Dzandza 13:43 - Obamba Kiwoyeti (mdt) NT Portions

⁴³ Bo amana okuha dzua, Azife kuna bla baari ma ali ka Azife ni, ma nyiimiŋa angri a Moyize, aluoni pole bla Barnabase. Pole bla Barnabase awobi bla bo, ayaasi bo ma oka yemiŋi o mpolo e Ndziami.

Dzandza 13:43 Referans Kwoze

Dzandza 11:23

Barnabase oto, omoni mpolo e Ndziami ama asa, nde osueri. Nde oyaasi bo aso ma oka tele bla Nkumu ntsa etima e bo.

Dzandza 14:22

Bo ampi aluoni mpari. Bo ayaasi bo ma osa nkomoŋo bla oyalihi. Na bo ndi: «Saabe ove leyiri ma ampasi kuna, ma onyuniŋa ntsa Onkani o Ndziami.»

Dzandza 17:34

Okoroho ake ayeni bla nde, bo se ayalihi Nkumu. O ntsa bo eki na Deni nkani o ntsa okuha ŋa Aropaze. Bla okaasi omo ma tsuolihi o Damarise, ŋa na maamo.

Dzandza 17:4

Baari ake o mpaniŋi e bo ayalihi, bo se ayeni bla Pole na Silase. Ŋa na asi Ngrese kuna ma avuoniŋi Ndziami ayeni bla bo, bla ŋa akaasi kuna ma ali na etomi ma enini.

Dzandza 16:14

Omo otu o ntsa bo aki nkuumi Lidi osi onguundu o Tiatire. Nde aki otehi amfa ma wali a ba, nde se avuono Ndziami. Okaasi dzua aki ayuha bisi. Nkumu onaani otima a nde mo bu ndi nde oyuha mbari e Pole yemiŋi.

Dzandza 14:3

Si o vua, Pole bla Barnabase abihi ŋa Ekonyome. Bo awobihi bla lila leso o Nkumu. Ŋa Nkumu se olahi asisiele o maami a bo ma toosihi o puha le nde. Emana nde ompi bo lengulu ma osa andiimi bla epuna.

Dzandza 28:23

Bo asuoli tsuhu ma ovuniŋa bla Pole. Tsuhu dzia bo ayi akuna kuna na amono Pole o ndzo e nde. Ma obaana entsiere tii eki kolo, Pole owobo na bo, atooso bo Onkani o Ndziami. Nde awobo bo o Zezi, nde se asa ndi bo ayalaha nde. Nde aliira angri a Moyize bla esaangumu ma awobi a mbari e Ndziami.

Dzandza 17:17

Ntsa ndzo ma vuonoŋo, nde awobo bla Azife ŋa na baari akimama avuonoŋo Ndziami. Ŋa o mua lebuhu nde se awobo bla ayiri a ndzila etsuhu eso.

Dzandza 13:50

Ŋa Azife atsiesi akaasi ma aki na etomi ma enini ma vuoniŋi Ndziami, na ankumu a ma onguundu. Bo asaari otohi ma osuesehe Pole bla Barnabase, bo atsuuri bo o ngaala e bo.

Dzandza 6:5

Okuha aso oyalihi, bo asuoli Etiene, balaha eki ema luula ma oyalihi na Oduduma Santi. Bo asuoli se Filipe, Prokore, Nikanore, Timon, Parmenase bla Nikola osi Antiose a Siri, mvuuru ali ka Ozife ni, ayalihi angri a Moyize.

Dzandza 2:10

Maamo asi Frizi na Pamfili, na Ezipte, na Sirene ali ntsa Libi. Maamo asi Rome.

Tite 2:11

Ŋa mpolo e Ndziami evusuha, emi ya o baari aso.

Dzandza 18:7

Pole otsuuhi o ndzo ma avuonoŋo. Nde oyeni mpili Titise Zistise, balaha evuonoŋo Ndziami. Ndzo e nde ekihi o paani e ndzo ma avuonoŋo.