá‑a” résa?

Romanos 4:2

Chi retú nstúvi Abraham ya̱ nkino̱o na̱a̱ꞌ re̱ꞌ jie̱ꞌe̱ꞌ tiñu nsa̱ꞌá re̱ꞌ, jee íyó jie̱ꞌe̱ꞌ ya̱ kuvi kaꞌanꞌ téyɨ́ɨ́ re̱ꞌ, soo ntu̱ví nu̱u̱nꞌ Ndiosíꞌ.