1 Corintios 1:21 - Mixteco del suroeste de Tlaxiaco Oaxaca

²¹ Chi níchí nasɨ́kuitɨꞌ sáꞌá Ndiosíꞌ, chi nsú ya̱ níchí ñúꞌún xi̱ni̱ꞌ rá ñɨvɨ ñɨ̱vɨ́ sáꞌá ya̱ kuniꞌ ráa iniꞌ Ndiosíꞌ, chisaꞌ nkuva̱ꞌa iniꞌ Ndiosíꞌ ya̱ jiátíñú re̱ꞌ tu̱ꞌun váꞌa re̱ꞌ sáva natavaꞌ re̱ꞌ rá ñɨvɨ nu̱u̱nꞌ kua̱chi ráa sikáku re̱ꞌ ráa ya̱ kúneí iniꞌ ráa ínúꞌ iniꞌ ráa re̱ꞌ, asúꞌ jiáni iniꞌ rá ñɨvɨ ñɨ̱vɨ́ ya̱ tu̱ꞌun naanꞌ ví tu̱ꞌun re̱ꞌ ya̱ tékútu̱ꞌún nu̱u̱nꞌ ráa.

1 Corintios 1:21 Referans Kwoze

Lucas 10:21

Jee máá hora yukuán jee nnusɨ̱ɨ̱ꞌ iniꞌ Jesús nsa̱ꞌá Ta̱chi̱ꞌ Ííꞌ, jee nkachiꞌ re̱ꞌ: ―Nákuetúꞌún ni̱ꞌ noꞌó, Tátáꞌ ni̱ꞌ, ya̱ kúvi nú I̱toꞌoꞌ tátúníꞌ nu̱u̱nꞌ antivɨ́ jín nu̱u̱nꞌ iniꞌ ñɨ̱vɨ́ yaꞌá, chi nchise̱ꞌí nú tiñu ñáꞌnú nú yaꞌá nu̱u̱nꞌ rá ñɨvɨ tu̱ꞌva jín rá ñɨvɨ níchí ya̱ ntu njiáꞌa nú ya̱ ki̱ku̱ꞌun iniꞌ ráa maa, chisaꞌ nstúvi nú maa nu̱u̱nꞌ rá ñɨvɨ ñúláꞌví iniꞌ ya̱ kúvi ráa kuéntáꞌ rá súchí lúlí. Va̱tu̱ni, Tátáꞌ ni̱ꞌ, chi kúváꞌa iniꞌ nú ya̱ sukuán koo.

Mateo 11:25

Jee tiempúꞌ yukuán, jee ni̱ka̱nꞌ táꞌvíꞌ Jesús nu̱u̱nꞌ Tátáꞌ‑a Ndiosíꞌ, jee nkachiꞌ‑i: ―Nákuetúꞌún ni̱ꞌ noꞌó, Tátáꞌ ni̱ꞌ, ya̱ kúvi nú I̱toꞌoꞌ tátúníꞌ nu̱u̱nꞌ antivɨ́ jín iniꞌ ñɨ̱vɨ́ yaꞌá, chi nchise̱ꞌí nú tiñu ñáꞌnú nú yaꞌá nu̱u̱nꞌ rá ñɨvɨ tu̱ꞌva jín rá ñɨvɨ níchí ya̱ ntu njiáꞌa nú ya̱ ki̱ku̱ꞌun iniꞌ ráa maa, chisaꞌ nstúvi nú maa nu̱u̱nꞌ rá ñɨvɨ ñúláꞌví iniꞌ ya̱ kúvi ráa kuéntáꞌ rá súchí lúlí.

Efesios 3:10

Sukuán nsa̱ꞌá re̱ꞌ sáva rá najiáꞌáꞌ ííꞌ re̱ꞌ rá kúñáꞌnú jín rá nísotíñú ya̱ nééꞌ ráa antivɨ́ súkún, jee sáá kune̱ꞌyá ráa nu̱u̱nꞌ tiñu sáꞌá re̱ꞌ iniꞌ rá ñɨvɨ ya̱ kúneí iniꞌ ráa Jesús, jee kuniꞌ ráa ya̱ ntáká nu̱u̱nꞌ ntántúníꞌ níchí nasɨ́kuitɨꞌ ka̱ꞌ Ndiosíꞌ.

