Dzandza 2:4 - Obamba Kiwoyeti (mdt) NT Portions

⁴ Oduduma Santi oluuli o bo aso, bo aya ma wobo adzuuyi akema. Ma osuumbu Oduduma Santi atumi bo ma owobo.

Dzandza 2:4 Referans Kwoze

Dzandza 13:52

Ŋa ma aluoni ma Antiose aso bo asili ntsa osuere, na Oduduma Santi se ama luula o bo.

Dzandza 4:31

Bo amana ovuono, biri e bo ma kihi eya enyuha, Oduduma Santi oluuli o bo aso. Bo aya ma tooso mbari e Ndziami na lila.

Dzandza 19:6

Pole olehi dziala o yula etsui e bo, bo se abahi Oduduma Santi. O ŋa bo aya ma wobo adzuuyi akema. Bo se ma wobo ma lengulu le Nkumu.

Dzandza 10:46

Ma oma bo aki ma yuha baari baa ma wobo adzuuyi akema, ma kuusa lekuma le Ndziami. Piere ovurihi oyahi mbari ndi:

Dzandza 9:17

Ananiase oyeni, onyuniŋi ntsa ndzo, olehi dziala o yula Sole na nde ndi: «Muana nguhu a me Sole, Nkumu mvuuru atumi me. Zezi dzu dzua alahi nyuru na we o ndzila ntini e we alaniŋi. Nde atumi me ndi we vuruha omono, Oduduma Santi se oluula o we.»

Dzandza 7:55

Ŋa Oduduma Santi aki oma luula ma Etiene, nde okeese yulu, omoni lekuma le Ndziami bla Zezi se ma otele o kuoho olumi o Ndziami.

Dzandza 1:5

Zan ampi ateeme ma andza. Ŋa mo be, ntsa etsuhu ma eya, be ledze obaha ateeme ma Oduduma Santi.»

Dzandza 13:9

O ŋa Oduduma Santi oki oma luula o Sole ma tsuolihi se o Pole, nde okui Elimase ompaha.

Dzandza 2:11

Na asi Krete bla asi Arabi. Na Azife bla baari ma ali ka Azife ni, ma amayalaha angri a Moyize. Okoroho saabe leyuha bo mawobo ma adzuuyi a saabe, eve e Ndziami asi!»

Mbari e Like 12:12

Obila Oduduma Santi adze oyisiha be o ŋiŋa dzaa e be le edze oduha.»

Dzandza 4:8

Ŋa Piere omaluula ma Oduduma Santi na bo ndi:

Mbari e Like 4:1

Zezi awa na Zurde, Oduduma Santi oma luula o nde, Oduduma obiri nde ntsa kayi.

Dzandza 11:15

Me eki kini ebaana owobo, Oduduma Santi osurihi o yula bo, mva osuumbu a nde asurihi o yula saabe o ntini lebaani.

Dzandza 6:5

Okuha aso oyalihi, bo asuoli Etiene, balaha eki ema luula ma oyalihi na Oduduma Santi. Bo asuoli se Filipe, Prokore, Nikanore, Timon, Parmenase bla Nikola osi Antiose a Siri, mvuuru ali ka Ozife ni, ayalihi angri a Moyize.

Dzandza 6:3

Ŋa lesuolo abalaha ntsaami o mpaniŋi e be baana ma anguhu, ma ali na eku me eve, ma amaluula ma Oduduma, bo se na ntsimi. Mo vua bisi lempa bo dzandza dzia.

Dzandza 1:8

Ŋa be ledze obasaha mpari o ntini Oduduma Santi aya o be, be ledze oka baari ma siisa enyua e me o Zerizaleme, na o ntsa Zide eso, na Samari tii ngo o yula ntsie eso.»

Mbari e Like 1:15

O miisi a Nkumu, nde adze oka mvuuru onini. Nde aka adze onyua mali a ba, na mali akimaa nkala ni. Oduduma Santi adze oluula o nde ntsa muo a nguhu a nde.

Dzandza 11:24

Barnabase aki mvuuru ove, Oduduma Santi oma luula o nde, nde se aki na oyalihi. Baari kuna se ayalihi Nkumu.

Dzandza 6:8

Etiene omaluula o mpolo bla mpari e Ndziami, nde aki asa epuna ŋa andiimi a luari o mua baari.

Mbari e Like 21:15

Obila me anku empa be mbari bla ntsimi eli abuha ma ombangu i sa ekemi ni, bo aso se i buuna obisa yo ni.

Mbari e Like 1:67

Oduduma Santi oluuli o Zakari a taara a muana, oya awobo ma lengulu le Ndziami ndi:

Mbari e Like 1:41

Ntini Elisabete ayuhi dzuuyi le Mariya, muana ofubi ntsa muo a nde, Oduduma Santi oluuli mo Elisabete.

Dzandza 2:3

O ŋa adzuuyi awi yulu mva akaami a mbaa, abaahi ma ebari, avi o yula bo mvuuru na mvuuru.

Dzandza 8:17

O ŋa Piere bla Zan alehi bo dziala o yula etsui, bo abahi Oduduma Santi.

Dzandza 10:47

«Baari ba ami baha Oduduma Santi, va na osa ma buuna oliha bo ateeme ma andza?»

Dzandza 15:8

Ndziami oyaa etima e baari. Nde oma duha ndi nde ayamba baari ma ali ka Azife ni. Nde se ompa bo Oduduma Santi mva saabe.