1 TIMOTE 4:16 - Obamba Kiwoyeti (mdt) NT Portions

¹⁶ Ka muo o we anku bla eyisihi e we. Sa nkomoŋo, ntini e we a sa vua, we asi yemiŋi we avusaha we anku bla baari ma yuha we.

1 TIMOTE 4:16 Referans Kwoze

Tite 1:9

Ove nde oselihi oyalaha mbari e dzaa dzaa oyalihi, mva ma yisihi. Ove nde oki mvuuru ayaasaha abuha, ntsa eyisihi ma opeende. Ma olaha etamiŋi e baari ma bisiha maami a nde.

Tite 2:7

Ŋa na we se, ove we oki na ekiihi ma eve me ediima abuha. Ntsa eyisihi e we, we olahi maami a tele, we se oki mvuuru ma nyiimaŋa.

2 Timote 4:2

tooso mbari e Ndziami, selehe odzisiha ma antini ma ave bla ma abi, dziese bo, bie na bo, yaasa bo, wobo na bo bla ledila, na onguo mo oyisiha.

2 Timote 3:14

Ŋa we selehe okiele maami ma yisihi we yemiŋi, na a we ayambi bla oyalihi tso mini, we oyaa mvuuru ayisihi we mo.

Mbari e Like 21:34

«Leesa ayiba! Lekaa nyiliha otima a be olemi ntsa atsinda na mali a kuna ni, si kali ma ampasi ma lebihi ni, obila tsuhu Opami edze oya be o limihi.

1 TIMOTE 4:6

Yisiha maami ma aso na baana ma anguhu: mo vua we okiriha odzandzi ove a ntsa okuha a Krisi zezi, ma ama bunuŋa bla mbari oyalihi na oyisihi ove a we ama luono yemiŋi.

1 TIMOTE 1:3

We okaha ma Efeze mva o me eduhi we, o ntini e me eyenihi Maseduane. Ntsa onguundu kia, na baari ma ayisiha eyisihi ekima. Ŋa ove we oduhi bo, bo i ma sa vua ni!

2 Timote 2:10

Kia obila o me ekura okiini o maami aso obila mo baari a Ndziami ama suolo. Mo bu ndi bo se avuuha mo Zezi Krisi, abaha lekuma le mbumbu.

Dzandza 6:4

Ŋa o bisi, bisi leselehe ovuono bla dzandza e ma otooso mbari e Ndziami.»

Zaake 5:20

Ove be leya mbri mvuuru aya na vuriha ŋa osi ambiini mo ndzila e nde aki ami nyuoŋo, avusuha nde ntsa leku, nde se atuma adiisa ambiini a nde kuna.

Tite 2:15

Mono maami a we ayisiha bla onkumu o we oso, mo oyaasa baari ma yuha we. Si kali ma obie na bo, mo bu ndi mvuuru se omo i bese we ni.

Dzandza 26:22

Ŋa tii o lobi, Ndziami ama yamaŋa me. Me eselehe osiisa enyua o maami a nde o mua baari aso, na enkere na akuuru. Awobi a mbari e Ndziami bla Moyize aki ama wobo o maami ma adze oya. Ŋa me eka ma duha dzaa nkima ni.

1 TIMOTE 4:15

Mono maami a we akiele ntsa otima, mono osuumbu a we a sa nkomoŋo. Ŋa baari aso amono osuumbu a we ŋa kula.