Mbari e Like 12:33 - Obamba Kiwoyeti (mdt) NT Portions

³³ Letehe biibi ma eli na be, lempa anga owuha adoro. Lesaha osolo a mbumbu, osolo oli i wa o yulu ni. Mpili eli odzibi i tsiina ni, antsieri i dza ni.

Mbari e Like 12:33 Referans Kwoze

Mbari e Like 18:22

Zezi omana oyuha nde okaali ndi: «Emi siila we dzaa mo ntu: tehe biibi e we eso, omana we kabaha anga owuha adoro. Ŋa we adze obasaha osolo o yulu. Omana we oya, we oluono me.»

Dzandza 2:45

Bo atehi apaangu na biibi ekima ma eki na bo, emana bo akabihi adoro o mpanihi e bo, lemihi na kaama e mvuuru na mvuuru.

Mbari e Like 16:9

Zezi oluusi ndi: «Ŋa me eduha be, lesa leve na andihi a be bla osolo obi oma yula ntsie dzi. Tsuhu osolo ewa Ndziami adze oyamba be ma ebiri e mbumbu.

Mbari e Like 12:21

Zezi oluusi ndi: «Mono maami ma aya o mvuuru asaha osolo a nde anku, nde osolo o miisi a Ndziami kali.»

Mbari e Like 11:41

Lempa anga owuha biibi e be leli na dzo ntsa akobo bla epele, ŋa maami aso aka tse tse o be.