Dzandza 21:8 - Obamba Kiwoyeti (mdt) NT Portions

⁸ Eto na entsiere bisi leto Sezare. Leyeni o ndzo e Filipe, mvuuru atoosoho Ntsia e mve. Bisi leki o ndzo e nde. Nde aki balaha ma asuoli o ntsa abalaha antsaami o Zerizaleme.

Dzandza 21:8 Referans Kwoze

Dzandza 6:5

Okuha aso oyalihi, bo asuoli Etiene, balaha eki ema luula ma oyalihi na Oduduma Santi. Bo asuoli se Filipe, Prokore, Nikanore, Timon, Parmenase bla Nikola osi Antiose a Siri, mvuuru ali ka Ozife ni, ayalihi angri a Moyize.

2 Timote 4:5

Ŋa we, ka yemiŋi o maami aso, kura okiini ma ampasi, tooso Ntsia e Mve, sa dzandza e we.

Dzandza 28:16

Bisi leto Rome, alehi Pole ma e nde ndzo. Bla ŋa oworo akielihi nde.

Dzandza 16:13

Tsuhu ma awuumaŋa, bisi letsuuhi ntsa onguundu ma odze paani okeri. Letsimiŋi mbri lebasaha biri ma ovuono. Bisi lekihi o ntsi, emana lewobi bla akaasi ma aki ma ama kusuha abuha o ŋa.

Dzandza 16:10

O ŋiŋa emana luoro e Pole, bisi lesahi odze Maseduane. Bisi leyaa mbri Ndziami atsuolo bisi ma atooso Ntsia e Mve kua.

Dzandza 9:30

Ŋa baana ma anguhu ayuha vua, bo abiri Sole mpili e Sezare ma otuma nde Tarse.

Dzandza 28:11

Angondo atari ayira, bisi lekumi o mbuungu ŋa Aleksandri edilihi ntini e mpebe e kuna o sabi e ndubu. Mbuungu dzia ekihi na ndiimi «Adioskire».

Dzandza 27:1

Ntini ma kuri ndi bisi ledze Itali, ampi Pole bla engeneŋe eke na nkumu aworo a Rome a nkumu onkama 100 aworo ma tsuolihi o Zilise. Nde oli ma odzu aworo ma «dzandziha mo Sezaare».

Dzandza 23:23

Nkumu aworo onini otsuoli ankumu ma aworo vuele, na bo ndi: «Lekusuha enkama ma aworo dziele (200), aworo ma dzuanaŋa o yula anyama ekuumi ntsaami 70, bla enkama ma abalaha dziele 200 ma eli na adzuo. Bo ayeese biibi, ma odze Sezare atari wa 9 a mpiibi.

Dzandza 20:13

Bisi leyahi mbuungu letsuomi levusu ma odze Asose. Oto kua bisi ledila Pole ma oyaha nde. Obila nde aduhi ndi nde ayira mo ndzila e mo ntsie.

Dzandza 20:6

Emana tsinda e mpembe leviire kali, bisi leyahi mbuungu o sabi e Filipe. Etsuhu etaani eyira, bisi leyeni na abasaha bo o Troase. Saabo lesi etsuhu ntsaami o ŋa.

Dzandza 18:22

Pole oto Sezaare, Nde osa kuma na awooso Okuha. Emana nde osurihi Antiose.

Dzandza 16:16

Tsuhu mo bisi leki ledze na biri ma vuonoŋo, odzandzi omo okaasi, odzi ŋa vunuŋa bla bisi. Nde aki na odidima o mbomo emonoŋo maami. Nde aduuhi baari maami ma adze oya o bo. Ma osuumbu dzua, ankumu a nde abaahi adoro kuna.

Dzandza 10:1

O Sezare eki na balaha mo nkuumi e nde Korneye. Nde aki nkumu onkama aworo ma tsuoloho ma «Odzu a Itali.»

Dzandza 21:16

Aluoni a ma onguundu o Sezare ayeni na anyila bisi. Ayeni na bisi mpili e Menason osi Sipre. Nde aki ama biha na oka oluoni, bisi letsi o ndzo e nde.