Dzandza 23:1 - Obamba Kiwoyeti (mdt) NT Portions

¹ Pole okui apami ma okuha ompaa, oduhi ndi: «Baana ma anguhu, me edzandzi o Ndziami na otima ove, tii ngo o tsuhu e lobi.»

Dzandza 23:1 Referans Kwoze

Dzandza 24:16

Kia obila o me esa mpari ma okiele lebihi le me yemiŋi, o miisi a Ndziami na a baari.

2 Timote 1:3

Me empa Ndziami a me edzandziha o nde leve bla etsimiŋi ma eve, mva esiihi ankaha a me. Ma antini aso me etsimiŋa o we, na na mui na na mpiibi, o ntsa evuoniŋi e me.

Dzandza 22:5

Osi avuoŋi onini bla okuha akuuru aso, ma buuna osiisa enyua. Ma oma, bo baari ma ampihi me esaangumu ma etumiŋi me okuara baana ma anguhu ma ama yalaha Zezi, o ntini e me eyeni Damase. Ŋa me se eyeni na okuara baari ma ama yalaha Nkumu ma aki kua, ma oya na bo o Zerizaleme ma oliisa bo.»

Dzandza 23:6

Pole aki oyaa ndi ntsa okuha akuuru apami ake aki Asadisi, maamo Afarizi. Kia obila o nde aduhi o miisi a bo na ankala ndi: «Baana ma anguhu, me Ofarizi me se muana Ofarizi. Me na lila mva bo mbri akui ma adze onyusiha. Kia obila ma pama me o tso.»

Dzandza 22:30

Eto na entsiere, nkumu aworo onini osahi oyaa o bila o simi simi ankumu ma Azife ma baniŋi Pole. Nde otumi otsiese nde ankoso ma kuri nde o mo. Nde oduhi na ankumu ma asi ma vuoŋi bla ankumu ma okuha Azife, ma ovunuŋa. Ayi na Pole atsuusi o mua bo.

Dzandza 6:15

Ŋa baari aso ma aki ma okuha dzua, abirihi Etiene miisi. Bo amoni olia o nde oya mva obaandzi.

Dzandza 22:1

«Baana ma anguhu a me na ataara a me, leyuha a me eduha be paraabu ŋa ma lengulu le me.»

Dzandza 23:15

Ŋa be o tsuumu o be bla akuuru ma okuha, be lepisa na nkumu aworo ma oya na Pole. Be leduha mbri be lesaha oya dzaa e tsi tsi e nde ama sa. Ma lengulu le bisi, bisi le ba ledila nde o ndzila ma obuma nde o biri e nde akini oto kuuni ni.»

Dzandza 23:20

Ondzambu a balaha okaali na nde ndi: «Azife ake ama kura tsuumu ndi bo ma aya na pisa we ndi we oya na Pole osuuha o mua okuha akuuru a bo. Bo ma adze oduha ndi bo ma asaha oyaa dzaa e tsi tsi e nde ama sa.

Dzandza 23:28

Me eki esaha oyaa dzaa Azife ma baniŋi nde oyo. Me se ebiri nde mua okuha akuuru a bo.