Dzandza 23:30 - Obamba Kiwoyeti (mdt) NT Portions

³⁰ Ama peese me ndi baari baa ma asaha olehe nde oyere. Kia obila o me etuma we nde asisari. Ŋa me duhi na baari ma banaŋa nde baa ma oya na soso nde na e we.»

Dzandza 23:30 Referans Kwoze

Dzandza 25:16

Me ekaali na bo mbri: “Asi Rome ma aka nyiliha mvuuru vua ni. Ove nde osa vuniŋa bla baari ma abanaŋa nde. Ove nde se oduhi e nde enyua.”

Dzandza 24:19

Ŋa Azife ake a mo ngaala Asi aki ŋa. Bo kaa baari ma ayi o mua we ŋa na abanaŋa me, yuhu bo aki na dzaa na me.

Dzandza 23:35

Lepatima leduhi na nde ndi: «Me olehe we eduhu o ntini e baari ma baniŋi we ma adze oka ŋa.» Nde otumi okiele Pole ntsa ndzo Erode Okuuru.

Dzandza 23:20

Ondzambu a balaha okaali na nde ndi: «Azife ake ama kura tsuumu ndi bo ma aya na pisa we ndi we oya na Pole osuuha o mua okuha akuuru a bo. Bo ma adze oduha ndi bo ma asaha oyaa dzaa e tsi tsi e nde ama sa.

Dzandza 23:12

Eto na entsiere, Azife ake avuniŋi ma adzisihi. Bo alabi okesi o miisi a Ndziami ndi: «Saabe i dza kiila, i nyua se kiila ni, yuhu saabe lekini sa buma Pole ni!»

Dzandza 15:29

Leka dziaha anyama ma ama mpa vuoŋi andziami ma otsa otsa ni. Lekaa dziaha anyama ma kini na tohi na ma nkini o tsebe nkii ni. Be lekaa siaha ompala ni. Be onyiima maami maa, be lesi yemiŋi. Ŋa leya vua!»

Dzandza 9:24

Ŋa Sole oyuhi tsuumu e bo ma kuri o nde. Na mui na mpiibi, bo ma kiele enyua ma lepaangu le onguundu, ndi bo abuma nde.

Dzandza 23:31

Aworo asi mva o nkumu a bo atumi bo osa. Bo abiri Pole na mpiibi, tii mpili onguundu Antipatrise.