Dzandza 13:2 - Obamba Kiwoyeti (mdt) NT Portions

² Tsuhu mo bo ama kusaha abuha ma ovuono na leka le ongerehe, ŋa Oduduma Santi oduhi na bo ndi: «Lenyila Barnabase bla Sole o paani ma osa dzandza e me esuoli bo o yo.»

Dzandza 13:2 Referans Kwoze

Dzandza 9:15

Ŋa Nkumu okaali na nde ndi: «Dziehe na abasaha nde. Obila nde odzandzi a me ema suolo ma owobo o nkuumi e me ntsa esi ma emo, na ankani bla baari a Isayele se.

2 Timote 1:11

Ndziami oma suolo me ma otooso Ntsia e Mve dzi, me ntuma me se oyisihi.

1 TIMOTE 2:7

Kia obila ma suoli me ma oka otoosi bla ntuma, me eduha ŋa dzaa dzaa ka me ekura ni, ma oyisiha se oyalihi bla asisiele na baari ma ali ka Azife ni.

Dzandza 22:21

Ŋa Nkumu na me ndi: “Dziehe me etuma we lala, mpili baari ma ali ka Azife ni!”»

Dzandza 14:26

O ŋa, bo ayahi mbuungu ma ovuriha Antiose a Siri. Ntsa onguundu kia ampi bo na mpolo e Ndziami, mo dzandza e bo ma aki ma ami sa.

Mbari e Like 2:37

Emana oya okuuli. Nde ekuumi ma esibi mfuomo na esibi ena (84). Akihi ntsa ndzo e Ndziami ma odzandza antini aso, aka na ongerehe, nde se avuono.

2 Timote 2:2

Maami a we ayuhi me etooso o miisi a baari ma siisihi enyua kuna maa, duha mo na baari ma ali tele. Bo se ma adze obuuna oyisiha mo na abuha akema.

Dzandza 13:3

Bo amana oka ongerehe bla levuono, alehi se dziala o yula bo, bo anyili bo ayeni.

Dzandza 10:30

Korneye okaali ndi: «Etsuhu eya ŋa etari, atari se atari a ngula ndzanga mima, me eki evuono o ntsa ndzo e me. O ŋiŋa balaha mo eki na amfa ma kiemeŋe oyi o miisi a me.

Dzandza 10:19

Piere oki okini atsimiŋa maami a nde amoni, ŋa Oduduma na nde ndi: «Abalaha atari a ba ma saha we.

Dzandza 8:29

Oduduma Santi oduhi na Filipe ndi: «Ciina, we obasaha saare dzua.»

2 Timote 4:11

Like otu oli bla me. Yaha Marke we odze bla nde, obila nde abuuna oyamaŋa me o dzandza.

2 Timote 4:5

Ŋa we, ka yemiŋi o maami aso, kura okiini ma ampasi, tooso Ntsia e Mve, sa dzandza e we.

Dzandza 20:28

Lesa ayiba o be anku, na na ma endoombo e Ndziami, ma Oduduma Santi ampi be ma okiele. Lekiele okuha a Ndziami yemiŋi. Okuha a nde abasihi mo tohi le nde anku.

Dzandza 6:4

Ŋa o bisi, bisi leselehe ovuono bla dzandza e ma otooso mbari e Ndziami.»

Mbari e Like 10:1

Emana ŋa, Nkumu ovurihi osuoli aluoni akima, ekuumi ntsaami na vuele. Nde otumi bo levusu le nde, vuele vuele. Ntsa enguundu na ampuhu a nde adze odze.

Dzandza 4:36

Ŋa Zuzefe, antuma ma aluhi nkuumi e Barnabase ma oduha ndi: «Mvuuru akoosoho abuha», osi Levi ma akuli o Sipre.

Dzandza 13:4

O ŋa Oduduma Santi otumi Barnabase bla Sole, bo asurihi Selisi. O ŋa bo ayahi mbuungu ma odze na Sipre.