Dzandza 19:29 - Obamba Kiwoyeti (mdt) NT Portions

²⁹ Ŋa okrukusu ovi ma onguundu oso. Baari aso ayeni mua lebuhu le tsinda. Abiri Ngayise bla Aritake se, asi Maseduane vuele ma yeniŋi opiinga bla Pole.

Dzandza 19:29 Referans Kwoze

Dzandza 20:4

Baari ma yeni bla nde eki: Sopatere, a muana Pirise osi Bere, na Aritate bla Sekudise asi Tesalonike. Ngayise osi Derbe, ŋa Timote bla Tisike na Trofime, baa aki asi ngaala Asi.

Dzandza 27:2

Bisi lekumi o ntsa mbuungu ma onguundu ŋa Adramite, ma odze sabi e ngaala Asi. Emana bisi leyeni. Aristake aki bla bisi, nde aki osi Maseduane a Tesalonike.

Dzandza 21:30

Okrukusu ovi ntsa onguundu oso. Baari akuhi na kuna. Bo akuari Pole, atusihi nde o ntsa ndzo e Ndziami. O ntsi na ntsi ŋa bo abiindi edubihi.

Dzandza 19:22

Nde otumi Timote bla Eraste Maseduane, bo vuele ayamiŋi nde. Ŋa nde anku osi atsa etsuhu ntsa ngaala Asi.

Dzandza 21:38

Ŋa we ka osi Ezipte ayi na okrukusu ntsa etsuhu e mbisa bi ni! Omana obiri ekuumi me enkama e baari ena (4,000) ma eli na adzasi ntsa kayi ni?»

Dzandza 20:34

Be leyaa mbri me edzandzi o dziala e me anku ma omana kaama e me, bla e baari ma yiriha bla me.

Dzandza 19:32

O ntini dzia, okrukusu ovi o mpaniŋi e baari ntsa okuha. Ba ma duha ndi bu, ba ku se ma kaala akema. Ŋa baari kuna aki i ma yaa obila o bo ma ama kusaha abuha o tso ni.

Dzandza 17:8

Mbari e bo dzia etiila lemvuuru bla ankumu a ma onguundu.

Dzandza 16:9

Lempiibi lemo Pole omoni balaha mo eki osi Maseduane, ma otele ntsa luoro. Nde opisi Pole kolo kolo ndi: «Yira na Maseduane, we oya na ayamaŋa bisi!»

Dzandza 13:5

Bo ato Salamine, atoosi mbari e Ndziami ntsa andzo ma Azife ma vuonoŋo. Zan aki bla bo ma oyamaŋa bo.

Dzandza 16:12

Letsiehe ŋa leyeni onguundu o nkuumi Filipe, tso se oki onguundu enini ntsa ngaala e Maseduane. Asi Rome aki ankumu a bo. Bisi letsi etsuhu ŋa.

Dzandza 19:21

Emana maami maa, Pole oyeesi bla Oduduma Santi ma ovuula Maseduane bla Akayi, ma odze na Zerizaleme. Nde oduhi ndi: «Me omana kua, ove me se yeni Rome.»