1 Corintios 1:26 - Mixteco del suroeste de Tlaxiaco Oaxaca

²⁶ Ránoꞌó, ñaniꞌ jín ku̱ꞌva, tɨɨn kuéntáꞌ rán ya̱ maá Ndiosíꞌ nkana ránoꞌó sáva i̱nu̱ꞌ iniꞌ rán Cristo jee ki̱vɨ rán naꞌá re̱ꞌ, jee ya jíníꞌ va̱ꞌa rán ya̱ ntu íyó kue̱ꞌe̱ꞌ rán ya̱ kúvi ñɨvɨ níchí sáni jiáni iniꞌ rá ñɨvɨ ñɨ̱vɨ́ ya̱ kúvi ya̱ níchí, jee ntu íyó kue̱ꞌe̱ꞌ rán ya̱ níso tiñu ñáꞌnú tatúníꞌ rán, jee ni ntu̱ví íyó kue̱ꞌe̱ꞌ rán ya̱ nkaku rán nu̱u̱nꞌ ñɨvɨ ya̱ kúñáꞌnú ka̱ꞌ.

1 Corintios 1:26 Referans Kwoze

Santiago 2:5

Ránoꞌó ñaniꞌ ni̱ꞌ jín ku̱ꞌva ni̱ꞌ ya̱ ñúnúunꞌ ni̱ꞌ, teso̱ꞌo yaꞌá: Ndiosíꞌ nka̱ji re̱ꞌ rá ñɨvɨ láꞌví íyó ñɨ̱vɨ́ yaꞌá, sáva kukúká ánímaꞌ ráa kúneí iniꞌ ráa re̱ꞌ, jee sáva ni̱ꞌi̱nꞌ ráa ta̱ꞌvi̱ꞌ ya̱ kɨꞌɨ ráa naꞌá re̱ꞌ nu̱u̱nꞌ tátúníꞌ re̱ꞌ, ya̱ suvivá nchi̱sóyuꞌú re̱ꞌ ya̱ ku̱ꞌva re̱ꞌ nu̱u̱nꞌ rá ñɨvɨ ya̱ ñúnúunꞌ ráa re̱ꞌ.

1 Corintios 2:8

Jee ni ɨɨn te̱e kúñáꞌnú ya̱ nísotíñú iniꞌ ñɨ̱vɨ́ yaꞌá tiempúꞌ vitan, ntu̱ví ña̱ku̱ꞌun iniꞌ ráa tu̱ꞌun níchí Ndiosíꞌ ya̱ káꞌánꞌ jie̱ꞌe̱ꞌ Cristo. Chi retánꞌ ña̱ku̱ꞌun iniꞌ ráa maa, jee yukuán jee nka̱ꞌníꞌ ráa I̱toꞌoꞌ‑ó Cristo nékúvi, ya̱ maáréꞌ vá viiꞌ nasɨ́kuitɨꞌ kúñáꞌnú nu̱u̱nꞌ nɨꞌɨ.

1 Corintios 1:20

Jee, ¿na̱ nu̱u̱nꞌ íyótiñu te̱e ya̱ káchíꞌ ñɨvɨ ñɨ̱vɨ́ yaꞌá ya̱ níchí xi̱ni̱ꞌ re̱ꞌ? Jee, ¿na̱ nu̱u̱nꞌ íyótiñu mestrúꞌ tiempúꞌ vitan ya̱ xínéꞌénꞌ jie̱ꞌe̱ꞌ tu̱ꞌun nta̱túníꞌ Ndiosíꞌ yanaꞌán? Jee, ¿na̱ nu̱u̱nꞌ íyótiñu ñɨvɨ tiempúꞌ vitan ya̱ jíníꞌ káꞌánꞌ viiꞌ sijínúꞌ‑u iniꞌ ñɨvɨ? Chi nsa̱ꞌá sáná Ndiosíꞌ ya̱ níchí íyó ñɨ̱vɨ́ yaꞌá.

Lucas 10:21

Jee máá hora yukuán jee nnusɨ̱ɨ̱ꞌ iniꞌ Jesús nsa̱ꞌá Ta̱chi̱ꞌ Ííꞌ, jee nkachiꞌ re̱ꞌ: ―Nákuetúꞌún ni̱ꞌ noꞌó, Tátáꞌ ni̱ꞌ, ya̱ kúvi nú I̱toꞌoꞌ tátúníꞌ nu̱u̱nꞌ antivɨ́ jín nu̱u̱nꞌ iniꞌ ñɨ̱vɨ́ yaꞌá, chi nchise̱ꞌí nú tiñu ñáꞌnú nú yaꞌá nu̱u̱nꞌ rá ñɨvɨ tu̱ꞌva jín rá ñɨvɨ níchí ya̱ ntu njiáꞌa nú ya̱ ki̱ku̱ꞌun iniꞌ ráa maa, chisaꞌ nstúvi nú maa nu̱u̱nꞌ rá ñɨvɨ ñúláꞌví iniꞌ ya̱ kúvi ráa kuéntáꞌ rá súchí lúlí. Va̱tu̱ni, Tátáꞌ ni̱ꞌ, chi kúváꞌa iniꞌ nú ya̱ sukuán koo.