1 Corintios 1:24

Soo ntáká rá ñɨvɨ ya̱ nkana Ndiosíꞌ kɨꞌɨ ráa naꞌá re̱ꞌ jee ínúꞌ iniꞌ ráa Cristo, va̱ni kúvi ráa ñɨvɨ ñuunꞌ Israel, áxí va̱ni ñɨvɨ ntu kúvi ñuunꞌ Israel, jee nu̱u̱nꞌ ráa tu̱ꞌun jie̱ꞌe̱ꞌ Cristo kúvi‑i fuersáꞌ ííꞌ níꞌin níso Ndiosíꞌ ya̱ sátíñú re̱ꞌ jín‑i jín tu̱ꞌun níchí re̱ꞌ.

Romanos 1:28

Nu̱u̱nꞌ nku̱ichi iniꞌ ráa tɨɨn kuéntáꞌ ráa ya̱ íyó Ndiosíꞌ. Nna̱siáꞌa Ndiosíꞌ ráa nu̱u̱nꞌ antúníꞌ kánéꞌí ráa sáva saꞌá ráa tiñu ya̱ ntu̱ví íyó saꞌá ráa.

Romanos 11:33

Jee, ¡na̱ ka̱ꞌ vá ntántúníꞌ ñáꞌnú ka̱ꞌ ya̱ níchí xíniꞌ Ndiosíꞌ, jín ya̱ nɨꞌɨ kuitɨꞌ jíníꞌ re̱ꞌ! ¡Ni ɨɨn ntu kúvi nanukú‑u kukáꞌnú iniꞌ‑i na̱sa sánáaꞌ re̱ꞌ! ¡Ni ɨɨn ntu̱náꞌ kúvi ki̱ku̱ꞌun iniꞌ‑i na̱sa kúvi ntáká ya̱ sáꞌá re̱ꞌ!

Lucas 12:32

’Koto yúꞌví rán, ránoꞌó ya̱ kúvi rán kuéntáꞌ yakuꞌ lanchi ni̱ꞌ, chi Tátáꞌ rán Ndiosíꞌ kúváꞌa iniꞌ re̱ꞌ taji re̱ꞌ nu̱u̱nꞌ rán ya̱ ki̱vɨ rán xi̱ntíín re̱ꞌ nu̱u̱nꞌ tátúníꞌ re̱ꞌ nu̱u̱nꞌ rán.

Juan 12:31

Vitan kúvi tiempúꞌ ya̱ saꞌá na̱a̱ꞌ Ndiosíꞌ kua̱chi jie̱ꞌe̱ꞌ rá ñɨvɨ ñɨ̱vɨ́ yaꞌá. Jee vitan jee tavaꞌ Ndiosíꞌ máá maá kui̱ꞌna̱ꞌ kúñáꞌnú ya̱ tátúníꞌ iniꞌ ñɨ̱vɨ́ yaꞌá kɨ̱ꞌɨ̱nꞌ iyo‑o.

1 Corintios 1:18

Chi nu̱u̱nꞌ rá ñɨvɨ ya̱ xináánꞌ Ndiosíꞌ ráa jee tu̱ꞌun jie̱ꞌe̱ꞌ ya̱ níꞌiꞌ Cristo nu̱u̱nꞌ kurúsiꞌ kúvi tu̱ꞌun sáná xíniꞌ nu̱u̱nꞌ ráa, soo nu̱u̱nꞌ maáó ya̱ nátavaꞌ Cristo yó nu̱u̱nꞌ kua̱chi‑ó xinánitáꞌvíꞌ re̱ꞌ yó jee tu̱ꞌun vá kúvi fuersáꞌ níꞌin ííꞌ re̱ꞌ nu̱u̱nꞌ‑ó.

