Njàgà Bagaà Jâŋ 8:36 - Mambilla NT (Cameroon)

³⁶ Mɔ Huaán bí mé feh biì sɔm kwaá né kɔɔ́, sâ mé gècên mene bí baá mé feh biì.

Njàgà Bagaà Jâŋ 8:36 Referans Kwoze

2 Kɔrênt 3:17

Lòù sam, Fehtoò beèh né Cúcuí. Bèh mé Cúcuí Fehtoò beèh né teèn dɔɔ́ŋ, bɔ̀ nùàr kwer sóù sam cuú.

Galatî 5:1

*Kristò béh te yuií kwer-e se sɔm aá kèn, ye te béh den lom mé feh beèh, béh ka sóù dèn cú. Sâ, bí dèn lòm mé feh biì nɔɔ́ŋ ménâ, bí té te yuií kwer-e yílá cú.

Rɔ̂m 8:2

Lòù sam, Cúcuí Càŋ mé né yɔ̀ŋ tètàgà haá, né mè nùà Yeésò Kristò beè yaám sie, à huar sɔm aá mè yuií veên mé yuií cioò yoòr kèn.

Njàgà bagaà Lûk 4:18

«Cúcuí Càŋ né felè mò, à balé sɔm aá mè, te mè tueé bɔ̀ saám bɔ̀ Njàgà Bagaà. À mè tema njií né ká yoòr bɔ̀ nuaá mé né lòù tené le, ye mè a, júée bɔ́ a: bɔ́ mvelé yuo aá ma. Mè nde né mé bɔ̀ cùgò njolo bɔ̀ tueé ndɔ, ye bɔ́ a: bɔ́ nde né njolo ŋené. Càŋ mè temà né te mè mvelé sɔm bɔ̀ cɔɔ́ŋ,

1 Kɔrênt 7:22

Mɔ wò né mene kwer, kɔ́ɔ ye kwer dé mé Fehtoò beèh Yeésò *Kristò né bú yilá, baá dé seèn mé feh seèn beè Fehtoò beèh. Dé nuaá mé Yeésò Kristò lé yilá naâ bú, sâ à né mé feh seèn, baá dé seèn kwer Kristò.