Dzandza 20:28 - Obamba Kiwoyeti (mdt) NT Portions

²⁸ Lesa ayiba o be anku, na na ma endoombo e Ndziami, ma Oduduma Santi ampi be ma okiele. Lekiele okuha a Ndziami yemiŋi. Okuha a nde abasihi mo tohi le nde anku.

Dzandza 20:28 Referans Kwoze

1 TIMOTE 4:16

Ka muo o we anku bla eyisihi e we. Sa nkomoŋo, ntini e we a sa vua, we asi yemiŋi we avusaha we anku bla baari ma yuha we.

1 TIMOTE 3:2

Nkumu ove oki mvuuru ove, ove nde se oka okari omo otu, nde oki na eku ma eve nde oki mvuuru ma nyiimaŋa, oki na ekiihi ma e mve, nde oki mvuuru ayambaha baari, nde se oki mvuuru abuuna oyisaha.

Dzandza 13:2

Tsuhu mo bo ama kusaha abuha ma ovuono na leka le ongerehe, ŋa Oduduma Santi oduhi na bo ndi: «Lenyila Barnabase bla Sole o paani ma osa dzandza e me esuoli bo o yo.»

1 TIMOTE 5:17

Akuuru ma okuha ma asa dzandza e bo yemiŋi aguri bo gura dzuele, vuli vuli baari ma monoŋo mpasi ma letooso le mbari bla leyisiha le yo.

Mbari e Like 12:32

«Be leka monoho vuoho ni, dziimi le ekiehe. Obila taara a be amono ove ma ompa be eve ma Onkani o nde.

1 TIMOTE 3:5

Ŋa mvuuru ali i yaa okiele ndzo e nde anku ni, nde okiele okuha a Ndziami yemiŋi buni?

1 TIMOTE 4:14

Ka besehe puha e mpolo eli o we ni, ma ampi we o ntini awobi a ma lengulu le Ndziami ma wobi, bla ŋa ntini akuuru ma okuha ma lehi dziala oyula we.

Dzandza 20:29

Me yaa mbri omana eyeniŋi e me, baari a mva ambulu ma adze oya o mpaniŋi e be, bo se ayusuha endoombo e Ndziami angaa.

Dzandza 20:17

Pole aki okini o Mile, otumi otsuolo akuuru ma okuha Efeze.

Dzandza 14:23

Pole bla Barnabase asuoli akuuru a ma ekuha. Bo avuoni bo aki ongerehe, emana bo alahi akuuru baa na Nkumu a bo ma yalihi.

Mbari e Like 21:34

«Leesa ayiba! Lekaa nyiliha otima a be olemi ntsa atsinda na mali a kuna ni, si kali ma ampasi ma lebihi ni, obila tsuhu Opami edze oya be o limihi.

Tite 1:7

Ma oma nkumu okuha ove oki mvuuru a tele, obila nde akielehe biibi e Ndziami. Nde i ka mvuuru ali na ndzamba na nkala ni, nde se i nyua mali a kuna ni, nde se i dzuana angru ni. Nde i saha obaha o ngula baari ni.

1 TIMOTE 3:1

Mbari dzi mbari e dzaa dzaa, mvuuru yuhu asaha oka nkumu o ntsa okuha, dzia dzandza e mve e nde adii.

Tite 2:14

Nde ampi nyuru e nde o saabe, ma ovusuha saabe o ntsa maami ma abi. Mo osa saabe leka baari a nde a tse tse, ma obaha obeyi ma osa maami ma ave.