1 Corintios 1:23

Soo ránuꞌuꞌ chi káchítu̱ꞌún ráníꞌ jie̱ꞌe̱ꞌ ya̱ níꞌiꞌ nijia Cristo nu̱u̱nꞌ kurúsiꞌ sáva natavaꞌ re̱ꞌ rá ñɨvɨ nu̱u̱nꞌ kua̱chi ráa. Soo nu̱u̱nꞌ rá ñɨvɨ ñuunꞌ Israel chi tu̱ꞌun yaꞌá kúvi tu̱ꞌun chúníní iniꞌ nu̱u̱nꞌ ráa jee kúíchi iniꞌ ráa maa. Jee nu̱u̱nꞌ rá ñɨvɨ ntu kúvi ñuunꞌ Israel jee tu̱ꞌun naanꞌ ví tu̱ꞌun vá nu̱u̱nꞌ ráa.

1 Corintios 1:25

Chi rá tiñu sáꞌá Ndiosíꞌ ya̱ káchíꞌ rá ñɨvɨ ya̱ kúvi tiñu naanꞌ soo tiñu vá kúvi níchí ñúꞌún kájí xíniꞌ ka̱ꞌ nsú ka̱ꞌ ya̱ níchí ñúꞌún xi̱ni̱ꞌ rá ñɨvɨ tu̱ꞌva. Jee sú káꞌvi iniꞌ rá ñɨvɨ ya̱ táyáꞌ Ndiosíꞌ, soo saꞌ víꞌí káꞌ ví fuersáꞌ ííꞌ níso re̱ꞌ nsú ka̱ꞌ fuersáꞌ níso ñɨvɨ.

1 Corintios 1:27

Chisaꞌ nka̱ji Ndiosíꞌ rá ñɨvɨ ya̱ jiáni iniꞌ rá ñɨvɨ ñɨ̱vɨ́ ya̱ kúvi ráa ñɨvɨ naanꞌ, sáva ku̱ꞌva re̱ꞌ tu̱nkánuun nu̱u̱nꞌ rá ñɨvɨ níchí xi̱ni̱ꞌ sáni jiáni iniꞌ rá ñɨvɨ ñɨ̱vɨ́. Jee nka̱ji Ndiosíꞌ rá ñɨvɨ táyáꞌ sáni káchíꞌ rá ñɨvɨ ñɨ̱vɨ́, sáva sikánuun re̱ꞌ rá ñɨvɨ tiɨ́kɨ́ iniꞌ ráa kúñáꞌnú ráa.

1 Corintios 2:14

Soo ñɨvɨ ya̱ ntu̱ví íyó jín Ta̱chi̱ꞌ Ííꞌ Ndiosíꞌ jee ntu̱ví tɨ́ɨn ráa tu̱ꞌun váji nu̱u̱nꞌ Ta̱chi̱ꞌ Ííꞌ re̱ꞌ, chi káꞌvi iniꞌ ñɨvɨ vá ya̱ tu̱ꞌun naanꞌ ni ví‑i, jee saáva ntu̱ví kúvi ki̱ku̱ꞌun iniꞌ‑i tu̱ꞌun vá, chi ntu̱ví íyó‑o jín Ta̱chi̱ꞌ Ííꞌ ya̱ sáꞌá ya̱ ki̱ku̱ꞌun iniꞌ‑ó maa.

1 Corintios 4:10

Jee ránuꞌuꞌ chi káꞌvi iniꞌ rá ñɨvɨ ya̱ sáꞌá xíniꞌ ránꞌ jie̱ꞌe̱ꞌ yɨ́tíñú ránꞌ nu̱u̱nꞌ Cristo, soo ránoꞌó chi káꞌvi iniꞌ ránú ya̱ níchí víꞌí xi̱ni̱ꞌ ránú. Jee ránuꞌuꞌ chi jiáni iniꞌ ráa ya̱ táyáꞌ iniꞌ ránꞌ, soo ránoꞌó jiáni iniꞌ ránú ya̱ tiɨ́kɨ́ víꞌí iniꞌ rán. Jee ránoꞌó chi sáꞌá ñáꞌnú rá ñɨvɨ nu̱u̱nꞌ ránoꞌó, soo ránuꞌuꞌ chi kúníichiꞌ ráa néꞌyá ráa ránuꞌuꞌ.

