Dzandza 18:12 - Obamba Kiwoyeti (mdt) NT Portions

¹² Ntini e Ngalion akihi lepatima le Rome ma Akayi, Azife aso abeli Pole. Bo ayeni na nde o ndzo ma pamaŋa maami.

Dzandza 18:12 Referans Kwoze

Dzandza 18:27

Apolose asaha odze Akayi. Baana ma anguhu ayaasi nde ma odze. Bo ateendi aluoni ma ali kua osaangumu. Ma oduha ndi bo ayamba Apolose yemiŋi. Nde oto kua, nde oyamiŋi baari ma ama yalaha Nkumu mo mpolo e Ndziami.

Dzandza 13:50

Ŋa Azife atsiesi akaasi ma aki na etomi ma enini ma vuoniŋi Ndziami, na ankumu a ma onguundu. Bo asaari otohi ma osuesehe Pole bla Barnabase, bo atsuuri bo o ngaala e bo.

Dzandza 13:7

Nde akihi o ndzo lepatima Serdzise Paulise. Nde leki balaha oyeri. Nde otsuoli Barnabase bla Sole, obila nde aki na ndzala oyuha mbari e Ndziami.

Dzandza 25:10

Ŋa Pole okaali ndi: «Me eli ŋa o ndzo e Sezaare ma pamaŋa maami. Dzia biri ma pama me. Me eka asa Azife obi ni, we anku we oyaa yemiŋi.

Dzandza 17:13

Ŋa Azife a Tesalonike ayuhi ndi Pole atooso mbari e Ndziami o Bere, bo ayi ntsa onguundu kia na alehe ondzangavuya na letsiese le baari.

Dzandza 14:19

Azife awi Antiose a Pisidi bla Ekonyome. Bo aya ma diima baari ma lengulu le bo. O ŋa atini Pole akele, atusihi nde ntsa onguundu. Bo atsimiŋi ndi nde aki omi kua.

Dzandza 14:2

Ŋa Azife ake abisi oyalaha. Bo ayahi baari ma aki ka Azife ni ma lengulu le bo, mo bu ndi bo abasiha etsimiŋi ma ebi o baana ma anguhu.

Zaake 2:6

Ŋa be, be lema bese onga owuha. Okoroho, bo ka anga osolo bibaa ma suesehe be, omana bo abira be andzo ma pamaŋa baari ni?

Dzandza 17:5

Ŋa Azife amoni mfunwamuo. Bo ayahi elibi e baari e bo mamoni ma ewoombo. Bo atsiesi lemvuuru, okrukusu ovi ntsa onguundu. Bo ayeni ndzo e Zason na ayaha Pole bla Silase. Ma oma bo asahi obira bo o mua baari.

Dzandza 13:12

Ntini lepatima omono maami ma ayiri, oyalihi Zezi. Ŋa Mbari e Nkumu etiili nde ma otima.

Dzandza 13:8

Ŋa Elimase anga ati dzi nkuumi e nde mo dzuuyi le ngreke ndzala Barnabase bla Sole kali. Nde se ndzala ndi lepatima oyalaha Ndziami kali.

Dzandza 18:11

Pole oki o Korete osibi etsiina na otini. Nde ayisiha baari mbari e Ndziami.

Dzandza 19:21

Emana maami maa, Pole oyeesi bla Oduduma Santi ma ovuula Maseduane bla Akayi, ma odze na Zerizaleme. Nde oduhi ndi: «Me omana kua, ove me se yeni Rome.»