Lucas 1:3

Jee nuꞌuꞌ [Lucas] nna̱nukú tu̱ꞌun ñunkúún va̱ꞌa ni̱ꞌ ntáká tu̱ꞌun jie̱ꞌe̱ꞌ kua̱ꞌ nkuvi ne̱ ya̱ nka̱jiéꞌé nkiji Jesús. Jee saáva, nuꞌuꞌ ranika̱ꞌ, ñani iniꞌ ni̱ꞌ ya̱ íyó va̱ꞌa ya̱ suni nuꞌuꞌ tée yɨ́yuꞌú ni̱ꞌ rá tu̱ꞌun jie̱ꞌe̱ꞌ kua̱ꞌ nkuvi. Jee tée ni̱ꞌ maa nu̱u̱nꞌ noꞌó, Teófilo, te̱e ñáꞌnú,

1 Corintios 2:13

Jee jie̱ꞌe̱ꞌ rá yaꞌá káꞌánꞌ ráníꞌ, soo ntu káꞌánꞌ ránꞌ jín rá tu̱ꞌun xínéꞌénꞌ rá ñɨvɨ íyó ñɨ̱vɨ́ yaꞌá ya̱ káchíꞌ ráa ya̱ tu̱ꞌun níchí ví‑i, chisaꞌ káꞌánꞌ ránꞌ sáni tu̱ꞌun ya̱ xínéꞌénꞌ Ta̱chi̱ꞌ Ííꞌ Ndiosíꞌ ránuꞌuꞌ. Jiátíñú ránꞌ tu̱ꞌun ya̱ ntaji Ta̱chi̱ꞌ Ííꞌ nu̱u̱nꞌ ránꞌ sáva xínéꞌénꞌ ránꞌ ya̱ nááꞌ ntaji Ta̱chi̱ꞌ Ííꞌ nu̱u̱nꞌ ránꞌ.

2 Juan 1:1

Nuꞌuꞌ, [Juan] ya̱ kúvi ni̱ꞌ ɨɨn rá te̱e kúñáꞌnú nu̱u̱nꞌ rá ñɨvɨ kúneí iniꞌ Jesús, tée ni̱ꞌ tutuꞌ yaꞌá nu̱u̱nꞌ ñaꞌan ya̱ nka̱ji Ndiosíꞌ, jín suni nu̱u̱nꞌ rá se̱ꞌya ña, ya̱ ñúnúunꞌ nijia ni̱ꞌ. Jee nsáꞌ kua̱chi métúꞌún nuꞌuꞌ ni̱ꞌ, chi suni nta̱ká rá ñɨvɨ ya̱ ntɨɨn tu̱ꞌun na̱a̱ꞌ Jesús ñúnúunꞌ ráa ránoꞌó,

Filipenses 4:22

Nɨꞌɨ rá ñɨvɨ ya̱ nsa̱ꞌá sɨ́ɨ́n Ndiosíꞌ, ya̱ yɨ́ꞌɨ́ ráa nu̱u̱nꞌ re̱ꞌ, táji ráa tu̱ꞌun jíkátu̱ꞌún ráa ránoꞌó, jee saꞌ víꞌí káꞌ sava rá ñɨvɨ vá ya̱ yɨ́ꞌɨ́ veꞌi te̱e tátúníꞌ nu̱u̱nꞌ nɨꞌɨ rá ñuunꞌ tɨ́ɨn ñuunꞌ Roma.

Hechos 17:34

Soo ni̱yo ñɨvɨ káꞌvi ni ni̱nu̱ꞌ iniꞌ ráa tu̱ꞌun nkaꞌanꞌ re̱ꞌ jee nna̱kuiñɨꞌ ráa jín re̱ꞌ. Ɨɨn ráa kúvi Dionisio, ya̱ kúvi te̱e nísotíñú Areópago, sunisaá ɨɨn ñaꞌan naní Dámaris, jín rá inka ka̱ꞌ.

Hechos 13:12

Sáá niniꞌ te̱e nísotíñú ya̱ nkuvi suꞌva, jee ni̱nu̱ꞌ iniꞌ re̱ꞌ tu̱ꞌun káꞌánꞌ Pablo, jee nti̱vɨ́ xíniꞌ re̱ꞌ jie̱ꞌe̱ꞌ ya̱ xínéꞌénꞌ ráa jie̱ꞌe̱ꞌ tu̱ꞌun I̱toꞌoꞌ‑ó.

Hechos 13:7

Íñɨ́ re̱ꞌ jín te̱e nísotíñú ya̱ tátúníꞌ nɨꞌɨ Chipre, naní Sergio Paulo, ya̱ kúvi te̱e nito xi̱ni̱ꞌ. Jee nkana te̱e vá Bernabé jín Saulo chi kuíni‑i teso̱ꞌo‑o Tu̱ꞌun Ndiosíꞌ.

Romanos 11:29

Chi ntu níkó iniꞌ Ndiosíꞌ jie̱ꞌe̱ꞌ ta̱ꞌvi̱ꞌ ya̱ síkútaꞌviꞌ re̱ꞌ nu̱u̱nꞌ ráa, ni jie̱ꞌe̱ꞌ ya̱ nkana re̱ꞌ ráa kuvi ráa ñɨvɨ re̱ꞌ.