1 Corintios 6:2

Áxí, ¿á ntu̱ví jíníꞌ rán ya̱ ɨɨn ki̱vɨ̱ꞌ rá ñɨvɨ ya̱ yɨ́ꞌɨ́ ráa nu̱u̱nꞌ Jesús saꞌá náaꞌ ráa keꞌneꞌ ráa kua̱chi jie̱ꞌe̱ꞌ ya̱ sáꞌá rá ñɨvɨ ñɨ̱vɨ́ rúja? Jee retú ránoꞌó jee saꞌá náaꞌ rán kua̱chi ñɨvɨ ñɨ̱vɨ́, jee, ¿á ntu kúneí rán sanáaꞌ rán ɨɨn kua̱chi lúlí ya̱ sáꞌá ɨɨn rá ñanitáꞌán rán rúja?

1 Corintios 11:32

Soo sáá sanáaꞌ I̱toꞌoꞌ‑ó jie̱ꞌe̱ꞌ‑ó, jee kunoꞌo‑ó sáva nachuꞌun na̱a̱ꞌ re̱ꞌ ichi yó, sáva nsíjíta re̱ꞌ yó sáá sijíta re̱ꞌ rá ñɨvɨ ñɨ̱vɨ́.

Gálatas 1:15

Soo ne̱ sáá ñúꞌún chi̱ji nánáꞌ ni̱ꞌ nuꞌuꞌ jee nsa̱ꞌá sɨ́ɨ́n Ndiosíꞌ nuꞌuꞌ sáva kuniso ni̱ꞌ tiñu táji re̱ꞌ. Jee nkana re̱ꞌ nuꞌuꞌ, chi ni̱yo ma̱ni̱ꞌ iniꞌ re̱ꞌ nne̱ꞌyá re̱ꞌ nuꞌuꞌ, ya̱ ntu íyó ni̱ꞌi̱nꞌ ni̱ꞌ. Jee tiempúꞌ nkuini re̱ꞌ jee

Gálatas 4:8

Soo ne̱ ntiáꞌan kuni rán iniꞌ Ndiosíꞌ, nneñu̱ꞌun rán na̱ni kúvi ya̱ ntu kúvi ndiosíꞌ nijia. Jee sátíñú ka̱ꞌá rán nu̱u̱nꞌ ráa kuéntáꞌ ɨɨn musúꞌ kéꞌen ñɨvɨ.

Efesios 1:9

Jee nsa̱ꞌá re̱ꞌ ya̱ kukáꞌnú iniꞌ‑ó tu̱ꞌun yuꞌuꞌ ya̱ nyɨse̱ꞌí‑i nékúvi, jie̱ꞌe̱ꞌ ya̱ kuíni re̱ꞌ saꞌá re̱ꞌ sánikua̱ꞌ kúváꞌa iniꞌ re̱ꞌ saꞌá re̱ꞌ ya̱ nkuna̱a̱ꞌ ya̱chi̱ꞌ iniꞌ re̱ꞌ saꞌá re̱ꞌ jie̱ꞌe̱ꞌ ya̱ saꞌá Cristo.

Colosenses 1:19

Chi sɨ̱ɨ̱ꞌ nkuvi iniꞌ Ndiosíꞌ ya̱ nchi̱tú iniꞌ Cristo kua̱ꞌ nɨꞌɨ ya̱ íyó maá Ndiosíꞌ.

Hebreos 1:14

Chi ntáká rá najiáꞌáꞌ ííꞌ Ndiosíꞌ, jee súka̱ꞌ ntu̱ví íyó yɨkɨkúñu ráa, soo jiátíñú re̱ꞌ ráa kúvi ráa musúꞌ re̱ꞌ sáꞌá ráa tiñu re̱ꞌ, chi chúichí re̱ꞌ ráa sáva chineí ráa ntáká rá ñɨvɨ ya̱ ni̱ꞌi̱nꞌ rává ta̱ꞌvi̱ꞌ ya̱ nanitáꞌvíꞌ rává.

