Dzandza 13:3 - Obamba Kiwoyeti (mdt) NT Portions

³ Bo amana oka ongerehe bla levuono, alehi se dziala o yula bo, bo anyili bo ayeni.

Dzandza 13:3 Referans Kwoze

Dzandza 6:6

Bo alahi abalaha a ntsaami baa na antuma, antuma alehi dziala o yula bo, avuoni o bo.

2 Timote 2:2

Maami a we ayuhi me etooso o miisi a baari ma siisihi enyua kuna maa, duha mo na baari ma ali tele. Bo se ma adze obuuna oyisiha mo na abuha akema.

1 TIMOTE 4:14

Ka besehe puha e mpolo eli o we ni, ma ampi we o ntini awobi a ma lengulu le Ndziami ma wobi, bla ŋa ntini akuuru ma okuha ma lehi dziala oyula we.

Dzandza 13:2

Tsuhu mo bo ama kusaha abuha ma ovuono na leka le ongerehe, ŋa Oduduma Santi oduhi na bo ndi: «Lenyila Barnabase bla Sole o paani ma osa dzandza e me esuoli bo o yo.»

1 TIMOTE 5:22

Kaa siaha asisari ma oleehe dziala o yula baari ni, kaa anyunuŋa o mbiini e mvuuru ni. We anku, we okieli nyuru tse tse.

Dzandza 14:26

O ŋa, bo ayahi mbuungu ma ovuriha Antiose a Siri. Ntsa onguundu kia ampi bo na mpolo e Ndziami, mo dzandza e bo ma aki ma ami sa.

Dzandza 14:23

Pole bla Barnabase asuoli akuuru a ma ekuha. Bo avuoni bo aki ongerehe, emana bo alahi akuuru baa na Nkumu a bo ma yalihi.

2 Timote 1:6

Kia obila o me eyibiha we mbri: kiele puha e Ndziami ampi we yemiŋi, o ntini e me elehi dziala o yula we.

Dzandza 15:40

Pole osuoli Silase. Baana ma anguhu avuoni o nde, ma olehe nde o mpolo e Nkumu. Nde se oyeni.

Dzandza 9:17

Ananiase oyeni, onyuniŋi ntsa ndzo, olehi dziala o yula Sole na nde ndi: «Muana nguhu a me Sole, Nkumu mvuuru atumi me. Zezi dzu dzua alahi nyuru na we o ndzila ntini e we alaniŋi. Nde atumi me ndi we vuruha omono, Oduduma Santi se oluula o we.»

Mbari e Like 2:37

Emana oya okuuli. Nde ekuumi ma esibi mfuomo na esibi ena (84). Akihi ntsa ndzo e Ndziami ma odzandza antini aso, aka na ongerehe, nde se avuono.

Dzandza 1:24

Emana bo avuoni ndi: «E Nkumu, we mvuuru adziabi etima e baari aso, laha bisi a we asuoli o mpanihi e bo vuele.

Dzandza 13:4

O ŋa Oduduma Santi otumi Barnabase bla Sole, bo asurihi Selisi. O ŋa bo ayahi mbuungu ma odze na Sipre.