Dzandza 20:24 - Obamba Kiwoyeti (mdt) NT Portions

²⁴ O me, lebihi le me anku mvunu kali. Me esaha osa dzandza e me tii ngo ntsuo. Me esa maami a Zezi a Nkumu aduhi me ma osa aso: letooso le Ntsia e mve e mpolo e Ndziami.

Dzandza 20:24 Referans Kwoze

Dzandza 21:13

Ŋa Pole okaali ndi: «Be lelila, be lesuesehe me otima ma oma? Me, mo nkuumi e Zezi a Nkumu, ebuuna oyalaha akuri me endi, abumi me o Zerizaleme.»

Dzandza 14:3

Si o vua, Pole bla Barnabase abihi ŋa Ekonyome. Bo awobihi bla lila leso o Nkumu. Ŋa Nkumu se olahi asisiele o maami a bo ma toosihi o puha le nde. Emana nde ompi bo lengulu ma osa andiimi bla epuna.

Tite 1:3

Nde oma laha mbari e nde ma antini a nde anku ayeesi, mbari e me etooso dzi aki ama mpa yo ŋa me, ma osuumbu a Ndziami Ovusihi a saabe aduhi.

Dzandza 20:32

Ŋa me ema mpa be ŋa na Ndziami bla mpolo e mbari e nde. Mbari e nde eli na onkumu ma ompa oyalihi o be mpari. O ngula yo se, Ndziami ampa baari a nde ma ali epeende wanda.

Dzandza 11:23

Barnabase oto, omoni mpolo e Ndziami ama asa, nde osueri. Nde oyaasi bo aso ma oka tele bla Nkumu ntsa etima e bo.

Dzandza 9:15

Ŋa Nkumu okaali na nde ndi: «Dziehe na abasaha nde. Obila nde odzandzi a me ema suolo ma owobo o nkuumi e me ntsa esi ma emo, na ankani bla baari a Isayele se.

Dzandza 1:17

Nde aki bla bisi, nde se aki na o nde otomi mva bisi.

2 Timote 1:12

Kia obila o me emono ampasi ma. Okoroho me i mono okru ni, obila me eyaa mvuuru a me ema lehe oyalihi o nde. Me eyaa mbri nde na onkumu ma okiele maami a nde aduhi me, tii ngo tsuhu opami.

Tite 2:11

Ŋa mpolo e Ndziami evusuha, emi ya o baari aso.

2 Timote 4:17

Ŋa Nkumu o yamiŋi me, nde ompi me mpari. Mo bu ndi ongula me aselehe otooso mbari e Ndziami, baari ma ali ka Azife ni aso ayuha yo. Ŋa ama vusaha me se mo onyua ongungu.

Dzandza 22:21

Ŋa Nkumu na me ndi: “Dziehe me etuma we lala, mpili baari ma ali ka Azife ni!”»

Dzandza 20:21

Me emi tsuolo Azife bla baari ma ali ka Azife ni, ma oyalaha Ndziami, na ma oyalaha Zezi a Nkumu.

2 Timote 3:11

Ntsa osuesihi, na ampasi a me emoni ŋa Antiose, ŋa Ikoniome, bla Listre. Asuesihi me kuna, ŋa Nkumu ovusihi me ntsa mo aso!

Mbari e Like 16:28

Obila me na barihi ataani. Nde oma dziese bo, bo se i ma ya o biri ampasi dzi ni.”

Dzandza 13:25

Zan-Batise aki oya tuha na omana dzandza e nde, nde oduhi ndi: “O be me na? Me ka mvuuru a be lediliha ni. Ŋa nde aya ngula me. Me ka tele ma otsiese akoroho a mo nyiili e nde ni.”

Dzandza 15:7

Bo amana owobo kuna, Piere oyahi mbari ndi: «Baana ma anguhu, be leyaa mbri Ndziami ama biha na osuolo me o mpaniŋi e be. Mo bu ndi baari ma ali ka Azife ni ayuha Ntsia e Mve, ayalaha Nkumu.

Dzandza 18:5

Ŋa ntini e Silase bla Timote ma awi Maseduane, Pole akihi ni ma otooso mbari e Ndziami. Nde aduha na Azife ndi Zezi oma kaha Krisi.

Dzandza 20:23

Okoroho ntsa enguundu eso, Oduduma Santi abaana odziese me ndi me edze omono mpasi me se edze ongeneŋe.