Hebreos 2:3

Jee nu̱u̱nꞌ ni̱yo sukuán, jee maáórán, ¿na̱sa ka̱ꞌ vá saꞌá‑ó jee kaku‑ó nu̱u̱nꞌ tu̱nóꞌó vá, retú ntu nénu̱u̱nꞌ‑ó chuꞌun iniꞌ‑ó jie̱ꞌe̱ꞌ tu̱ꞌun máá ñáꞌnú káꞌ jie̱ꞌe̱ꞌ ya̱ na̱sa natavaꞌ Jesús yó nu̱u̱nꞌ kua̱chi‑ó sikáku re̱ꞌ yó rúja? Chi xíꞌna ka̱ꞌ nkachitu̱ꞌún maá I̱toꞌoꞌ‑ó Jesús tu̱ꞌun yaꞌá, jee kuíre rá te̱e ya̱ nteso̱ꞌo maa, jee nna̱stúvi ráa ya̱ naáꞌ jie̱ꞌe̱ꞌ tu̱ꞌun yaꞌá nu̱u̱nꞌ‑órán

Hebreos 7:25

Jee rá ñɨvɨ ya̱ jiánatuꞌva ráa nu̱u̱nꞌ Ndiosíꞌ jie̱ꞌe̱ꞌ Cristo, jee saáva kávii kuitɨꞌ kuvi natavaꞌ Jesús ráa nu̱u̱nꞌ kua̱chi ráa, jee sikáku re̱ꞌ xinánitáꞌvíꞌ re̱ꞌ nɨ́ɨ́nkání ráa, chi tékúꞌ re̱ꞌ nɨ́ɨ́nkání, sáva yɨ́tuvi re̱ꞌ náma re̱ꞌ ráa nu̱u̱nꞌ Ndiosíꞌ.

Santiago 4:4

¡Ñɨvɨ ya̱ ntu jiáꞌnu na̱a̱ꞌ nu̱u̱nꞌ Ndiosíꞌ! Retú íyó mániꞌ táꞌán rán jín ya̱ níyo iniꞌ rá ñɨvɨ ñɨ̱vɨ́ yaꞌá, ¿á ntu jíníꞌ rán, ya̱ suvivá kúvi ya̱ túfíꞌ ta̱ꞌán rán néꞌyá rán Ndiosíꞌ? Saáva néni ɨɨn ñɨvɨ ya̱ nkuna̱a̱ꞌ iniꞌ‑i koo mániꞌ táꞌán‑a jín ya̱ níyo iniꞌ rá ñɨvɨ ñɨ̱vɨ́ yaꞌá, jee nkenta‑a kúvi‑i ñɨvɨ ya̱ túfíꞌ ta̱ꞌán‑a néꞌyá‑a Ndiosíꞌ.

Santiago 5:15

Jee nu̱u̱nꞌ jíkánꞌ táꞌvíꞌ ráa jín ya̱ kúneí iniꞌ ráa Ndiosíꞌ, jee yukuán xinúvi‑i ñɨvɨ kúꞌvíꞌ vá, jee nako̱o‑o saꞌá I̱toꞌoꞌ‑ó nusɨ̱ɨ̱ꞌ iniꞌ‑i. Jee retú nsa̱ꞌá ñɨvɨ kúꞌvíꞌ vá kua̱chi jee kunekáꞌnú iniꞌ Ndiosíꞌ kune̱ꞌyá re̱ꞌ maa.

Santiago 5:20

jee kuniꞌ nú ya̱ néni ɨɨn rán ya̱ nachuꞌun tuku ichi ɨɨn ñɨvɨ kua̱chi kene‑e nu̱u̱nꞌ ichi niva̱ꞌa nki̱vɨ‑ɨ, jee sikáku nú ñɨvɨ vá nu̱u̱nꞌ kuviꞌ‑i nu̱u̱nꞌ Ndiosíꞌ, nékúvi, jee koo tu̱ꞌun káꞌnú iniꞌ nu̱u̱nꞌ kue̱ꞌe̱ꞌ kua̱chi nsa̱ꞌá‑a.