Dzandza 13:50 - Obamba Kiwoyeti (mdt) NT Portions

⁵⁰ Ŋa Azife atsiesi akaasi ma aki na etomi ma enini ma vuoniŋi Ndziami, na ankumu a ma onguundu. Bo asaari otohi ma osuesehe Pole bla Barnabase, bo atsuuri bo o ngaala e bo.

Dzandza 13:50 Referans Kwoze

2 Timote 3:11

Ntsa osuesihi, na ampasi a me emoni ŋa Antiose, ŋa Ikoniome, bla Listre. Asuesihi me kuna, ŋa Nkumu ovusihi me ntsa mo aso!

Dzandza 14:19

Azife awi Antiose a Pisidi bla Ekonyome. Bo aya ma diima baari ma lengulu le bo. O ŋa atini Pole akele, atusihi nde ntsa onguundu. Bo atsimiŋi ndi nde aki omi kua.

Dzandza 14:2

Ŋa Azife ake abisi oyalaha. Bo ayahi baari ma aki ka Azife ni ma lengulu le bo, mo bu ndi bo abasiha etsimiŋi ma ebi o baana ma anguhu.

Dzandza 13:45

Azife amono lemvuuru lia, mfuniŋa muo esi bo. Bo akimaŋi maami a Pole aduhi, aya ma tuha nde.

Dzandza 21:27

Etsuhu e ntsaami e tsinda ma tsukaha nyuru eki eya ma ewa. Azife a ngaala Asi amoni Pole o ntsa ndzo e Ndziami. Bo atsieesi lemvuuru leso, bo akuari Pole.

Dzandza 17:13

Ŋa Azife a Tesalonike ayuhi ndi Pole atooso mbari e Ndziami o Bere, bo ayi ntsa onguundu kia na alehe ondzangavuya na letsiese le baari.

Dzandza 13:43

Bo amana okuha dzua, Azife kuna bla baari ma ali ka Azife ni, ma nyiimiŋa angri a Moyize, aluoni pole bla Barnabase. Pole bla Barnabase awobi bla bo, ayaasi bo ma oka yemiŋi o mpolo e Ndziami.

Dzandza 8:1

Ŋa Sole aki o ŋa, nde se oyalihi leku le Etiene. O tsuhu dzi dzia, aya ma baana osuesehe okuha a Zerizaleme, esuesihi dzo mini. Ayalihi a Zezi atsalihi ntsa Zide na Samari, ongula antuma atu ma siili.

Dzandza 6:12

Bo atsiesi baari. Akuuru ma Azife bla ayisihi ma angri, ayi akuari Etiene ayeni na nde mua okuha ankumu ma Azife.

Dzandza 2:5

O ŋa eki na Azife ma nyimaŋa Ndziami, ma awi esi eso ma oya Zerizaleme.

Dzandza 14:4

Asi onguundu kia aka ka dzaa le mo ni. Ake ngula Azife, maamo ngula antuma.

Dzandza 14:5

Azife bla na baari akimana ankumu a bo, akuri osuesehe na Pole bla Barnabase, ndi abuma bo ma akele.

Dzandza 16:14

Omo otu o ntsa bo aki nkuumi Lidi osi onguundu o Tiatire. Nde aki otehi amfa ma wali a ba, nde se avuono Ndziami. Okaasi dzua aki ayuha bisi. Nkumu onaani otima a nde mo bu ndi nde oyuha mbari e Pole yemiŋi.

Dzandza 17:4

Baari ake o mpaniŋi e bo ayalihi, bo se ayeni bla Pole na Silase. Ŋa na asi Ngrese kuna ma avuoniŋi Ndziami ayeni bla bo, bla ŋa akaasi kuna ma ali na etomi ma enini.

Dzandza 17:12

Kuna o mpaniŋi e bo ayalihi Zezi. Na asi Ngrese, na akaasi ma ali na etomi ma enini. Abalaha kuna se ayalihi.

Dzandza 17:17

Ntsa ndzo ma vuonoŋo, nde awobo bla Azife ŋa na baari akimama avuonoŋo Ndziami. Ŋa o mua lebuhu nde se awobo bla ayiri a ndzila etsuhu eso.

Dzandza 18:7

Pole otsuuhi o ndzo ma avuonoŋo. Nde oyeni mpili Titise Zistise, balaha evuonoŋo Ndziami. Ndzo e nde ekihi o paani e ndzo ma avuonoŋo.

Dzandza 28:17

Etsuhu etari eyira, Pole otsuoli ankumu ma Azife a Rome o ndzo e nde. Ntini e bo ma kusihi abuha, nde oduhi ndi: «Baana ma anguhu a me, me eka asa dzaa e mbi o baari a saabe, si kali ma lewaanga le ankaha a saabe ni. Okoroho bo akuari me o Zerizaleme, ampi na asi Rome.